'ಕೇರಳದಲ್ಲಿ ಸ್ಥಳೀಯ ಮದ್ಯದ ಉತ್ಪಾದನೆಯನ್ನು ಹೆಚ್ಚಿಸಿ ವಿದೇಶಗಳಿಗೆ ರಫ್ತು ಮಾಡಬೇಕು': ಎಂ.ಬಿ. ರಾಜೇಶ್

ಪಾಲಕ್ಕಾಡ್: ಕೇರಳದಲ್ಲಿ ಸ್ಥಳೀಯ ಮದ್ಯದ ಉತ್ಪಾದನೆಯನ್ನು ಹೆಚ್ಚಿಸಲು ಕ್ರಮ ಕೈಗೊಳ್ಳಲಾಗುವುದು ಎಂದು ಅಬಕಾರಿ ಸಚಿವ ಎಂ.ಬಿ. ರಾಜೇಶ್ ಹೇಳಿದ್ದಾರೆ. ಸ್ಥಳೀಯ ಮದ್ಯದ ಉತ್ಪಾದನೆಯನ್ನು ಹೆಚ್ಚಿಸಿ ವಿದೇಶಗಳಿಗೆ ರಫ್ತು ಮಾಡಬೇಕು ಎಂದು ಸಚಿವರು ಹೇಳಿದರು.

ಪಾಲಕ್ಕಾಡ್‍ನಲ್ಲಿ ನಡೆದ ಅಬಕಾರಿ ಇಲಾಖೆಯ ರಾಜ್ಯ ವಿಚಾರ ಸಂಕಿರಣದಲ್ಲಿ ಸಚಿವರು ಈ ಹೇಳಿಕೆ ನೀಡಿರುವರು. 

ಮದ್ಯವು ಒಂದು ಉದ್ಯಮ. ಅದನ್ನು ಒಂದು ಉದ್ಯಮವಾಗಿ ನೋಡಬೇಕು. ಹೆಚ್ಚಿನ ಹೂಡಿಕೆಯನ್ನು ತರಬಹುದಾದ, ಆದಾಯವನ್ನು ಗಳಿಸಬಹುದಾದ, ಉದ್ಯೋಗಾವಕಾಶಗಳನ್ನು ಸೃಷ್ಟಿಸಬಹುದಾದ ಮತ್ತು ಉದ್ಯಮವಾಗಿ ಆರ್ಥಿಕ ಬೆಳವಣಿಗೆಗೆ ಬಳಸಬಹುದಾದ ವಿಧಾನವಿರಬೇಕು. ನಮ್ಮಲ್ಲಿನ ವಿಶೇಷ ಸಂದರ್ಭಗಳು ಮತ್ತು ಕೆಲವು ಸಂಪ್ರದಾಯವಾದದಿಂದಾಗಿ, ಅದನ್ನು ಒಂದು ಉದ್ಯಮವಾಗಿ ನೋಡುವುದಕ್ಕೆ ಕೆಲವು ಅಡೆತಡೆಗಳಿವೆ. ಅವುಗಳನ್ನು ನಿವಾರಿಸಬೇಕಾಗಿದೆ ಎಂದು ಅವರು ಹೇಳಿದರು.