ಓಣಂ ಹಬ್ಬದ ಸಂಭ್ರಮ ಮುಂದುವರಿಸಲು ಮುಂದಾದ ಸಪ್ಲೈಕೊ: ತೆಂಗಿನ ಎಣ್ಣೆ, ಬೇಳೆ ಮತ್ತು ಕಡಲೆ ಬೆಲೆ ಇಳಿಕೆ: ಕೇರ ತೆಂಗಿನ ಎಣ್ಣೆಯ ಬೆಲೆ 429 ರೂ.ಗಳಿಂದ 419 ರೂ.ಗಳಿಗೆ ಕಡಿತ

ತಿರುವನಂತಪುರಂ: ಓಣಂ ಸಮಯದಲ್ಲಿ ದಾಖಲೆಯ ವ್ಯವಹಾರವನ್ನು ನಿರ್ವಹಿಸಿರುವ ಸಪ್ಲೈಕೊ ಅದನ್ನು ಮತ್ತೆ ಮುಂದುವರಿಸಲು ಮುಂದಾಗಿದೆ. ತೆಂಗಿನ ಎಣ್ಣೆ, ಬೇಳೆಕಾಳುಗಳು ಮತ್ತು ಕಡಲೆಯನ್ನು ಸಪ್ಲೈಕೊ ಕಡಿಮೆ ಬೆಲೆಯಲ್ಲಿ ಮಾರಾಟ ಮಾಡುತ್ತಿದೆ.

ಇಂದಿನಿಂದ, ಸಬ್ಸಿಡಿ ಶಬರಿ ತೆಂಗಿನ ಎಣ್ಣೆಯ ಬೆಲೆಯನ್ನು ಲೀಟರ್‍ಗೆ 20 ರೂ. ಮತ್ತು ಸಬ್ಸಿಡಿ ರಹಿತ ತೆಂಗಿನ ಎಣ್ಣೆಯ ಬೆಲೆಯನ್ನು 30 ರೂ.ಗಳಷ್ಟು ಕಡಿಮೆ ಮಾಡಲಾಗಿದೆ. 

ಹೊಸ ಬೆಲೆ 319 ರೂ. ಸಬ್ಸಿಡಿ ರಹಿತ ತೆಂಗಿನ ಎಣ್ಣೆ 359 ರೂ.ಗಳಾಗಿದ್ದು, ಕೇರ ತೆಂಗಿನ ಎಣ್ಣೆಯ ಬೆಲೆಯನ್ನು 429 ರೂ.ಗಳಿಂದ 419 ರೂ.ಗಳಿಗೆ ಇಳಿಸಲಾಗಿದೆ.

ಸಬ್ಸಿಡಿ ರಹಿತ ಬೇಳೆ ಮತ್ತು ಕಡಲೆಯನ್ನು ಕೆಜಿಗೆ ತಲಾ 5 ರೂ.ಗಳಷ್ಟು ಕಡಿಮೆ ಮಾಡಲಾಗಿದೆ. ಪರಿಷ್ಕøತ ಬೆಲೆಗಳು ಕ್ರಮವಾಗಿ 88 ಮತ್ತು 85 ರೂ.

ಅಕ್ಟೋಬರ್‍ನಿಂದ, ಎಂಟು ಕಿಲೋ ಶಬರಿ ಅಕ್ಕಿಯ ಜೊತೆಗೆ, 20 ಕಿಲೋ ಹೆಚ್ಚುವರಿ ಅಕ್ಕಿ ಲಭ್ಯವಿರುತ್ತದೆ.

ಇದರ ಬೆಲೆ 25 ರೂ. ಆಗಿದೆ. ಕಾರ್ಡ್‍ದಾರರು ಕುಸುಲಕ್ಕಿ ಅಥವಾ ಬಿಳ್ತಿಗೆ ಯಾವುದಾದರೊಂದನ್ನು ಆಯ್ಕೆ ಮಾಡಬಹುದು. ಎಲ್ಲಾ ಕಾರ್ಡ್‍ದಾರರು ಇದರ ಪ್ರಯೋಜನವನ್ನು ಪಡೆಯುತ್ತಾರೆ.

ಸಬ್ಸಿಡಿ ವಸ್ತುಗಳ ಬೆಲೆ ಕಡಿಮೆಯಾಗಿ ಹೆಚ್ಚುವರಿ ಅಕ್ಕಿ ಲಭ್ಯವಾಗುತ್ತಿದ್ದಂತೆ, ಹೆಚ್ಚಿನ ಕಾರ್ಡ್‍ದಾರರು ಆಗಮಿಸುವ ನಿರೀಕ್ಷೆ ಇದೆ. ಓಣಂ ಸಮಯದಲ್ಲಿ ಸಪ್ಲೈಕೋ ದಾಖಲೆಯ 386 ಕೋಟಿ ರೂ.ಗಳ ಮಾರಾಟವನ್ನು ದಾಖಲಿಸಿತ್ತು. ಇದರಲ್ಲಿ, 180 ಕೋಟಿ ರೂ. ನಾಗರಿಕ ಸರಬರಾಜು ನಿಗಮದಿಂದ ಸಬ್ಸಿಡಿ ಪಡೆದ ಉತ್ಪನ್ನಗಳಿಂದ ಬಂದಿತ್ತು.

ತೆಂಗಿನ ಎಣ್ಣೆಯ ಮಾರುಕಟ್ಟೆ ಬೆಲೆಯನ್ನು ನಿಯಂತ್ರಿಸಲು ಪರಿಣಾಮಕಾರಿ ಕ್ರಮಗಳನ್ನು ಸಹ ತೆಗೆದುಕೊಳ್ಳಲಾಯಿತು. ಇದರ ಜೊತೆಗೆ, ತೆಂಗಿನ ಎಣ್ಣೆಯನ್ನು ಕೆರಾಫೆಡ್‍ನಿಂದ ಸಪ್ಲೈಕೋ ಮೂಲಕ ಲೀಟರ್‍ಗೆ 457 ರೂ.ಗಳಿಗೆ ಮಾರಾಟ ಮಾಡಲಾಗುತ್ತಿತ್ತು, ಆದರೆ ಆ ಸಮಯದಲ್ಲಿ ತೆಂಗಿನ ಎಣ್ಣೆಯ ಮಾರುಕಟ್ಟೆ ಬೆಲೆ ಲೀಟರ್‍ಗೆ 529 ರೂ.ಗಳಷ್ಟಿತ್ತು. ಇದನ್ನು ಮತ್ತಷ್ಟು ಕಡಿಮೆ ಮಾಡಲಾಗಿದ್ದು, ಕೇರಾ ಬ್ರಾಂಡ್ ಅನ್ನು 429 ರೂ.ಗೆ ಮಾರಾಟ ಮಾಡಲು ಅವಕಾಶ ನೀಡಲಾಗಿದೆ.

ಓಣಂ ಸಮಯದಲ್ಲಿ, ಸಪ್ಲೈಕೋದ ಶಬರಿ ಬ್ರಾಂಡ್ ಅನ್ನು ಸಬ್ಸಿಡಿ ಇಲ್ಲದೆ 339 ಮತ್ತು 389 ಸಬ್ಸಿಡಿ ದರದಲ್ಲಿ ಮಾರಾಟ ಮಾಡಲಾಗುತ್ತಿತ್ತು.ಏತನ್ಮಧ್ಯೆ, ಕೇರಾ ತೆಂಗಿನ ಎಣ್ಣೆಯ ಬೆಲೆಯನ್ನು ಮತ್ತೆ 429 ರಿಂದ 419 ರೂ.ಗೆ ಇಳಿಸಲಾಯಿತು. ಅಕ್ಟೋಬರ್‍ನಲ್ಲಿ ತೆಂಗಿನ ಎಣ್ಣೆಯ ಬೆಲೆಯನ್ನು ಮತ್ತಷ್ಟು ಕಡಿಮೆ ಮಾಡಲಾಗುವುದು ಎಂದು ಆಹಾರ ಇಲಾಖೆ ಹೇಳಿಕೊಂಡಿದೆ.