ಬೇಡಡ್ಕ ತಾಲೂಕು ಆಸ್ಪತ್ರೆಗೆ ಹೊಸ ಕಟ್ಟಡಕ್ಕೆ ಶಂಕುಸ್ಥಾಪನೆ

ಕಾಸರಗೋಡು: ಬೇಡಡ್ಕ ತಾಲೂಕು ಪ್ರಧಾನ ಕಚೇರಿ ಆಸ್ಪತ್ರೆಯ ಅಭಿವೃದ್ಧಿಯ ಭಾಗವಾಗಿ, ಕಿಪ್ಬಿ ನಿಧಿಯಲ್ಲಿ ಸೇರಿಸಲಾದ 12.68 ಕೋಟಿ ರೂ. ವೆಚ್ಚದಲ್ಲಿ ಆಸ್ಪತ್ರೆ ಆವರಣದಲ್ಲಿ ನಿರ್ಮಿಸಲಾಗುವ ಹೊಸ ಕಟ್ಟಡಕ್ಕೆ ಶಾಸಕ ಸಿ.ಎಚ್. ಕುಂಞಂಬು ಶಂಕುಸ್ಥಾಪನೆ ನೆರವೇರಿಸಿದರು. ಕಾರಡ್ಕ ಬ್ಲಾಕ್ ಪಂಚಾಯತಿ ಅಧ್ಯಕ್ಷ ಸಿ.ಜಿ. ಮ್ಯಾಥ್ಯೂ ಅಧ್ಯಕ್ಷತೆ ವಹಿಸಿದ್ದರು. ಕಿಟ್ಕೋ ಸೈಟ್ ಎಂಜಿನಿಯರ್ ಕೆ.ಹರಿಣಿ ವರದಿ ಮಂಡಿಸಿದರು. ಉಪ ಡಿಎಂಒ ಡಾ. ಕೆ.ಕೆ. ಶಾಂತಿ, ದೇಲಂಪಾಡಿ ಗ್ರಾಮ ಪಂಚಾಯತಿ ಅಧ್ಯಕ್ಷೆ ಎ.ಪಿ. ಉಷಾ, ಕುತ್ತಿಕೋಲ್ ಗ್ರಾಮ ಪಂಚಾಯತಿ ಅಧ್ಯಕ್ಷ ಮುರಳಿ ಪಯ್ಯಂಗಾನ, ಬ್ಲಾಕ್ ಪಂಚಾಯತಿ ಉಪಾಧ್ಯಕ್ಷೆ ಕೆ. ರಮಣಿ, ಪಂಚಾಯತಿ ಉಪಾಧ್ಯಕ್ಷ ಎ. ಮಾಧವನ್, ಡಿಪಿಸಿ ಸರ್ಕಾರಿ ನಾಮನಿರ್ದೇಶಿತ ಸಿ. ರಾಮಚಂದ್ರನ್, ಬ್ಲಾಕ್ ಪಂಚಾಯತಿ ಸ್ಥಾಯಿ ಸಮಿತಿ ಅಧ್ಯಕ್ಷ ಪಿ. ಸವಿತಾ, ಬಿ.ಕೆ. ನಾರಾಯಣನ್, ಬೇಡಡ್ಕ ಗ್ರಾಮ ಪಂಚಾಯಿತಿ ಅಭಿವೃದ್ಧಿ ವ್ಯವಹಾರಗಳ ಸ್ಥಾಯಿ ಸಮಿತಿ ಅಧ್ಯಕ್ಷೆ ಪಿ. ಲತಾ, ಬ್ಲಾಕ್ ಪಂಚಾಯತಿ ಸದಸ್ಯೆ ಸಾವಿತ್ರಿ ಬಾಲನ್, ಕೆ.ಪಿ. ರಾಮಚಂದ್ರನ್ ಮತ್ತು ಜನಾರ್ದನನ್ ಮಾತನಾಡಿದರು. ಬೇಡಡ್ಕ ಪಂಚಾಯಿತಿ ಅಧ್ಯಕ್ಷೆ ಎಂ. ಧನ್ಯ ಸ್ವಾಗತಿಸಿ, ವೈದ್ಯಾಧಿಕಾರಿ ಕೆ. ಪ್ರದೀಪ ವಂದಿಸಿದರು.