ಒಂದು ತಿಂಗಳಲ್ಲಿ ಅಮೀಬಿಕ್ ಎನ್ಸೆಫಾಲಿಟಿಸ್ ನಿಂದ ಮೃತರಾದವರು ಐವರು: ಗಂಭೀರತವಾಗಿ ಪರಿಗಣಿಸದ ಆರೋಗ್ಯ ಇಲಾಖೆ

ತಿರುವನಂತಪುರಂ: ರಾಜ್ಯ ಆರೋಗ್ಯ ಇಲಾಖೆಯ ಲೋಪಗಳನ್ನು ಸ್ಪಷ್ಟಪಡಿಸುತ್ತಾ, ಅಮೀಬಿಕ್ ಎನ್ಸೆಫಾಲಿಟಿಸ್ ರಾಜ್ಯದಲ್ಲಿ 5 ಜೀವಗಳನ್ನು ಬಲಿ ತೆಗೆದುಕೊಂಡಿದೆ. ಕಳೆದ ತಿಂಗಳಲ್ಲಿ ವಿವಿಧ ಸ್ಥಳಗಳಲ್ಲಿ ಐದು ಜನರು ಎನ್ಸೆಫಾಲಿಟಿಸ್‍ನಿಂದ ಸಾವನ್ನಪ್ಪಿದ್ದಾರೆ.

ಈ ಮಾರಕ ರೋಗವು ಮೊದಲು 2016 ರಲ್ಲಿ ಅಲಪ್ಪುಳದಲ್ಲಿ ವರದಿಯಾಗಿತ್ತು. ಅಂದಿನಿಂದ ಪ್ರಕರಣಗಳು ವಿರಳವಾಗಿದ್ದರೂ, ಇತ್ತೀಚೆಗೆ ಮಲಪ್ಪುರಂ, ಕೋಝಿಕ್ಕೋಡ್ ಮತ್ತು ತಿರುವನಂತಪುರಂನಂತಹ ಜಿಲ್ಲೆಗಳಲ್ಲಿ ಹೆಚ್ಚಿನ ಸೋಂಕುಗಳು ವರದಿಯಾಗಿವೆ. ಹೆಚ್ಚಿನ ರೋಗಿಗಳು ಕಲುಷಿತ ಮತ್ತು ನಿಂತ ನೀರಿನ ಮೂಲಗಳಲ್ಲಿ ಸ್ನಾನ ಮಾಡಿರುವುದು ಅಥವಾ ಈಜಿರುವುದು ಎಂದು ಕಂಡುಬಂದಿದೆ.  

ಒಳಚರಂಡಿ ನೀರು ಮೂಗಿನ ಮೂಲಕ ದೇಹವನ್ನು ಪ್ರವೇಶಿಸಿ ಮೆದುಳನ್ನು ತಲುಪುತ್ತದೆ, ಇದು ಸೋಂಕನ್ನು ಉಂಟುಮಾಡುತ್ತದೆ ಮತ್ತು ನಂತರ ಸಾವಿಗೆ ಕಾರಣವಾಗುತ್ತದೆ. ಅಮೀಬಿಕ್ ಎನ್ಸೆಫಾಲಿಟಿಸ್ ರೋಗನಿರ್ಣಯವನ್ನು ದೃಢಪಡಿಸಿದ ಹತ್ತು ವರ್ಷಗಳ ನಂತರವೂ, ರಾಜ್ಯ ಆರೋಗ್ಯ ಇಲಾಖೆ ಈ ಮಾರಕ ರೋಗವನ್ನು ಗಂಭೀರವಾಗಿ ಪರಿಗಣಿಸಿಲ್ಲ ಎಂದು ಇದು ತೋರಿಸುತ್ತದೆ.

ಒಂದು ತಿಂಗಳಲ್ಲಿ ಐದು ಜನರು ಈ ಕಾಯಿಲೆಯಿಂದ ಸಾವನ್ನಪ್ಪಿದ್ದರೂ, ಆರೋಗ್ಯ ಇಲಾಖೆ ತೆಗೆದುಕೊಳ್ಳುತ್ತಿರುವ ಏಕೈಕ ತಡೆಗಟ್ಟುವ ಕ್ರಮವೆಂದರೆ ಕೊಳಗಳು ಮತ್ತು ಇತರ ಜಲಮೂಲಗಳಲ್ಲಿ ಕ್ಲೋರಿನ್ ಮಿಶ್ರಣ ಮಾಡುವುದು, ಕೇರಳದಲ್ಲಿ ಮರಣ ಪ್ರಮಾಣ ಕಡಿಮೆ ಎಂದು ಹೇಳಿಕೊಳ್ಳುವುದು, ಅಷ್ಟೆ.

ಕೋಟಿ ವೆಚ್ಚದಲ್ಲಿ ಸ್ಥಾಪಿಸಲಾದ ವೈರಾಲಜಿ ಸಂಸ್ಥೆ ಸೇರಿದಂತೆ ಸಂಸ್ಥೆಗಳಲ್ಲಿಯೂ ಸಹ, ಇದರ ಬಗ್ಗೆ ಯಾವುದೇ ಗಂಭೀರ ಅಧ್ಯಯನಗಳು ಅಥವಾ ತಡೆಗಟ್ಟುವಿಕೆಗಾಗಿ ಗಂಭೀರ ಸಿದ್ಧತೆಗಳನ್ನು ನಡೆಸಲಾಗುತ್ತಿಲ್ಲ.

ಸೋಂಕಿನಿಂದ ರೋಗ ಒಳಗಾದ ನಂತರ ಚಿಕಿತ್ಸೆ ನೀಡುವ ಬದಲು ಅದನ್ನು ತಡೆಗಟ್ಟಲು ಜಾಗೃತಿ ಕಾರ್ಯಕ್ರಮಗಳಿಗೆ ಗಮನ ನೀಡಬೇಕು ಎಂದು ಆರೋಗ್ಯ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಅಮೀಬಿಕ್ ಎನ್ಸೆಫಾಲಿಟಿಸ್‍ನ ಮರಣ ಪ್ರಮಾಣ ಜಾಗತಿಕವಾಗಿ ಶೇ. 97 ರವರೆಗೆ ಇದೆ ಎಂದು ಆರೋಗ್ಯ ಇಲಾಖೆ ದೊಡ್ಡ ಹೇಳಿಕೆ ನೀಡುತ್ತಿದೆ, ಆದರೆ ಕೇರಳದಲ್ಲಿ ಇದು ಕೇವಲ ಶೇ. 26 ರಷ್ಟಿದೆ.

ಇದರ ಜೊತೆಗೆ, ಈ ಸರ್ಕಾರದ ಅವಧಿಯಲ್ಲಿ ಅನೇಕ ಚಿಕಿತ್ಸಾ ದೋಷಗಳು ವರದಿಯಾಗಿವೆ. ಇಲಾಖೆಯ ನ್ಯೂನತೆಗಳನ್ನು ಕ್ರಮವಾಗಿ ಪಟ್ಟಿ ಮಾಡಲಾಗಿದೆ: ಥೈರಾಯ್ಡ್ ಶಸ್ತ್ರಚಿಕಿತ್ಸೆಯ ಸಮಯದಲ್ಲಿ ಎದೆಯಲ್ಲಿ ಅಳವಡಿಸಲಾದ ಗೈಡ್ ವೈರ್ ಅನ್ನು ತೆಗೆದುಹಾಕದಿದ್ದಕ್ಕಾಗಿ ಹೊಣೆಗಾರರಾದ ಶಸ್ತ್ರಚಿಕಿತ್ಸಾ ವಿಭಾಗ, ಹೆರಿಗೆಯ ನಂತರ ಹೊಟ್ಟೆಯಲ್ಲಿ ಸಿಲುಕಿಕೊಂಡಿದ್ದ ಹತ್ತಿಯನ್ನು ತೆಗೆದುಹಾಕದ ಸ್ತ್ರೀರೋಗ ವಿಭಾಗ, ಎಡಗಾಲಿಗೆ ಬದಲಾಗಿ ಬಲಗಾಲಿಗೆ ಶಸ್ತ್ರಚಿಕಿತ್ಸೆ ಯಶಸ್ವಿಯಾಯಿತು ಎಂದು ಘೋಷಿಸಿದ ಮೂಳೆ ವಿಭಾಗದ ಮುಖ್ಯಸ್ಥ, ಎಡಗಣ್ಣಿಗೆ ಬದಲಾಗಿ ಬಲಗಣ್ಣಿಗೆ ಇಂಜೆಕ್ಷನ್ ನೀಡಿದ ಕಣ್ಣಿನ ವೈದ್ಯರು ಮತ್ತು ವೈದ್ಯಕೀಯ ಕಾಲೇಜಿನಲ್ಲಿ ಏಳು ವರ್ಷದ ಬಾಲಕನಿಗೆ ಮೂಗಿನ ಬದಲು ಹೊಟ್ಟೆಗೆ ಶಸ್ತ್ರಚಿಕಿತ್ಸೆ ಮಾಡಿದ ಘಟನೆ.

ಎರಡನೇ ಪಿಣರಾಯಿ ಸರ್ಕಾರ ಅಧಿಕಾರ ವಹಿಸಿಕೊಂಡ ನಂತರ, ಆರೋಗ್ಯ ಇಲಾಖೆಯಲ್ಲಿ ಅನೇಕ ವಿವಾದಗಳಿವೆ. ಆರೋಗ್ಯ ಕ್ಷೇತ್ರದಲ್ಲಿನ ಲೋಪಗಳಿಂದಾಗಿ ಆರೋಗ್ಯ ಸಚಿವೆ ವೀಣಾ ಜಾರ್ಜ್ ಕಳೆದ ನಾಲ್ಕು ವರ್ಷಗಳಲ್ಲಿ 40 ಕ್ಕೂ ಹೆಚ್ಚು ತನಿಖೆಗಳನ್ನು ಘೋಷಿಸಿದ್ದಾರೆ.

ಆದರೆ ತನಿಖೆಗಳು ಎಲ್ಲಿಯೂ ಹೋಗಿಲ್ಲ. ದೂರುಗಳು ಮತ್ತು ತನಿಖಾ ವರದಿಗಳು ಆರೋಗ್ಯ ಸಚಿವರು ಮತ್ತು ನಿರ್ದೇಶಕರ ಮೇಜಿನ ಮೇಲಿನ ಫೈಲ್‍ಗಳಲ್ಲಿ ರಾಶಿಯಾಗಿವೆ. ಯಾವುದೇ ದೂರಿನ ಬಗ್ಗೆ ಯಾವುದೇ ಕಠಿಣ ಕ್ರಮ ಕೈಗೊಂಡಿಲ್ಲ.

2023 ರಲ್ಲಿ, ರಾಜ್ಯದಲ್ಲಿ 974 ಜನರಿಗೆ ಹೆಪಟೈಟಿಸ್ ಎ ಮತ್ತು 2024 ರಲ್ಲಿ 7,000 ಕ್ಕೂ ಹೆಚ್ಚು ಜನರಿಗೆ ಹೆಪಟೈಟಿಸ್ ಎ ಇರುವುದು ದೃಢಪಟ್ಟಿತ್ತು. 3,000 ಕ್ಕೂ ಹೆಚ್ಚು ಜನರಿಗೆ ಊ1ಓ1 ಇರುವುದು ದೃಢಪಟ್ಟಿದ್ದರೆ, ಕಡಿಮೆ ಸಾಮಾನ್ಯವಾದ ಒ.ಠಿox ರೋಗವು ಆರು ಜನರಲ್ಲಿ, ಶಿಗೆಲ್ಲ 117 ಜನರಲ್ಲಿ ಮತ್ತು ವೆಸ್ಟ್ ನೈಲ್ ಜ್ವರ 29 ಜನರಲ್ಲಿ ದೃಢಪಟ್ಟಿದೆ.

2023 ಕ್ಕೆ ಹೋಲಿಸಿದರೆ 2024 ರಲ್ಲಿ ರಾಜ್ಯದಲ್ಲಿ ಸಾಂಕ್ರಾಮಿಕ ರೋಗಗಳಿಂದ ಸಾವುಗಳು ಹೆಚ್ಚಾಗಿವೆ. ಲೆಪೆÇ್ಟಸ್ಪೈರೋಸಿಸ್ ನಿಂದಾಗಿ ಅತಿ ಹೆಚ್ಚು ಸಾವುಗಳು ದೃಢಪಟ್ಟಿವೆ. ನಿಪಾದಿಂದ ಒಬ್ಬರು ಸಾವನ್ನಪ್ಪಿದ್ದಾರೆ.