ಉತ್ತರ ಪ್ರದೇಶ: ಅದಾನಿ ಪವರ್‌ಗೆ ವಿದ್ಯುತ್‌ ಪೂರೈಕೆ ಗುತ್ತಿಗೆ

ನವದೆಹಲಿ: ಉತ್ತರ ಪ್ರದೇಶಕ್ಕೆ 1,500 ಮೆಗಾವಾಟ್‌ ವಿದ್ಯುತ್‌ ಪೂರೈಸುವ ಗುತ್ತಿಗೆಯು ಅದಾನಿ ಪವರ್‌ ಕಂಪನಿಯ ಪಾಲಾಗಿದೆ. ಪ್ರತಿ ಯೂನಿಟ್‌ಗೆ ₹5.38 ದರದಲ್ಲಿ 25 ವರ್ಷದವರೆಗೆ ವಿದ್ಯುತ್‌ ಪೂರೈಸುವ ಯೋಜನೆ ಇದಾಗಿದೆ ಎಂದು ಮೂಲಗಳು ತಿಳಿಸಿವೆ.

ಉತ್ತರ ಪ್ರದೇಶ ವಿದ್ಯುತ್ ಕಾರ್ಪೊರೇಷನ್‌ ಲಿಮಿಟೆಡ್‌ (ಯುಪಿಪಿಸಿಎಲ್‌) ಮತ್ತು ಅದಾನಿ ಪವರ್‌ ಕಂಪನಿ ನಡುವಿನ ವಿದ್ಯುತ್‌ ಖರೀದಿ ಒಪ್ಪಂದಕ್ಕೆ ಸಚಿವ ಸಂಪುಟವು ಒಪ್ಪಿಗೆ ನೀಡಿದೆ ಎಂದು ತಿಳಿಸಿವೆ.

ಉತ್ತರ ಪ್ರದೇಶದಲ್ಲಿ ಅದಾನಿ ಪವರ್‌ನಿಂದ ಹೊಸ ಘಟಕ ಸ್ಥಾಪಿಸಲಾಗುತ್ತಿದ್ದು, ಇದು ಪೂರ್ಣಗೊಂಡ ಬಳಿಕ ವಿದ್ಯುತ್ ಪೂರೈಕೆ ಮಾಡಲಿದೆ ಎಂದು ಹೇಳಿವೆ.