ಮುಂಜಾಗ್ರತಾ ಬಂಧನ ಕಾನೂನಿನ ದುರುಪಯೋಗದ ವಿರುದ್ಧ ರಾಜ್ಯ ಸರ್ಕಾರಕ್ಕೆ ಎಚ್ಚರಿಕೆ ನಿಡಿದ ಸುಪ್ರೀಂ ಕೋರ್ಟ್

ನವದೆಹಲಿ: ಯಾರನ್ನಾದರೂ ಬಂಧಿಸಲು ಮುಂಜಾಗ್ರತಾ ಬಂಧನ ಕಾನೂನನ್ನು ಬಳಸಬೇಡಿ ಎಂದು ಸುಪ್ರೀಂ ಕೋರ್ಟ್ ರಾಜ್ಯ ಸರ್ಕಾರಕ್ಕೆ ಎಚ್ಚರಿಕೆ ನೀಡಿದೆ.

ಪ್ರಾಸಿಕ್ಯೂಷನ್ ಪ್ರಕ್ರಿಯೆಗಳಿಗೆ ಸಹಕರಿಸುತ್ತಿರುವ ವ್ಯಕ್ತಿಯನ್ನು ಮುಂಜಾಗ್ರತಾ ಬಂಧನಕ್ಕೆ ವರ್ಗಾಯಿಸುವ ಬದಲು, ಅವರ ಜಾಮೀನು ರದ್ದುಗೊಳಿಸಲು ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಬೇಕಾಗಿತ್ತು ಎಂದು ನ್ಯಾಯಾಲಯ ಹೇಳಿದೆ. 

ಪಾಲಕ್ಕಾಡ್‍ನ ರಿತಿಕಾ ಫೈನಾನ್ಸ್‍ನ ಕಾರ್ಯನಿರ್ವಾಹಕ ರಾಜೇಶ್ ಅವರ ಮುಂಜಾಗ್ರತಾ ಬಂಧನದ ವಿರುದ್ಧ ಬಿಂದು ಸುಪ್ರೀಂ ಕೋರ್ಟ್ ಅನ್ನು ಸಂಪರ್ಕಿಸಿದ್ದರು. ಹೈಕೋರ್ಟ್ ಈ ಹಿಂದೆ ಈ ವಿನಂತಿಯನ್ನು ತಿರಸ್ಕರಿಸಿತ್ತು. ಈ ಪ್ರಕರಣವು ಸಾರ್ವಜನಿಕ ಸ್ಥಳಗಳಲ್ಲಿ ಶಾಂತಿಯನ್ನು ಭಂಗಗೊಳಿಸುವ ವ್ಯಾಪ್ತಿಗೆ ಬರುವುದಿಲ್ಲ ಎಂದು ನ್ಯಾಯಾಲಯವು ಗಮನಸೆಳೆದಿದೆ. ಮುಂಜಾಗ್ರತಾ ಬಂಧನಕ್ಕೆ ಕಾರಣವಾಗಿ ಜಾಮೀನು ಷರತ್ತುಗಳ ನಿರಂತರ ಉಲ್ಲಂಘನೆಯಾಗಿದೆ ಎಂಬ ಸರ್ಕಾರದ ವಾದವನ್ನು ನ್ಯಾಯಾಲಯವು ಸ್ವೀಕರಿಸಲಿಲ್ಲ.