ಕೇರಳ ಹೈಕೋರ್ಟ್‍ನ್ನು ಕಟುವಾಗಿ ಟೀಕಿಸಿದ ಸುಪ್ರೀಂ ಕೋರ್ಟ್: ತ್ರಿಶೂರ್ ಚಿನ್ಮಯ ಮಿಷನ್ ವಿರುದ್ಧದ ವಿಜಿಲೆನ್ಸ್ ತನಿಖಾ ಆದೇಶವನ್ನು ರದ್ದುಗೊಳಿಸಿದ್ದಕ್ಕೆ ತಡೆ

ನವದೆಹಲಿ: ಕೇರಳ ಹೈಕೋರ್ಟ್‍ನ್ನು ಸುಪ್ರೀಂ ಕೋರ್ಟ್ ಮತ್ತೊಮ್ಮೆ ಕಟುವಾಗಿ ಟೀಕಿಸಿದೆ. ಅರ್ಜಿಯ ವ್ಯಾಪ್ತಿಯನ್ನು ಮೀರಿದ ನಿರ್ಧಾರಗಳನ್ನು ಹೈಕೋರ್ಟ್ ತೆಗೆದುಕೊಳ್ಳುತ್ತಿದೆ ಎಂದು ಸುಪ್ರೀಂ ಕೋರ್ಟ್ ಟೀಕಿಸಿದೆ.

ತ್ರಿಶೂರ್ ಚಿನ್ಮಯ ಮಿಷನ್ ವಿರುದ್ಧದ ವಿಜಿಲೆನ್ಸ್ ತನಿಖಾ ಆದೇಶವನ್ನು ರದ್ದುಗೊಳಿಸಿರುವುದನ್ನು ಸುಪ್ರೀಂ ಕೋರ್ಟ್ ಟೀಕಿಸಿತು.

ವಿಜಿಲೆನ್ಸ್ ತನಿಖಾ ಆದೇಶವನ್ನು ಎದುರಾಳಿ ಪಕ್ಷದ ಮಾತನ್ನು ಕೇಳದೆ ಹೈಕೋರ್ಟ್ ಹೊರಡಿಸಿದೆ ಎಂದು ಸುಪ್ರೀಂ ಕೋರ್ಟ್ ಗಮನಿಸಿದೆ. 

ಇದು ನೈಸರ್ಗಿಕ ನ್ಯಾಯಕ್ಕೆ ವಿರುದ್ಧವಾಗಿದೆ. ಹೈಕೋರ್ಟ್ ನ್ಯಾಯಾಂಗ ವ್ಯವಸ್ಥೆಯ ಶಿಸ್ತನ್ನು ಉಲ್ಲಂಘಿಸುತ್ತಿದೆ ಎಂದು ಸುಪ್ರೀಂ ಕೋರ್ಟ್ ಟೀಕಿಸಿದೆ.

ಅರ್ಜಿಯನ್ನು ವಜಾಗೊಳಿಸಲು ಅಥವಾ ಸ್ವೀಕರಿಸಲು ಸುಪ್ರೀಂ ಕೋರ್ಟ್ ಹೈಕೋರ್ಟ್‍ಗಳಿಗೆ ನಿರ್ದೇಶನ ನೀಡಿತು, ಆದರೆ ಪ್ರತಿಕೂಲ ಆದೇಶವನ್ನು ನೀಡುವಾಗ ಕಕ್ಷಿದಾರರ ಮಾತು ಕೇಳಬೇಕು ಎಮದು ಸೂಚಿಸಿದೆ.

ಚಿನ್ಮಯ ಮಿಷನ್ ಟ್ರಸ್ಟ್‍ನಿಂದ 20 ಲಕ್ಷ ರೂ. ಬಾಡಿಗೆ ವಸೂಲಿ ಮಾಡುವುದನ್ನು ಪ್ರಶ್ನಿಸಿ ಸಲ್ಲಿಸಲಾದ ಅರ್ಜಿಯಲ್ಲಿ ಸುಪ್ರೀಂ ಕೋರ್ಟ್ ನಿರ್ದೇಶನ ನೀಡಿತ್ತು. ದೇವಸ್ವಂ ಮಂಡಳಿಗೆ ಬಾಡಿಗೆ ಸಂಗ್ರಹಿಸುವ ಅಧಿಕಾರವಿದೆ ಎಂಬ ಹೈಕೋರ್ಟ್ ಆದೇಶವನ್ನು ಸುಪ್ರೀಂ ಕೋರ್ಟ್ ಎತ್ತಿಹಿಡಿದಿದೆ.

ನ್ಯಾಯಮೂರ್ತಿಗಳಾದ ದೀಪಾಂಕರ್ ದತ್ತ ಮತ್ತು ಕೆ.ವಿ. ವಿಶ್ವನಾಥನ್ ಅವರನ್ನೊಳಗೊಂಡ ಪೀಠವು ಈ ಕ್ರಮ ಕೈಗೊಂಡಿದೆ.