ಪೇರಾಲ್ ಮುಡಿಮೊಗರ್ ಬಯಲು ರಸ್ತೆ ಉದ್ಘಾಟನೆ

ಕುಂಬಳೆ: ಪೇರಾಲ್ ಪ್ರದೇಶವನ್ನು ಮುಡಿಮೊಗರ್  ಜುಮಾ ಮಸೀದಿಯೊಂದಿಗೆ ಸಂಪರ್ಕಿಸುವ ಹೊಸದಾಗಿ ನಿರ್ಮಿಸಲಾದ ಮುಡಿಮುಗರ್ ಬಯಲು ರಸ್ತೆಯನ್ನು ಉದ್ಘಾಟಿಸಲಾಯಿತು. ಶಾಸಕರ ಆಸ್ತಿ ಅಭಿವೃದ್ಧಿ ಯೋಜನೆಯಡಿಯಲ್ಲಿ 20 ಲಕ್ಷ ರೂ. ವೆಚ್ಚದಲ್ಲಿ ಈ ರಸ್ತೆಯನ್ನು ನಿರ್ಮಿಸಲಾಗಿದೆ. ಶಾಸಕ ಎ.ಕೆ. ಎಂ. ಅಶ್ರಫ್ ಉದ್ಘಾಟಿಸಿದರು. 

ಕುಂಬಳೆ ಗ್ರಾಮ ಪಂಚಾಯತಿ ಅಧ್ಯಕ್ಷೆ ಯು.ಪಿ. ತಾಹಿರಾ ಯೂಸುಫ್ ಅಧ್ಯಕ್ಷತೆ ವಹಿಸಿದ್ದರು. ಗ್ರಾಮ ಪಂಚಾಯತಿ ಉಪಾಧ್ಯಕ್ಷ ನಾಸರ್ ಮೊಗ್ರಾಲ್, ಸ್ಥಾಯಿ ಸಮಿತಿ ಅಧ್ಯಕ್ಷ ಬಿ.ಎ. ರೆಹಮಾನ್ ಅರಿಕ್ಕಾಡಿ, ಪಂಚಾಯತಿ ಸದಸ್ಯರಾದ ತಾಹಿರಾ ಜಿ. ಶಂಸೀರ್, ಯೂಸುಫ್ ಉಳ್ವಾರ್, ಗ್ರಾಮ ಪಂಚಾಯತಿ ಯೋಜನಾ ಸಮಿತಿ ಉಪಾಧ್ಯಕ್ಷ ಎ.ಕೆ. ಆರಿಫ್, ಮಾಜಿ ಸ್ಥಾಯಿ ಸಮಿತಿ ಸದಸ್ಯ ಬಿ.ಎನ್. ಮುಹಮ್ಮದಾಲಿ ಮತ್ತಿತರರು ಮಾತನಾಡಿದರು.