ವಿದ್ಯಾರ್ಥಿಯ ಕಿವಿತಮ್ಮಟೆ ಒಡೆದ ಪ್ರಕರಣ: ವರ್ಗಾವಣೆ ಪರಿಹಾರವಲ್ಲ ಎಂದ ಕುಟುಂಬ

ಕಾಸರಗೋಡು: ಕುಂಡಂಗುಳಿ ಸರ್ಕಾರಿ ಶಾಲೆಯಲ್ಲಿ 10 ನೇ ತರಗತಿಯ ವಿದ್ಯಾರ್ಥಿಯ ಕಿವಿತಮ್ಮಟೆ ಒಡೆದು ಮುರಿದ ಘಟನೆಯಲ್ಲಿ ಶಾಲಾ ಮುಖ್ಯೋಪಾಧ್ಯಾಯರನ್ನು ವರ್ಗಾವಣೆ ಮಾಡುವುದರಿಂದ ಸಮಸ್ಯೆ ಬಗೆಹರಿಯುವುದಿಲ್ಲ ಎಂದು ಸಂತ್ರಸ್ಥ ವಿದ್ಯಾರ್ಥಿಯ ಕುಟುಂಬ ಹೇಳಿದೆ.

ಕಾನೂನು ಕ್ರಮ ಕೈಗೊಳ್ಳುವುದಾಗಿ ಅವರು ಹೇಳಿದರು. ತನಿಖೆಯಲ್ಲಿ ಲೋಪ ಕಂಡುಬಂದ ನಂತರ ಮುಖ್ಯೋಪಾಧ್ಯಾಯರನ್ನು ಮಂಜೇಶ್ವರ ಕಡಂಬಾರ್ ಜಿಎಚ್‍ಎಸ್‍ಎಸ್‍ಗೆ ವರ್ಗಾಯಿಸಲಾಯಿತು. ಕಾಸರಗೋಡು ಶಿಕ್ಷಣ ಉಪನಿರ್ದೇಶಕರು ತನಿಖೆ ನಡೆಸಿದ್ದರು.

ಮುಖ್ಯೋಪಾಧ್ಯಾಯರು ಮಗುವನ್ನು ಅಸೆಂಬ್ಲಿ ಮುಂಭಾಗಕ್ಕೆ ಕರೆದು, ಎಲ್ಲಾ ವಿದ್ಯಾರ್ಥಿಗಳ ಮುಂದೆ ಕಾಲರ್ ಹಿಡಿದು, ಕಿವಿಯನ್ನು ಹಿಸುಕಿ, ಮುಖಕ್ಕೆ ಹೊಡೆದಿದ್ದಾರೆ ಎಂದು ದೂರು ನೀಡಲಾಗಿದೆ. ಮಕ್ಕಳ ಹಕ್ಕುಗಳ ಆಯೋಗವು ಈ ಘಟನೆಯಲ್ಲಿ ಸ್ವಯಂಪ್ರೇರಿತವಾಗಿ ಪ್ರಕರಣ ದಾಖಲಿಸಿದೆ.