ನವರಾತ್ರಿ ಆಚರಣೆ: ಕೇರಳದಲ್ಲಿ 30 ರಂದು ಸಾರ್ವಜನಿಕ ರಜೆ ಘೋಷಣೆ

ತಿರುವನಂತಪುರಂ: ನವರಾತ್ರಿ ಆಚರಣೆಯ ಭಾಗವಾಗಿ ಸೆ. 30 ರಂದು ಸಾರ್ವಜನಿಕ ರಜೆ ಘೋಷಿಸಲಾಗಿದೆ. ಲೋಕೋಪಯೋಗಿ ಇಲಾಖೆ ಈ ಸಂಬಂಧ ಸೂಚನೆ ಹೊರಡಿಸಿದೆ. ಪ್ರಸ್ತುತ, ಅಕ್ಟೋಬರ್ 1 ಮತ್ತು 2 ರಂದು ರಾಜ್ಯದಲ್ಲಿ ಸಾರ್ವಜನಿಕ ರಜಾದಿನಗಳಾಗಿವೆ. 

ಇದಲ್ಲದೆ, 30 ರಂದು ಹೆಚ್ಚುವರಿ ಅವಧಿಯನ್ನು ಘೋಷಿಸಲಾಗಿದೆ. ಈ ಅವಧಿಯನ್ನು ರಾಜ್ಯದ ಎಲ್ಲಾ ಸರ್ಕಾರಿ, ಅರೆ ಸರ್ಕಾರಿ ಮತ್ತು ಸಾರ್ವಜನಿಕ ವಲಯದ ಸಂಸ್ಥೆಗಳು, ರಾಜ್ಯದಲ್ಲಿ ನೆಗೋಷಿಯೇಬಲ್ ಇನ್ಸ್ಟ್ರುಮೆಂಟ್ಸ್ ಕಾಯ್ದೆಯಡಿ ಕಾರ್ಯನಿರ್ವಹಿಸುತ್ತಿರುವ ಸಂಸ್ಥೆಗಳು ಮತ್ತು ವೃತ್ತಿಪರ ಕಾಲೇಜುಗಳು ಸೇರಿದಂತೆ ಎಲ್ಲಾ ಶಿಕ್ಷಣ ಸಂಸ್ಥೆಗಳಿಗೆ ವಿಸ್ತರಿಸಲಾಗಿದೆ.

ವಿಧಾನಸಭೆ ಅಧಿವೇಶನ ನಡೆಯುತ್ತಿರುವ ದಿನದಂದು ಸಂಬಂಧಿತ ಕರ್ತವ್ಯಗಳನ್ನು ಹೊಂದಿರುವ ಅಧಿಕಾರಿಗಳು ಹಾಜರಿರಬೇಕು ಎಂದು ಸೂಚನೆಯಲ್ಲಿ ಹೇಳಲಾಗಿದೆ. 

ಅ. 1 ಹಾಗೂ 2ರಂದು ಈಗಾಗಲೇ ಸಾರ್ವಜನಿಕ ರಜೆ ಘೋಷಿಸಲಾಗಿದೆ.

ಮಹಾ ನವರಾತ್ರಿ ಮಹೋತ್ಸವ ಸಂದರ್ಭ ಸೆ. 29ರಿಂದ ಶ್ರೀ ಶಾರದಾಪೂಜೆ ನಡೆಯಲಿದ್ದು, 30ರಂದು ಸರಸ್ವತೀ ಪೂಜೆ ಆಚರಿಸುವ ನಿಟ್ಟಿನಲ್ಲಿ ಶಿಕ್ಷಣ ಇಲಾಖೆಗೆ  ರಜೆ ಘೋಷಿಸುವಂತೆ ಕಾಸರಗೋಡು ಬ್ರಾಹ್ಮಣ ಮಹಾ ಸಭಾ ಸರ್ಕಾರವನ್ನು ಮನವಿ ಮೂಲಕ ಆಗ್ರಹಿಸಿತ್ತು.

ಶಾರದಾಪೂಜೆ(ಸರಸ್ವತೀ ಪೂಜೆ)ಅನ್ವಯ ಸೆ. 29ರ ಸಂಜೆಯಿಂದಲೇ ಗ್ರಂಥಗಳು, ಪುಸ್ತಕ ಸೇರಿದಂತೆ ಪಠ್ಯ ಸಲಕರಣೆಗಳನ್ನು ಪೂಜೆಗಿರಿಸಬೇಕಾಗುತ್ತಿದ್ದು, ನಂತರ ಅ. 2ರಂದು ಶಾರದಾ ವಿಸರ್ಜನೆ ನಂತರವಷ್ಟೆ ಇವುಗಳನ್ನು ತೆಗೆಯುವ ಸಂಪ್ರದಾಯವಿದೆ.  ಸೆ. 29ರಂದು ಪುಸ್ತಕ ಪೂಜೆಗಿರಿಸಿದರೆ, 30ರಂದು ಪುಸ್ತಕಗಳನ್ನು ಹೊರತೆಗೆಯುವುದು ಪೂಜಾವಿಧಿಗೆ ಅಡಚಣೆಯಾಗುತ್ತಿರುವುದರಿಂದ ಶೈಕ್ಷಣಿಕ ಚಟುವಟಿಕೆಯ ದಿವಾಗಿರುವ ಸೆ. 30ನ್ನು ಸಾರ್ವಜನಿಕ ರಜೆಯನ್ನಾಗಿ ಘೋಷಿಸುವಂತೆ ಬ್ರಾಹ್ಮಣ ಮಹಾ ಸಭಾ ಸರ್ಕಾರವನ್ನು ಆಗ್ರಹಿಸಿತ್ತು.