ರಾಜ್ಯ ಶಾಲಾ ಕಲೋತ್ಸವ: ದಿನಾಂಕ ಮತ್ತು ಸ್ಥಳ ಬದಲಾವಣೆ

ತಿರುವನಂತಪುರಂ: 64ನೇ ರಾಜ್ಯ ಶಾಲಾ ಕಲೋತ್ಸವ ದಿನಾಂಕ ಬದಲಾವಣೆ ಮಾಡಲಾಗಿದೆ. ಜನವರಿ 7 ರಿಂದ 11 ರವರೆಗೆ ತಿರುವನಂತಪುರಂನಲ್ಲಿ ನಡೆಯಬೇಕಿದ್ದ ಕಲೋತ್ಸವವನ್ನು ಜನವರಿ 14 ರಿಂದ 18 ರವರೆಗೆ ತ್ರಿಶೂರಿಗೆ ಸ್ಥಳಾಂತರಿಸಲಾಗಿದೆ.  

ತಾಂತ್ರಿಕ ಕಾರಣಗಳಿಂದಾಗಿ ಈ ಬದಲಾವಣೆ ಆಗಿದೆ ಎಂದು ಸಾಮಾನ್ಯ ಶಿಕ್ಷಣ ಇಲಾಖೆ ತಿಳಿಸಿದೆ. ರಾಜ್ಯದ ವಿವಿಧ ಭಾಗಗಳಿಂದ ಸುಮಾರು 14,000 ವಿದ್ಯಾರ್ಥಿಗಳು 249 ವಿಭಾಗಗಳಲ್ಲಿ ಕಲೋತ್ಸವದಲ್ಲಿ ಭಾಗವಹಿಸಲಿದ್ದಾರೆ.