ವಿದ್ಯುತ್ ಆಘಾತದಿಂದ ಸಾವನ್ನಪ್ಪಿದ ಶಾಲಾ ವಿದ್ಯಾರ್ಥಿಯ ಕುಟುಂಬಕ್ಕೆ 10 ಲಕ್ಷ ರೂ. ಪರಿಹಾರ ನೀಡಲು ನಿರ್ಧರಿಸಿದ ಸರ್ಕಾರ

ತಿರುವನಂತಪುರಂ: ಕೊಲ್ಲಂ ತೇವಲಕ್ಕರ ಬಾಲಕರ ಶಾಲೆಯಲ್ಲಿ ವಿದ್ಯುತ್ ಸ್ಪರ್ಶದಿಂದ ಸಾವನ್ನಪ್ಪಿದ ಎಂಟನೇ ತರಗತಿಯ ವಿದ್ಯಾರ್ಥಿ ಮಿಥುನ್ ಕುಟುಂಬಕ್ಕೆ ಆರ್ಥಿಕ ನೆರವು ನೀಡಲು ಸಚಿವ ಸಂಪುಟ ಸಭೆ ನಿರ್ಧರಿಸಿದೆ.

ಮಿಥುನ್ ಪೋಷಕರಿಗೆ ಮುಖ್ಯಮಂತ್ರಿ ಪರಿಹಾರ ನಿಧಿಯಿಂದ 10 ಲಕ್ಷ ರೂ. ನೀಡಲಾಗುವುದು. ಕೆಎಸ್‌ಇಬಿ ಈ ಹಿಂದೆ 5 ಲಕ್ಷ ರೂ. ನೀಡಿತ್ತು. ಸಚಿವ ಕೆ. ಕೃಷ್ಣನ್ ಕುಟ್ಟಿ ಗುರುವಾರ ಮಿಥುನ್ ಅವರ ಮನೆಗೆ ಮತ್ತೊಂದು 5 ಲಕ್ಷ ರೂ. ಹಸ್ತಾಂತರಿಸಿದ್ದಾರೆ ಎಂದು ಶಾಸಕ ಕೋವೂರು ಕುಂಜುಮೋನ್  ತಿಳಿದ್ದಾರೆ. ಸಚಿವ ವಿ. ಶಿವನ್ ಕುಟ್ಟಿ ಸಾಮಾನ್ಯ ಶಿಕ್ಷಣ ಇಲಾಖೆಯ ಖಾತೆಯಿಂದ 3 ಲಕ್ಷ ರೂ. ತುರ್ತು ಸಹಾಯವನ್ನು ಘೋಷಿಸಿದ್ದರು. ಇದಲ್ಲದೆ, ಸಾಮಾನ್ಯ ಶಿಕ್ಷಣ ಇಲಾಖೆಯು ಸ್ಕೌಟ್ಸ್ ಮತ್ತು ಗೈಡ್ಸ್ ಮೂಲಕ ಮಿಥುನ್ ಅವರ ಕುಟುಂಬಕ್ಕೆ ಮನೆ ನೀಡುವುದಾಗಿಯೂ ಘೋಷಿಸಲಾಗಿದೆ. ತೇವಲಕ್ಕರ ಶಾಲಾ ಆಡಳಿತ ಮಂಡಳಿ ಕುಟುಂಬಕ್ಕೆ 10 ಲಕ್ಷ ರೂ. ಹಸ್ತಾಂತರಿಸಿತ್ತು.