ಇ.ಎಸ್.ಜಿ. ನೀತಿಯನ್ನು ಜಾರಿಗೆ ತಂದ ಮೊದಲ ರಾಜ್ಯ ಕೇರಳ

ತಿರುವನಂತಪುರಂ: ಕೈಗಾರಿಕಾ ಮತ್ತು ಉದ್ಯಮಶೀಲ ಚಟುವಟಿಕೆಗಳಲ್ಲಿ ಪರಿಸರ, ಸಾಮಾಜಿಕ ಮತ್ತು ಆಡಳಿತ ಚೌಕಟ್ಟನ್ನು ಜಾರಿಗೆ ತರುವ ಗುರಿಯೊಂದಿಗೆ ರೂಪಿಸಲಾದ ರಾಜ್ಯ ಇ.ಎಸ್.ಜಿ. ನೀತಿಯನ್ನು ಸಂಪುಟ ಸಭೆ ಅನುಮೋದಿಸಿದೆ.

ಇ.ಎಸ್.ಜಿ. ತತ್ವಗಳಿಗೆ ಬದ್ಧವಾಗಿರುವ ಹೂಡಿಕೆಗಳನ್ನು ಆಕರ್ಷಿಸುವುದು ಮತ್ತು ಅಂತಹ ಹೂಡಿಕೆಗಳಿಗೆ ಕೇರಳವನ್ನು ಭಾರತದಲ್ಲಿ ನಂಬರ್ ಒನ್ ತಾಣವನ್ನಾಗಿ ಮಾಡುವುದು ಈ ನೀತಿಯ ಗುರಿಯಾಗಿದೆ ಎಂದು ಕೈಗಾರಿಕಾ ಸಚಿವ ಪಿ ರಾಜೀವ್ ಹೇಳಿದರು. ಸಮಗ್ರ ಇ.ಎಸ್.ಜಿ. ನೀತಿಯನ್ನು ಪರಿಚಯಿಸಿದ ಮೊದಲ ಭಾರತೀಯ ರಾಜ್ಯ ಕೇರಳ ಎಂದು ಪಿ. ರಾಜೀವ್ ಹೇಳಿದರು. 

ಪರಿಸರ ಸ್ನೇಹಿ, ಸಮುದಾಯವನ್ನು ಪರಿಗಣಿಸುವ ಮತ್ತು ಪಾರದರ್ಶಕ ಮತ್ತು ಮೌಲ್ಯಾಧಾರಿತ ಆಡಳಿತವನ್ನು ಖಚಿತಪಡಿಸಿಕೊಳ್ಳಲು ಈ ನೀತಿಯನ್ನು ಜಾರಿಗೆ ತರಲಾಗುತ್ತಿದೆ.

ಇ.ಎಸ್.ಜಿ. ಮೌಲ್ಯಗಳ ಬಗ್ಗೆ ಉದ್ಯಮಿಗಳು ಮತ್ತು ಸಾರ್ವಜನಿಕರಲ್ಲಿ ಜಾಗೃತಿ ಮೂಡಿಸಲು ಅಭಿಯಾನವನ್ನು ಆಯೋಜಿಸಲಾಗುವುದು. ಶಾಲಾ ಮತ್ತು ವಿಶ್ವವಿದ್ಯಾಲಯಗಳ ಪಠ್ಯಕ್ರಮ ಏಕೀಕರಣ, ತರಬೇತಿ ಕಾರ್ಯಾಗಾರಗಳು, ವಿಚಾರ ಸಂಕಿರಣಗಳು ಇತ್ಯಾದಿಗಳ ಮೂಲಕ ವ್ಯಾಪಕ ಜಾಗೃತಿ ಕಾರ್ಯಕ್ರಮಗಳನ್ನು ಆಯೋಜಿಸಲಾಗುವುದು.

ಕೇರಳಕ್ಕಾಗಿ ರಾಷ್ಟ್ರೀಯ (ಬಿ.ಆರ್.ಎಸ್.ಆರ್.) ಮತ್ತು ಅಂತರರಾಷ್ಟ್ರೀಯ ಮಾನದಂಡಗಳಿಗೆ (ಜಿ.ಆರ್.ಐ, ಎಸ್.ಎ.ಎಸ್.ಬಿ.,ಟಿ.ಸಿ.ಎಫ್.ಡಿ.) ಲಿಂಕ್ ಮಾಡಲಾದ ಇ.ಎಸ್.ಜಿ. ವರದಿ ಮಾಡುವ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಲಾಗುವುದು.

ಇ.ಎಸ್.ಜಿ. ರೇಟಿಂಗ್‍ಗಳು ಮತ್ತು ಪ್ರಶಸ್ತಿಗಳನ್ನು ಜಾರಿಗೆ ತರಲಾಗುವುದು. ಡಿಜಿಟಲ್ ಇ-ಪೋರ್ಟಲ್ ಅನ್ನು ಅಭಿವೃದ್ಧಿಪಡಿಸಲಾಗುವುದು. ಕೇರಳವನ್ನು ಇ.ಎಸ್.ಜಿ. ರಾಜ್ಯವೆಂದು ಬ್ರಾಂಡ್ ಮಾಡಲಾಗುವುದು. ಇ.ಎಸ್.ಜಿ. ತತ್ವಗಳ ಅನುಷ್ಠಾನವನ್ನು ಉತ್ತೇಜಿಸಲು ತೆರಿಗೆ ವಿನಾಯಿತಿಗಳು, ಸಬ್ಸಿಡಿಗಳು, ಸಾಲ ರಿಯಾಯಿತಿಗಳು, ಸ್ಟಾರ್ಟಫ್ ಇನ್ಕ್ಯುಬೇಶನ್ ಮತ್ತು ಡಿ.ಪಿ.ಆರ್. ಬೆಂಬಲವನ್ನು ಖಚಿತಪಡಿಸಿಕೊಳ್ಳಲಾಗುವುದು. ಇ.ಎಸ್.ಜಿ. ಯೋಜನೆಗಳಿಗೆ 5 ವರ್ಷಗಳವರೆಗೆ ಬಂಡವಾಳ ಹೂಡಿಕೆಯ 100 ಪ್ರತಿಶತ ಮರುಪಾವತಿಯನ್ನು ಒದಗಿಸಲಾಗುವುದು. ಸ್ಥಿರ ಬಂಡವಾಳ ಹೂಡಿಕೆಗೆ 10 ಪ್ರತಿಶತ ಸಬ್ಸಿಡಿ (ರೂ. 50 ಲಕ್ಷದವರೆಗೆ) ನೀಡಲಾಗುವುದು.

ಯಂತ್ರೋಪಕರಣಗಳು ಮತ್ತು ತಂತ್ರಜ್ಞಾನಕ್ಕಾಗಿ ಏSIಆಅ ಕಡಿಮೆ-ವೆಚ್ಚದ ಸಾಲಗಳನ್ನು ಒದಗಿಸುತ್ತದೆ. ಸ್ಥಳೀಯ ಉದ್ಯಮಗಳಿಗೆ ಸಂಗ್ರಹಣೆಯ ಮೇಲೆ ಸರ್ಕಾರವು 20 ಪ್ರತಿಶತ ಮಾರ್ಜಿನ್ ಅನ್ನು ಒದಗಿಸುತ್ತದೆ.

ಯೋಜನಾ ವರದಿಗಳನ್ನು ಸಿದ್ಧಪಡಿಸುವಲ್ಲಿ ಸಹಾಯವನ್ನು ಒದಗಿಸಲು ಒSಒಇ ಚಿಕಿತ್ಸಾಲಯಗಳನ್ನು ಸ್ಥಾಪಿಸಲಾಗುವುದು. ಉದ್ಯಮಶೀಲತೆ ಬೆಂಬಲ ಯೋಜನೆ, ಸ್ಟಾ?????ಪ್ ಇನ್ಕ್ಯುಬೇಶನ್, ಮಾರುಕಟ್ಟೆ ಬೆಂಬಲ ಮತ್ತು ಅಸ್ತಿತ್ವದಲ್ಲಿರುವ ಉದ್ಯಮಗಳು ಇSಉ ಕಡೆಗೆ ಸಾಗಲು ಸಬ್ಸಿಡಿಗಳನ್ನು ಜಾರಿಗೆ ತರಲಾಗುವುದು.

2040 ರ ವೇಳೆಗೆ 100% ನವೀಕರಿಸಬಹುದಾದ ಇಂಧನ ಬಳಕೆ ಮತ್ತು 2050 ರ ವೇಳೆಗೆ ಇಂಗಾಲದ ತಟಸ್ಥತೆಯನ್ನು ಸಾಧಿಸುವುದು ಈ ನೀತಿಯ ಗುರಿಯಾಗಿದೆ.

ಸೌರ ಉದ್ಯಾನವನಗಳು, ತೇಲುವ ಸೌರಶಕ್ತಿ, ಪವನ ವಿದ್ಯುತ್ ಸ್ಥಾವರಗಳು, ಜಲವಿದ್ಯುತ್ ಸ್ಥಾವರಗಳು ಮತ್ತು ಜೀವರಾಶಿ ಯೋಜನೆಗಳಲ್ಲಿ ಹೂಡಿಕೆ ಮಾಡಲಾಗುವುದು.

ಕಾರ್ಯಪಡೆಯಲ್ಲಿ ಮಹಿಳಾ ಪ್ರಾತಿನಿಧ್ಯವನ್ನು ಹೆಚ್ಚಿಸುವುದು, ವೈವಿಧ್ಯತೆ ಮತ್ತು ಸೇರ್ಪಡೆಯನ್ನು ಖಚಿತಪಡಿಸುವುದು, ಮಾನವ ಹಕ್ಕುಗಳನ್ನು ಗೌರವಿಸುವುದು, ಕಾರ್ಮಿಕ ಮಾನದಂಡಗಳನ್ನು ಎತ್ತಿಹಿಡಿಯುವುದು, ಸಿಎಸ್.ಆರ್ ಮತ್ತು ಕಲ್ಯಾಣ ಉಪಕ್ರಮಗಳ ಮೂಲಕ ಸಾಮಾಜಿಕ ಕಲ್ಯಾಣವನ್ನು ಖಚಿತಪಡಿಸುವುದು, ಭ್ರಷ್ಟಾಚಾರದ ವಿರುದ್ಧ ದೃಢವಾದ ನಿಲುವನ್ನು ತೆಗೆದುಕೊಳ್ಳುವುದು, ಪಾರದರ್ಶಕತೆಯನ್ನು ಬಲಪಡಿಸುವುದು ಮತ್ತು ಇSಉ ಬಹಿರಂಗಪಡಿಸುವಿಕೆಯನ್ನು ಕಡ್ಡಾಯಗೊಳಿಸುವುದು ಈ ನೀತಿಯ ಗುರಿಯಾಗಿದೆ.

ಇ.ಎಸ್.ಜಿ. ಅಳವಡಿಕೆಗೆ ಏSIಆಅ ನೋಡಲ್ ಏಜೆನ್ಸಿಯಾಗಿ ಕಾರ್ಯನಿರ್ವಹಿಸುತ್ತದೆ. ಪ್ರಸ್ತುತ ನೀತಿಯು 2030 ರವರೆಗೆ ಐದು ವರ್ಷಗಳ ಕಾಲ ಜಾರಿಯಲ್ಲಿರುತ್ತದೆ ಎಂದು ಸಚಿವ ಪಿ ರಾಜೀವ್ ಹೇಳಿದರು.