ಮಹಾರಾಷ್ಟ್ರ|ಬಾಲಕರು ಸೇರಿದಂತೆ, 69 ಜೀತದಾಳುಗಳಿಗೆ ಮುಕ್ತಿ: ಮೂವರ ಬಂಧನ

ಪಾಲ್ಘರ್: ಮಹಾರಾಷ್ಟ್ರದ ಅಹಲ್ಯಾನಗರ ಜಿಲ್ಲೆಯಲ್ಲಿ ಅಕ್ರಮವಾಗಿ 11 ಬಾಲಕರು ಸೇರಿದಂತೆ 69 ಜನರನ್ನು ಜೀತದಾಳುಗಳಾಗಿರಿಸಿಕೊಂಡ ಆರೋಪದ ಮೇಲೆ ಮೂವರನ್ನು ಬಂಧಿಸಲಾಗಿದೆ ಎಂದು ಶುಕ್ರವಾರ ಅಧಿಕಾರಿಗಳು ತಿಳಿಸಿದರು. 

ಸಾಲದ ನೆಪವೊಡ್ಡಿ ಅವರನ್ನು ಜೀತದಾಳುಗಳನ್ನಾಗಿ ಮಾಡಿಕೊಂಡಿದ್ದರು.

ಜೀತ ಕಾರ್ಮಿಕ ವ್ಯವಸ್ಥೆ (ನಿರ್ಮೂಲನೆ) ಕಾಯ್ದೆ ಅಡಿಯಲ್ಲಿ ಆರೋಪಗಳನ್ನು ಬಂಧಿಸಲಾಗಿದೆ.

ಜೀತದಾಳುಗಳನ್ನು ಕಲ್ಲು ತುಂಡು ಮಾಡಲು ಹಾಗು ಕುರಿ ಕಾಯಲು ಉಪಯೋಗಿಸಿಕೊಳ್ಳುತ್ತಿದ್ದರು.

ಸಾಮಾಜಿಕ ಹೋರಾಟಗಾರರೊಬ್ಬರ ಮಾಹಿತಿ ಮೇರೆಗೆ ಪೊಲೀಸರು ದಾಳಿ ನಡೆಸಿ, ಆರೋಪಿಗಳನ್ನು ಬಂಧಿಸಿದ್ದಾರೆ.

ಜೀತದಾಳುಗಳಾಗಿದ್ದವರನ್ನು ಪಾಲ್ಘರ್ ಜಿಲ್ಲೆಯ ಅವರ ಹಳ್ಳಿಗಳಿಗೆ ಕಳಿಸಲಾಯಿತು.