ಸಿಬಿಎಸ್‌ಇ: ಕಟ್ಟಡದ ಒಟ್ಟು ವಿಸ್ತೀರ್ಣ ಆಧರಿಸಿ ತರಗತಿಗಳಿಗೆ ಅವಕಾಶ

ನವದೆಹಲಿ: 'ಶಾಲೆಯ ಕಟ್ಟಡದ ಒಟ್ಟು ವಿಸ್ತೀರ್ಣ ಆಧರಿಸಿ ಗರಿಷ್ಠ ತರಗತಿ ನಡೆಸಲು ಅವಕಾಶ ನೀಡಲು ಸಿಬಿಎಸ್‌ಇ ತನ್ನ ಬೈಲಾಕ್ಕೆ ತಿದ್ದುಪಡಿ ತಂದಿದೆ' ಎಂದು ಅಧಿಕಾರಿ ತಿಳಿಸಿದ್ದಾರೆ.

ಶಾಲೆಗಳಲ್ಲಿ ಮಾಧ್ಯಮಿಕ ಹಾಗೂ ಹಿರಿಯ ಮಾಧ್ಯಮಿಕ ಮಟ್ಟದಲ್ಲಿಯೂ ಸಮಾನ ಸಂಖ್ಯೆಯ ತರಗತಿಗಳನ್ನು ನಡೆಸಬೇಕು ಎಂದು ಮಂಡಳಿ ನಿರ್ಧರಿಸಿದೆ.

'ಶಾಲಾ ಆಡಳಿತ ಮಂಡಳಿ ಹಾಗೂ ಸಂಬಂಧಪಟ್ಟವರಿಂದ ಸಲಹೆಗಳನ್ನು ಪಡೆದುಕೊಳ್ಳಲಾಗಿದೆ. ಜಾಗದ ಕೊರತೆಇರುವ ಶಾಲೆಗಳಲ್ಲಿ ಅನುಮತಿ ಮೀರಿಹೆಚ್ಚುವರಿ ತರಗತಿಗಳನ್ನು ಆರಂಭಿಸಿದರೆ, ನಿರ್ವಹಣೆ ಕಷ್ಟ. ಅಲ್ಲದೇ, ಭೂಮಿಯ ಕೊರತೆಯಿಂದ ಹೆಚ್ಚುವರಿ ತರಗತಿಗಳನ್ನು ಆರಂಭಿಸಲು ಸಂಸ್ಥೆಗಳಿಗೆ ಸಾಧ್ಯವಾಗುತ್ತಿಲ್ಲ' ಎಂದು ಸಿಬಿಎಸ್‌ಇ ಕಾರ್ಯದರ್ಶಿ ಹಿಮಾಂಶು ಗುಪ್ತಾ ತಿಳಿಸಿದ್ದಾರೆ.