ಶಬರಿಮಲೆಗೆ ಇಲ್ಲಿಯವರೆಗೆ ಆರೂವರೆ ಲಕ್ಷ ಜನರ ಭೇಟಿ: ಸ್ಪಾಟ್ ಬುಕಿಂಗ್ ಮೂಲಕ ಹೆಚ್ಚಿನ ಜನರಿಗೆ ಭೇಟಿ ನೀಡಲು ಅವಕಾಶ

ತಿರುವನಂತಪುರಂ: ಶಬರಿಮಲೆ ದರ್ಶನಕ್ಕಾಗಿ ಭಕ್ತರ ಹರಿವು ಮುಂದುವರೆದಿದೆ. ಭಾನುವಾರ ಸಂಜೆ 7 ಗಂಟೆಯವರೆಗೆ 69295 ಜನರು ಅಯ್ಯಪ್ಪ ದರ್ಶನಗೈದಿದ್ದಾರೆ. ಇಲ್ಲಿಯವರೆಗೆ ಭೇಟಿ ನೀಡಿದ ಒಟ್ಟು ಜನರ ಸಂಖ್ಯೆ ಆರೂವರೆ ಲಕ್ಷ ದಾಟಿದೆ. ಸ್ಪಾಟ್ ಬುಕಿಂಗ್ ಮೂಲಕ ಹೆಚ್ಚಿನ ಜನರಿಗೆ ಭೇಟಿ ನೀಡಲು ಅವಕಾಶ ನೀಡಲಾಗಿದೆ. 

ಸ್ಪಾಟ್ ಬುಕಿಂಗ್ ಮೂಲಕ ಭೇಟಿ ನೀಡಲು ಅನುಮತಿಸಲಾದ ಜನರ ಸಂಖ್ಯೆಯು ಪ್ರತಿ ದಿನದ ದಟ್ಟಣೆಯನ್ನು ಅವಲಂಬಿಸಿ ಬದಲಾಯಿಸಲು ಹೈಕೋರ್ಟ್ ಅವಕಾಶ ನೀಡಿತ್ತು. ದೇವಸ್ವಂ ಮಂಡಳಿ ಮತ್ತು ಪೋಲೀಸರು ಜಂಟಿಯಾಗಿ ಪ್ರತಿ ಬಾರಿಯೂ ಭೇಟಿ ನೀಡಬಹುದಾದ ಜನರ ಸಂಖ್ಯೆ ನಿರ್ಣಯಿಸುತ್ತಾರೆ ಮತ್ತು ಸ್ಪಾಟ್ ಬುಕಿಂಗ್‍ಗೆ ಅವಕಾಶ ನೀಡುತ್ತಾರೆ. ಸಂಜೆ 7 ಗಂಟೆಯವರೆಗಿನ ಅಂಕಿಅಂಶಗಳ ಪ್ರಕಾರ, ಭಾನುವಾರ ಸ್ಪಾಟ್ ಬುಕಿಂಗ್ ಮೂಲಕ 11516 ಜನರು ನಿಲಕ್ಕಲ್ ಮತ್ತು ವಂಡಿಪೆರಿಯಾರ್ ಮೂಲಕ ಭೇಟಿ ನೀಡಿದ್ದಾರೆ. ಭಕ್ತರಿಗೆ ಆರಾಮದಾಯಕ ದರ್ಶನವನ್ನು ಖಚಿತಪಡಿಸಿಕೊಳ್ಳಲು ಶಬರಿಮಲೆ ಮತ್ತು ಇತರ ಸಂಬಂಧಿತ ಕೇಂದ್ರಗಳಲ್ಲಿ ಎಲ್ಲಾ ವ್ಯವಸ್ಥೆಗಳು ಜಾರಿಯಲ್ಲಿವೆ.