ತೀವ್ರ ಬಡತನ ಮುಕ್ತ ಕೇರಳ ಘೋಷಣೆಯಲ್ಲಿ ಭಾಗವಹಿಸದಂತೆ ಮೋಹನ್ ಲಾಲ್, ಮಮ್ಮುಟ್ಟಿ ಮತ್ತು ಕಮಲ್ ಹಾಸನ್ ರಿಗೆ ಬಹಿರಂಗ ಪತ್ರ ಬರೆದ ಆಶಾ ಕಾರ್ಯಕರ್ತರು

ತಿರುವನಂತಪುರಂ: ನವೆಂಬರ್ 1 ರಂದು ನಡೆಯಲಿರುವ ತೀವ್ರ ಬಡತನ ಮುಕ್ತ ಕೇರಳ ಘೋಷಣೆಯಲ್ಲಿ ಭಾಗವಹಿಸದಂತೆ ನಟರಾದ ಮೋಹನ್ ಲಾಲ್, ಮಮ್ಮುಟ್ಟಿ ಮತ್ತು ಕಮಲ್ ಹಾಸನ್ ಅವರಿಗೆ ಬಹಿರಂಗ ಪತ್ರ ಬರೆದು ಆಶಾ ಕಾರ್ಯಕರ್ತರು ಅವರು ಒತ್ತಾಯಿಸುತ್ತಿದ್ದಾರೆ. 

ಸರ್ಕಾರವು ಈ ನಟರನ್ನು ತೀವ್ರ ಬಡತನ ಮುಕ್ತ ಕೇರಳ ಘೋಷಣೆಯಲ್ಲಿ ಭಾಗವಹಿಸಲು ಆಹ್ವಾನಿಸಿದ ಹಿನ್ನೆಲೆಯಲ್ಲಿ ಈ ಪತ್ರ ಬರೆಯಲಾಗಿದೆ. ಸಚಿವಾಲಯದ ಮುಂದೆ ಪ್ರತಿಭಟನಾ ನಿರತರಾಗಿರುವ ಆಶಾ ಕಾರ್ಯಕರ್ತರನ್ನು ನಟರು ಬಂದು ಭೇಟಿ ಮಾಡಬೇಕು. ಅವರು ದಿನಕ್ಕೆ ಮೂರು ಬಾರಿ ಆಹಾರ ಸೇವಿಸಲು ಶಕ್ತರಲ್ಲದ, ತಮ್ಮ ಮಕ್ಕಳಿಗೆ ಶಿಕ್ಷಣ ನೀಡಲು ಸಾಧ್ಯವಾಗದ, ಮಾರಕ ಕಾಯಿಲೆ ಬಂದರೆ ಬದುಕಲು ಸಾಧ್ಯವಾಗದ ಮತ್ತು ಸಾಲದ ಸುಳಿಯಲ್ಲಿ ಸಿಲುಕಿರುವ ಅತ್ಯಂತ ಬಡವರು ಎಂದು ಪತ್ರದಲ್ಲಿ ಹೇಳಲಾಗಿದೆ.

ಈ ಭೂಮಿಯಲ್ಲಿ ಮಾನವೀಯ ಜೀವನ ನಡೆಸುವ ಹಕ್ಕಿಗಾಗಿ ಕಳೆದ ಎಂಟೂವರೆ ತಿಂಗಳಿನಿಂದ ಸಚಿವಾಲಯದ ಮುಂದೆ ಹಗಲಿರುಳು ಪ್ರತಿಭಟನೆ ನಡೆಸುತ್ತಿರುವ, ಸರ್ಕಾರದಿಂದ ಸಹಾನುಭೂತಿಯ ನಿರ್ಧಾರಕ್ಕಾಗಿ ಕಾಯುತ್ತಿರುವ ಮಹಿಳಾ ಕಾರ್ಯಕರ್ತರು ಆಶಾ ಕಾರ್ಯಕರ್ತರು ಎಂದು ಪತ್ರದಲ್ಲಿ ಹೇಳಲಾಗಿದೆ. ಅವರು ನಮ್ಮ ಬಡತನ ಅಥವಾ ಜೀವನದ ಕಷ್ಟಗಳನ್ನು ಪರಿಗಣಿಸುವುದಿಲ್ಲ. ಆಶಾ ವೃಂದದವರು ಕಳೆದ 18 ವರ್ಷಗಳಿಂದ ರಾಜ್ಯದ ಆರೋಗ್ಯ ಕ್ಷೇತ್ರದಲ್ಲಿ ಸಮರ್ಪಿತವಾಗಿ ಕೆಲಸ ಮಾಡುತ್ತಿದ್ದಾರೆ.

ಸಾಂಕ್ರಾಮಿಕ ರೋಗಗಳ ಸಮಯದಲ್ಲಿ ಅವರು ಮುಲಾಜುಗಳಿಲ್ಲದೆ ಜನರ ಸೇವೆಗೈದಿದ್ದರು. ರೋಗಿಗಳನ್ನು ನೋಡಿಕೊಳ್ಳಲು ಹೋದ 11 ಸಹೋದ್ಯೋಗಿಗಳು ಕೋವಿಡ್‍ನಿಂದ ಸಾವನ್ನಪ್ಪಿದರು. ಆದರೆ ನಮ್ಮ ಅತ್ಯಂತ ಕಳಪೆ ಜೀವನ ಪರಿಸ್ಥಿತಿಗಳನ್ನು ಸುಧಾರಿಸಲು ಅಥವಾ ನಮ್ಮ ನೋವನ್ನು ಕೊನೆಗೊಳಿಸಲು ಎಲ್ಲಿಂದಲೂ ಯಾವುದೇ ಕ್ರಮ ಕೈಗೊಂಡಿಲ್ಲ ಎಂದು ಪತ್ರದಲ್ಲಿ ಹೇಳಲಾಗಿದೆ.