ಅತಿ ಕಡಿಮೆ ಮಹಿಳಾ ಪೋಲೀಸ್ ಅಧಿಕಾರಿಗಳನ್ನು ಹೊಂದಿರುವ ರಾಜ್ಯಗಳಲ್ಲಿ 'ನಂಬರ್ ಒನ್ ಕೇರಳ'ವೂ ಒಂದು !

ತಿರುವನಂತಪುರಂ: ದೇಶದಲ್ಲಿ ಅತಿ ಕಡಿಮೆ ಮಹಿಳಾ ಪೋಲೀಸ್ ಅಧಿಕಾರಿಗಳನ್ನು ಹೊಂದಿರುವ ರಾಜ್ಯಗಳಲ್ಲಿ ಕೇರಳವೂ ಒಂದು ಎಂದು ಇಂಡಿಯಾ ಜಸ್ಟೀಸ್ ವರದಿ ಗಮನಸೆಳೆದಿದೆ.

ಒಟ್ಟು ಪೋಲೀಸ್ ಪಡೆಯಲ್ಲಿ ಮಹಿಳೆಯರ ಪ್ರಮಾಣ ಕೇವಲ ಶೇ. 2.7 ರಷ್ಟಿದೆ. ಕೇರಳದಲ್ಲಿ ಇದು ಶೋಚನೀಯ ಪರಿಸ್ಥಿತಿ, ಆದರೆ ಆಂಧ್ರಪ್ರದೇಶ ಮತ್ತು ಬಿಹಾರದಲ್ಲಿ ಪ್ರತಿ ಪೆÇಲೀಸ್ ಠಾಣೆಯಲ್ಲಿ ಸರಿಸುಮಾರು ಶೇಕಡಾ 33 ರಷ್ಟು ಮಹಿಳಾ ಪೋಲೀಸ್ ಅಧಿಕಾರಿಗಳಿದ್ದಾರೆ. 

ರಾಜ್ಯದಲ್ಲಿ ಮಹಿಳಾ ಪ್ರಾತಿನಿಧ್ಯವನ್ನು ಶೇ. 15 ಕ್ಕೆ ಹೆಚ್ಚಿಸುವುದು ರಾಜ್ಯ ಸರ್ಕಾರದ ಭರವಸೆಯಾಗಿತ್ತು. ಕೇರಳ ತನ್ನ ಏಳನೇ ಗುರಿಯನ್ನು ತಲುಪಲು ಸಹ ಸಾಧ್ಯವಾಗುತ್ತಿಲ್ಲ.

ಕೇಂದ್ರ ಗೃಹ ಸಚಿವಾಲಯದ ನಿಯಮದ ಪ್ರಕಾರ, ಒಂದು ಪೋಲೀಸ್ ಠಾಣೆಯಲ್ಲಿ ಮೂವರು ಮಹಿಳಾ ಸಬ್ ಇನ್ಸ್‍ಪೆಕ್ಟರ್‍ಗಳು ಮತ್ತು 10 ಮಹಿಳಾ ಕಾನ್‍ಸ್ಟೆಬಲ್‍ಗಳು ಇರಬೇಕು. ಆದರೆ ಕೇರಳ ಸೇರಿದಂತೆ ಹಲವು ರಾಜ್ಯಗಳು ಇದನ್ನು ಪಾಲಿಸುವುದಿಲ್ಲ. ಕೇರಳದಲ್ಲಿ ಒಬ್ಬ ಮಹಿಳಾ ಎಸ್‍ಐ ಇಲ್ಲದ ಪೋಲೀಸ್ ಠಾಣೆಗಳಿವೆ. ಮಹಿಳಾ ಎಸ್‍ಐಗಳ ಸಂಖ್ಯೆ ಶೇ. 0.2 ಮತ್ತು ಮಹಿಳಾ ಕಾನ್‍ಸ್ಟೆಬಲ್‍ಗಳ ಸಂಖ್ಯೆ ಶೇ. 6.8 ಎಂದು ವರದಿ ಗಮನಸೆಳೆದಿದೆ.

ಏಪ್ರಿಲ್ 20, 2024 ರಂದು ಜಾರಿಗೆ ಬಂದ ರ್ಯಾಂಕ್ ಪಟ್ಟಿಯ ಅವಧಿ ಮುಗಿಯಲಿದ್ದು, ಮಹಿಳಾ ಪೋಲೀಸ್ ನೇಮಕಾತಿಗಾಗಿ ಪಿಎಸ್‍ಸಿ ರ್ಯಾಂಕ್ ಪಟ್ಟಿಯಲ್ಲಿ ಸೇರಿಸಲಾದ ಮುಕ್ಕಾಲು ಭಾಗದಷ್ಟು ಅಭ್ಯರ್ಥಿಗಳು ನೇಮಕಾತಿಯಾಗದೆ ಉಳಿಯುತ್ತಾರೆ.