ಯುದ್ಧ ಸನ್ನದ್ಧತೆ: ಇಂದು ಮೋಕ್ ಡ್ರಿಲ್- ಸೈರನ್ ಕೇಳಿದರೆ ಏನು ಮಾಡಬೇಕು? ನೀವು ತಿಳಿಯಬೇಕಾದ ಮಾಹಿತಿ

ನವದೆಹಲಿ: ಇಂದು(ಮೇ. 7) ದೇಶದ ಆಯ್ದ ಜಿಲ್ಲೆಗಳಲ್ಲಿ( ಕೇರಳದ ಎಲ್ಲಾ ಜಿಲ್ಲೆಗಳೂ ಸೇರಿ) ಜೋರಾದ, ಭಯಾನಕ ಯುದ್ಧ ಸೈರನ್ ಶಬ್ದ ಕೇಳಿದರೆ ಭಯಪಡಬೇಡಿ. ಇದು ತುರ್ತು ಪರಿಸ್ಥಿತಿಯ ಸಂಕೇತವಲ್ಲ, ಬದಲಿಗೆ ಕೇಂದ್ರ ಗೃಹ ಇಲಾಖೆಯಿಂದ ಆಯೋಜಿತ ನಾಗರಿಕ ರಕ್ಷಣಾ ಅಣಕು ಕವಾಯತು (ಮಾಕ್ ಡ್ರಿಲ್) ಅಷ್ಟೇ. ಇತ್ತೀಚಿನ ಪಹಲ್ಗಾಮ್ ಭಯೋತ್ಪಾದಕ ದಾಳಿಯ ನಂತರ ಭಾರತ-ಪಾಕಿಸ್ತಾನದ ನಡುವಿನ ಯುದ್ಧದ ಕಾರ್ಮೋಡವನ್ನು ಗಮನದಲ್ಲಿಟ್ಟುಕೊಂಡು ಈ ಕವಾಯತನ್ನು ದೇಶಾದ್ಯಂತ ನಡೆಸಲಾಗುತ್ತಿದೆ.

1971ರ ಭಾರತ-ಪಾಕಿಸ್ತಾನ ಯುದ್ಧದ ನಂತರ ಇಂತಹ ರಾಷ್ಟ್ರೀಯ ಮಟ್ಟದ ಕವಾಯತು ಇದೇ ಮೊದಲ ಬಾರಿಗೆ ನಡೆಯುತ್ತಿದೆ. ಈ ಸೈರನ್‌ನ ಮಹತ್ವ, ಶಬ್ದದ ವ್ಯಾಪ್ತಿ, ಮತ್ತು ಜನರು ಪಾಲಿಸಬೇಕಾದ ಸೂಚನೆಗಳ ಕುರಿತು ಸಂಪೂರ್ಣ ಮಾಹಿತಿ ಇಲ್ಲಿದೆ.

ಯುದ್ಧ ಸೈರನ್ ಒಂದು ದೊಡ್ಡ ಎಚ್ಚರಿಕೆ ವ್ಯವಸ್ಥೆಯಾಗಿದ್ದು, ಯುದ್ಧ, ವಾಯುದಾಳಿ, ಅಥವಾ ವಿಪತ್ತಿನಂತಹ ತುರ್ತು ಸಂದರ್ಭಗಳಲ್ಲಿ ಜನರಿಗೆ ಮಾಹಿತಿ ನೀಡುತ್ತದೆ. ಇದರ ಶಬ್ದವು ಆಂಬ್ಯುಲೆನ್ಸ್, ಅಗ್ನಿಶಾಮಕ ವಾಹನ, ಅಥವಾ ಸಾಮಾನ್ಯ ಹಾರ್ನ್‌ಗಿಂತ ಸಂಪೂರ್ಣವಾಗಿ ಭಿನ್ನವಾಗಿದೆ. ಇದು ಏರಿಳಿತಗೊಳ್ಳುವ (ಹೆಚ್ಚು-ಕಡಿಮೆ) ಧ್ವನಿಯನ್ನು ಹೊಂದಿದ್ದು, 120-140 ಡೆಸಿಬಲ್ ತೀವ್ರತೆಯೊಂದಿಗೆ 2 ರಿಂದ 5 ಕಿಲೋಮೀಟರ್ ವ್ಯಾಪ್ತಿಯವರೆಗೆ ಕೇಳಿಸುತ್ತದೆ. ಈ ಶಬ್ದವು ಜನರ ಗಮನವನ್ನು ತಕ್ಷಣ ಸೆಳೆಯುವಂತೆ ವಿನ್ಯಾಸಗೊಳಿಸಲಾಗಿದೆ.

ಯುದ್ಧ ಸೈರನ್‌ಗಳನ್ನು ಕೇರಳದ ಕೊಚ್ಚಿ, ತಿರುವನಂತಪುರಂ ಸೇರಿದಂತೆ ಕಾಸರಗೋಡು  ಸೇರಿದಂತೆ ದೇಶದ ಪ್ರಮುಖ ನಗರಗಳ ಈ ಕೆಳಗಿನ ಸ್ಥಳಗಳಲ್ಲಿ ಎತ್ತರದ ಸ್ಥಾನದಲ್ಲಿ ಅಳವಡಿಸಲಾಗುತ್ತದೆ:

ದೆಹಲಿ, ಮುಂಬೈ, ಕೋಲ್ಕತ್ತಾ, ಚೆನ್ನೈ, ಬೆಂಗಳೂರು, ಕೇರಳದ ಎಲ್ಲಾ ಜಿಲ್ಲೆಗಳು ಮತ್ತು ಗಡಿಗೆ ಸಮೀಪದ ಸೂಕ್ಷ್ಮ ಪ್ರದೇಶಗಳಲ್ಲಿ ಈ ಸೈರನ್‌ಗಳನ್ನು ಸ್ಥಾಪಿಸಲಾಗುತ್ತದೆ.

ಅಣಕು ಕವಾಯತಿನ ಸಂದರ್ಭದಲ್ಲಿ:

ನಿಜವಾದ ತುರ್ತು ಸಂದರ್ಭದಲ್ಲಿ:

ನಿಜವಾದ ತುರ್ತು ಸಂದರ್ಭದಲ್ಲಿ, ಸೈರನ್ ಕೇಳಿದ 5-10 ನಿಮಿಷಗಳ ಒಳಗೆ ಸುರಕ್ಷಿತ ಸ್ಥಳಕ್ಕೆ ತಲುಪಬೇಕು.

ಭಾರತದಲ್ಲಿ ಯುದ್ಧ ಸೈರನ್‌ಗಳನ್ನು ಈ ಹಿಂದೆ 1962 (ಚೀನಾ-ಭಾರತ ಯುದ್ಧ), 1965 ಮತ್ತು 1971 (ಭಾರತ-ಪಾಕಿಸ್ತಾನ ಯುದ್ಧ), ಮತ್ತು 1999 (ಕಾರ್ಗಿಲ್ ಯುದ್ಧ) ಸಂದರ್ಭಗಳಲ್ಲಿ ಬಳಸಲಾಗಿತ್ತು. 1971ರ ಯುದ್ಧದ ನಂತರ ರಾಷ್ಟ್ರವ್ಯಾಪಿ ಅಣಕು ಕವಾಯತು ನಡೆದಿರಲಿಲ್ಲ. ಮೇ 7, 2025ರ ಕವಾಯತು ದಶಕಗಳ ನಂತರದ ಮೊದಲ ರಾಷ್ಟ್ರೀಯ ಮಟ್ಟದ ವ್ಯಾಯಾಮವಾಗಿದೆ, ಇದು ರಾಷ್ಟ್ರೀಯ ಭದ್ರತೆಗೆ ಮಹತ್ವದ ಕ್ರಮವಾಗಿದೆ.

ಈ ಅಣಕು ಕವಾಯತಿನ ಉದ್ದೇಶಗಳು:

ಇಂದು ಮೇ 7 ರಂದು ನಡೆಯಲಿರುವ ಈ ಕವಾಯತು ಜನರಿಗೆ ತುರ್ತು ಸಂದರ್ಭಗಳಲ್ಲಿ ತಮ್ಮನ್ನು ರಕ್ಷಿಸಿಕೊಳ್ಳಲು ತರಬೇತಿ ನೀಡುತ್ತದೆ. ಶಾಂತವಾಗಿರಿ, ಸರ್ಕಾರದ ಸೂಚನೆಗಳನ್ನು ಪಾಲಿಸಿ, ಮತ್ತು ಸಿದ್ಧರಾಗಿರಿ.