ತಿರುವೋಣಂ ಬಂಪರ್; ಟಿ.ಎಚ್. 577825 ಟಿಕೆಟ್‍ಗೆ ಒಲಿದ 25 ಕೋಟಿ ರೂ.

ತಿರುವನಂತಪುರಂ: ಈ ವರ್ಷದ ತಿರುವೋಣಂ ಬಂಪರ್ ಲಾಟರಿಯ ಡ್ರಾ ಇಂದು ನಡೆಸಲಾಗಿದ್ದು, ಟಿ.ಎಚ್. 577825 ಟಿಕೆಟ್‍ಗೆ ಪ್ರಥಮ ಬಹುಮಾನ 25 ಕೋಟಿ ರೂಪಾಯಿಗಳು ಲಭಿಸಿದೆ. ಲಾಟರಿ ಇಲಾಖೆಯು ಏಜೆಂಟರಿಗೆ 75 ಲಕ್ಷ ಟಿಕೆಟ್‍ಗಳನ್ನು ನೀಡಿದೆ. ತಿರುವನಂತಪುರಂನಲ್ಲಿ ಹಣಕಾಸು ಸಚಿವ ಕೆ.ಎನ್. ಬಾಲಗೋಪಾಲನ್ü ಇಂದು ಮಧ್ಯಾಹ್ನ ಗೋರ್ಖಿ ಭವನದಲ್ಲಿ ಬಂಪರ್ ಡ್ರಾ ನಡೆಸಿದರು. 

ಎರಡನೇ ಬಹುಮಾನವಾಗಿ 20 ಜನರಿಗೆ ತಲಾ ಒಂದು ಕೋಟಿ ರೂಪಾಯಿಗಳು ಲಭಿಸಲಿವೆ. ಮೂರನೇ ಬಹುಮಾನವಾಗಿ 20 ಜನರಿಗೆ ತಲಾ 50 ಲಕ್ಷ ರೂಪಾಯಿಗಳು ಸಿಗಲಿವೆ. 10 ಜನರು ತಲಾ ಐದು ಲಕ್ಷ ರೂಪಾಯಿಗಳ ನಾಲ್ಕನೇ ಬಹುಮಾನಕ್ಕೆ ಅರ್ಹರಾಗಿದ್ದಾರೆ. ಐದನೇ ಬಹುಮಾನ 10 ಸರಣಿಗಳಿಗೆ ತಲಾ ಎರಡು ಲಕ್ಷ ರೂಪಾಯಿಗಳು. 5000 ರಿಂದ 500 ರೂಪಾಯಿಗಳವರೆಗೆ ಗೆದ್ದವರೂ ಇದ್ದಾರೆ.

27ಕ್ಕೆ ಮುಂದೂಡಲ್ಪಟ್ಟ ತಿರುವೋಣಂ ಬಂಪರ್ ಡ್ರಾವನ್ನು ಇಂದು ನಡೆಸಲಾಯಿತು. ಭಾರೀ ಮಳೆ ಮತ್ತು ಜಿಎಸ್‍ಟಿ ಬದಲಾವಣೆಯಿಂದಾಗಿ ಏಜೆಂಟರು ಮತ್ತು ಮಾರಾಟಗಾರರ ಬೇಡಿಕೆಯನ್ನು ಪರಿಗಣಿಸಿ ಡ್ರಾವನ್ನು ಮುಂದೂಡಲಾಯಿತು.

ಪಾಲಕ್ಕಾಡ್ ಅತಿ ಹೆಚ್ಚು ಟಿಕೆಟ್ ಮಾರಾಟವಾಗಿದ್ದು, 14,07,100 ಟಿಕೆಟ್‍ಗಳು ಮಾರಾಟವಾಗಿವೆ. ಎರಡನೇ ಸ್ಥಾನದಲ್ಲಿದ್ದ ತ್ರಿಶೂರ್ 9,37,400 ಟಿಕೆಟ್‍ಗಳು ಮತ್ತು ಮೂರನೇ ಸ್ಥಾನದಲ್ಲಿದ್ದ ತಿರುವನಂತಪುರಂ 8,75,900 ಟಿಕೆಟ್‍ಗಳು ಮಾರಾಟವಾಗಿವೆ. ಎರಡನೇ ಸ್ಥಾನದಲ್ಲಿದ್ದ ತ್ರಿಶೂರ್‍ಗಿಂತ ಪಾಲಕ್ಕಾಡ್ ಜಿಲ್ಲೆ 5 ಲಕ್ಷ ಟಿಕೆಟ್‍ಗಳು ಹೆಚ್ಚು ಮಾರಾಟವಾಗಿವೆ.