ಭಾರೀ ಮಳೆಯ ನಡುವೆಯೂ ನಿಲಂಬೂರಲ್ಲಿ ಉಪಚುನಾವಣೆ ಶಾಂತ: ಶೇ. 73.20 ರಷ್ಟು ಮತದಾನ, ಸೋಮವಾರ ಫಲಿತಾಂಶ

ನಿಲಂಬೂರು: ನಿನ್ನೆ ನಿಲಂಬೂರು ವಿಧಾನಸಭಾ ಕ್ಷೇತ್ರದಲ್ಲಿ ನಡೆದ ಉಪಚುನಾವಣೆ ಸುಗಮ ಮತ್ತು ಕ್ರಮಬದ್ಧವಾಗಿ ನಡೆದಿದೆ ಎಂದು ಮುಖ್ಯ ಚುನಾವಣಾ ಆಯೋಗ ತಿಳಿಸಿದೆ. ಮತದಾನದ ಪ್ರಮಾಣ ಶೇ. 73.20 ರಷ್ಟು ದಾಖಲಾಗಿದೆ.

ನಿಗದಿತ ಸಮಯದ ನಂತರವೂ ಮತಗಟ್ಟೆಗಳಲ್ಲಿ ಮತದಾರರ ಸಾಲುಗಳು ಕಂಡುಬಂದವು. ಸಮಯ ಮುಗಿದಿದ್ದರೂ, ಸಂಜೆ 6 ಗಂಟೆಗೆ ಸರತಿ ಸಾಲಿನಲ್ಲಿ ನಿಂತಿದ್ದವರಿಗೆ ಮತ ಚಲಾಯಿಸಲು ಅಧಿಕಾರಿಗಳು ಅವಕಾಶ ನೀಡಿದರು.

ಕಳೆದ ಬಾರಿ, ಶೇ. 76.6 ರಷ್ಟು ಮತದಾನವಾಗಿತ್ತು. ಮತಗಳ ಎಣಿಕೆ ಸೋಮವಾರ ನಡೆಯಲಿದೆ.

ನಿನ್ನೆ ಬೆಳಿಗ್ಗೆ 7 ಗಂಟೆಗೆ ಮತದಾನ ಪ್ರಾರಂಭವಾದಾಗ, ಮತಗಟ್ಟೆಗಳ ಮುಂದೆ ಉದ್ದನೆಯ ಸರತಿ ಸಾಲು ಇತ್ತು. ಬುಡಕಟ್ಟು ಪ್ರದೇಶದಲ್ಲಿ ಮಧ್ಯಾಹ್ನದ ನಂತರ ಉತ್ತಮ ಮತದಾನ ದಾಖಲಾಗಿದೆ.

ಎಲ್‍ಪಿ ಶಾಲೆಯಲ್ಲಿ ಎಡರಂಗದ ಅಭ್ಯರ್ಥಿ ಎಂ ಸ್ವರಾಜ್ ಮಂಕೂಟತ್ ಮತ್ತು  ಸರ್ಕಾರಿ ಎಲ್‍ಪಿ ಶಾಲೆಯಲ್ಲಿ ಯುಡಿಎಫ್ ಅಭ್ಯರ್ಥಿ ಆರ್ಯಾಡನ್ ಶೌಕತ್ ಮತ್ತು ಬಿಜೆಪಿ ಅಭ್ಯರ್ಥಿ ಮೋಹನ್ ಜಾರ್ಜ್ ಚುಂಗತ್ತರ ಮಾರ್ಥೋಮಾ ಹೈಯರ್ ಸೆಕೆಂಡರಿ ಶಾಲೆಯಲ್ಲಿ ಮತ ಚಲಾಯಿಸಿದರು.

ಚುಂಗತ್ತರ ಕುರಂಬಲಂಗೋಡ್‍ನಲ್ಲಿ ಎಲ್‍ಡಿಎಫ್ ಮತ್ತು ಯುಡಿಎಫ್ ಕಾರ್ಯಕರ್ತರ ನಡುವೆ ಮಾರಾಮಾರಿ ನಡೆದಿದ್ದು ಹೊರತುಪಡಿಸಿ, ಮತದಾನ ಶಾಂತಿಯುತವಾಗಿತ್ತು.