ಶಬರಿಮಲೆ: ದೈನಂದಿನ ಸ್ಪಾಟ್ ಬುಕಿಂಗ್ ಸಂಖ್ಯೆ ನಿರ್ಧರಿಸಲು ವಿಶೇಷ ಸಮಿತಿ

ಪತ್ತನಂತಿಟ್ಟ: ಶಬರಿಮಲೆಯಲ್ಲಿ ಜನಸಂದಣಿಯನ್ನು ನಿಯಂತ್ರಿಸಲು ದೈನಂದಿನ ಸ್ಪಾಟ್ ಬುಕಿಂಗ್ ಸಂಖ್ಯೆಯನ್ನು ನಿರ್ಧರಿಸಲು ವಿಶೇಷ ಸಮಿತಿಯನ್ನು ರಚಿಸಲಾಗಿದೆ.

ಸಮಿತಿಯ ಸದಸ್ಯರು ಪೆÇಲೀಸ್ ಸಂಯೋಜಕರು, ಕಾರ್ಯನಿರ್ವಾಹಕ ಅಧಿಕಾರಿ ಮತ್ತು ವಿಶೇಷ ಆಯುಕ್ತರಾಗಿರುತ್ತಾರೆ. 

18 ನೇ ಮೆಟ್ಟಿಲು ಹತ್ತುವ ಯಾತ್ರಿಕರ ಸಂಖ್ಯೆಯನ್ನು ಒಂದು ನಿಮಿಷದಲ್ಲಿ 85 ಕ್ಕೆ ಹೆಚ್ಚಿಸಲು ಹೆಚ್ಚು ಅನುಭವಿ ಪೋಲೀಸರನ್ನು ನಿಯೋಜಿಸಲಾಗುವುದು. ನೀಲಕ್ಕಲ್‍ನಲ್ಲಿ ಪಾರ್ಕಿಂಗ್ ವ್ಯವಸ್ಥೆಯನ್ನು ವಿಸ್ತರಿಸಲು ನಿರ್ಧರಿಸಲಾಗಿದೆ. ಎಡಿಎಂ ನೇತೃತ್ವದಲ್ಲಿ ಪ್ರತಿದಿನ ಪರಿಶೀಲನಾ ಸಭೆ ನಡೆಯಲಿದೆ. ಶನಿವಾರ ಪಂಪಾದಲ್ಲಿ ನಡೆದ ಸಚಿವರ ಸಭೆಯಲ್ಲಿ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಹೈಕೋರ್ಟ್ ನಿರ್ದೇಶನದಂತೆ ಪಂಪಾದಲ್ಲಿ ಪರಿಶೀಲನಾ ಸಭೆ ನಡೆಸಲಾಯಿತು. ಚುನಾವಣಾ ನೀತಿ ಸಂಹಿತೆ ಇರುವುದರಿಂದ, ಸಚಿವರು ಮತ್ತು ಇತರರು ಸಭೆಯ ನಿರ್ಧಾರಗಳನ್ನು ಸಾರ್ವಜನಿಕವಾಗಿ ವಿವರಿಸಲಿಲ್ಲ.

ಶಬರಿಮಲೆಯಲ್ಲಿ ಸ್ಪಾಟ್ ಬುಕಿಂಗ್ ಅನ್ನು ಹೈಕೋರ್ಟ್ ಈ ಹಿಂದೆ ಸಡಿಲಿಸಿತ್ತು. ಪರಿಸ್ಥಿತಿಯನ್ನು ಪರಿಗಣಿಸಿ ತಿರುವಾಂಕೂರು ದೇವಸ್ವಂ ಮಂಡಳಿ ಮತ್ತು ಶಬರಿಮಲೆಯಲ್ಲಿ ಪೆÇಲೀಸ್ ಮುಖ್ಯ ಸಂಯೋಜಕರು ಎಷ್ಟು ಜನರಿಗೆ ಸ್ಪಾಟ್ ಬುಕಿಂಗ್ ನೀಡಬೇಕೆಂದು ನಿರ್ಧರಿಸಬಹುದು ಎಂದು ಹೈಕೋರ್ಟ್ ನಿರ್ದೇಶಿಸಿದೆ. ಪ್ರತಿ ಬಾರಿಯ ದಟ್ಟಣೆಯ ಆಧಾರದ ಮೇಲೆ ಎಷ್ಟು ಸ್ಪಾಟ್ ಬುಕಿಂಗ್ ನೀಡಬೇಕೆಂದು ನಿರ್ಧರಿಸಬಹುದೆಂದು ನಿರ್ದೇಶನ ನೀಡಿದೆ.