ನಿಮ್ಮ ವೈ-ಫೈ ಪಾಸ್‌ವರ್ಡ್ ನೆನಪಿಲ್ಲವೇ?: ಈ ಟ್ರಿಕ್ ಮೂಲಕ ನಿಮಿಷಗಳಲ್ಲಿ ತಿಳಿಯಿರಿಲ

ವೈ-ಫೈ ಬ್ರಾಡ್‌ಬ್ಯಾಂಡ್ ಇಂಟರ್ನೆಟ್ ಇಂದಿನ ಕಾಲದ ಪ್ರಮುಖ ಅಗತ್ಯಗಳಲ್ಲಿ ಒಂದಾಗಿದೆ. ಜನರು ಅನಿಯಮಿತ ಇಂಟರ್ನೆಟ್ ಬಳಸುವ ಮತ್ತು ಅದರ ಮೂಲಕ ಒಟಿಟಿ ಪ್ಲಾಟ್‌ಫಾರ್ಮ್‌ಗಳನ್ನು ವೀಕ್ಷಿಸುವ ಪ್ರಯೋಜನವನ್ನು ಪಡೆಯುತ್ತಾರೆ. ಯಾವುದೇ ವೈ-ಫೈ ಬ್ರಾಡ್‌ಬ್ಯಾಂಡ್‌ನಲ್ಲಿ ಪಾಸ್‌ವರ್ಡ್ ಒಂದು ಮುಖ್ಯ ವಿಷಯವಾಗಿದೆ.

ಜನರು ತಮ್ಮ ಮನೆಯಲ್ಲಿ ಸ್ಥಾಪಿಸಲಾದ ವೈಫೈನ ಪಾಸ್‌ವರ್ಡ್ ಅನ್ನು ಯಾರೂ ತಿಳಿದುಕೊಳ್ಳದಂತೆ ಕಷ್ಟಕರವಾಗಿ ಇಟ್ಟುಕೊಳ್ಳುತ್ತಾರೆ. ಆದರೆ ನೀವು ಎಂದಾದರೂ ನಿಮ್ಮ ವೈ-ಫೈನ ಪಾಸ್‌ವರ್ಡ್ ಅನ್ನು ಮರೆತರೆ? ಈರೀತಿ ಆದರೆ, ಚಿಂತಿಸುವ ಅಗತ್ಯವಿಲ್ಲ. ವಿಂಡೋಸ್ ಲ್ಯಾಪ್‌ಟಾಪ್, ಮ್ಯಾಕ್‌ಬುಕ್, ಆಂಡ್ರಾಯ್ಡ್, ಐಫೋನ್‌ನ ಸೆಟ್ಟಿಂಗ್‌ಗಳಿಗೆ ಹೋಗುವ ಮೂಲಕ ನಿಮ್ಮ ಮನೆಯ ವೈ-ಫೈನ ಪಾಸ್‌ವರ್ಡ್ ಅನ್ನು ನೀವು ನೋಡಬಹುದು.

ವಿಂಡೋಸ್ ಲ್ಯಾಪ್‌ಟಾಪ್‌ನಲ್ಲಿ ವೈ-ಫೈ ಪಾಸ್‌ವರ್ಡ್ ವೀಕ್ಷಿಸುವುದು ಹೇಗೆ?

ನೀವು ವಿಂಡೋಸ್ ಕಂಪ್ಯೂಟರ್ ಬಳಸುತ್ತಿದ್ದರೆ, ಅದರಲ್ಲಿ ನಿಮ್ಮ ವೈ-ಫೈ ಪಾಸ್‌ವರ್ಡ್ ಅನ್ನು ವೀಕ್ಷಿಸಬಹುದು. ಆದಾಗ್ಯೂ, ನಿಮ್ಮ ಲ್ಯಾಪ್‌ಟಾಪ್ ಅನ್ನು ಮೊದಲೇ ವೈ-ಫೈಗೆ ಸಂಪರ್ಕಿಸಬೇಕು.

• ನೀವು ಕಂಟ್ರೋಲ್ ಪಾನೆಲ್​ನಲ್ಲಿ ಪಾಸ್‌ವರ್ಡ್ ವೀಕ್ಷಿಸಬಹುದು.
• ಮೊದಲನೆಯದಾಗಿ, ನೀವು ಕಂಟ್ರೋಲ್ ಪಾನೆಲ್​ ತೆರೆಯಬೇಕು.
• ನಂತರ ನೆಟ್‌ವರ್ಕ್ ಮತ್ತು ಇಂಟರ್ನೆಟ್ ಮೇಲೆ ಕ್ಲಿಕ್ ಮಾಡಿ.
• ಇಲ್ಲಿ ನೀವು ನೆಟ್‌ವರ್ಕ್ ಮತ್ತು ಶೇರಿಂಗ್ ಸೆಂಟರ್ ತೆರೆಯಬೇಕು.
• ನಿಮ್ಮ ವೈ-ಫೈ ನೆಟ್‌ವರ್ಕ್ ಹೆಸರಿನ ಮೇಲೆ ಕ್ಲಿಕ್ ಮಾಡಿ.
• ನೀವು ವೈರ್‌ಲೆಸ್ ಪ್ರಾಪರ್ಟೀಸ್ ಅನ್ನು ಆಯ್ಕೆ ಮಾಡಬೇಕಾಗುತ್ತದೆ. ನಂತರ, “ಸೆಕ್ಯುರಿಟಿ” ಟ್ಯಾಬ್‌ಗೆ ಹೋಗಿ ಮತ್ತು “ಶೋ ಟೆಕ್ಸ್ಟ್” ಅನ್ನು ಟಿಕ್ ಮಾಡಿ. ನಿಮ್ಮ ವೈ-ಫೈ ಪಾಸ್‌ವರ್ಡ್ ಪ್ರದರ್ಶಿಸಲ್ಪಡುತ್ತದೆ.

ಈ ವಿಧಾನವು ಲ್ಯಾಪ್‌ಟಾಪ್‌ಗಳಲ್ಲಿಯೂ ಸಹ ಕಾರ್ಯನಿರ್ವಹಿಸುತ್ತದೆ

• ಅಡ್ಮಿನಿಸ್ಟ್ರೇಟರ್ ಕಮಾಂಡ್ ಪ್ರಾಂಪ್ಟ್ ತೆರೆಯಿರಿ.
• ಇದನ್ನು ಮಾಡಲು, ಸ್ಟಾರ್ಟ್ ಬಟನ್ ಮೇಲೆ ಕ್ಲಿಕ್ ಮಾಡಿ, ನಂತರ ವಿಂಡೋಸ್ ಬಟನ್ ಒತ್ತಿ ಮತ್ತು CMD ಎಂದು ಟೈಪ್ ಮಾಡಿ.
• ಈಗ ನೀವು netsh wlan show profiles ಎಂದು ಟೈಪ್ ಮಾಡಬೇಕು.
• ಇದು ನಿಮ್ಮ ಕಂಪ್ಯೂಟರ್‌ನಲ್ಲಿ ಉಳಿಸಲಾದ ಎಲ್ಲಾ ನೆಟ್‌ವರ್ಕ್‌ಗಳ ಪಟ್ಟಿಯನ್ನು ನಿಮಗೆ ತೋರಿಸುತ್ತದೆ.
• ಮುಂದೆ, netsh wlan show profile name=”NETWORK_NAME” key=clear ಆಜ್ಞೆಯನ್ನು ಟೈಪ್ ಮಾಡಿ.
• ಇಲ್ಲಿ, NETWORK_NAME ಬದಲಿಗೆ ನಿಮ್ಮ Wi-Fi ನೆಟ್‌ವರ್ಕ್ ಹೆಸರನ್ನು ನಮೂದಿಸಿ.
• ನಿಮ್ಮ ಪಾಸ್‌ವರ್ಡ್ ‘ಕೀ ಕಂಟೆಂಟ್’ ಮುಂದೆ ಬರೆಯಲ್ಪಟ್ಟಿರುವುದನ್ನು ನೀವು ಕಾಣಬಹುದು.

ಆಂಡ್ರಾಯ್ಡ್‌ನಲ್ಲಿ ವೈ-ಫೈ ಪಾಸ್‌ವರ್ಡ್ ಅನ್ನು ಹೇಗೆ ಪರಿಶೀಲಿಸುವುದು?

ಆಂಡ್ರಾಯ್ಡ್ ಫೋನ್‌ಗಳು ಸೇವ್ ಮಾಡಿದ ವೈ-ಫೈ ಪಾಸ್‌ವರ್ಡ್‌ಗಳನ್ನು ನೇರವಾಗಿ ಪ್ರದರ್ಶಿಸುವುದಿಲ್ಲ. ಹೊಸ ಆವೃತ್ತಿಗಳು QR ಕೋಡ್‌ಗಳ ಮೂಲಕ ಪಾಸ್‌ವರ್ಡ್‌ಗಳನ್ನು ಹಂಚಿಕೊಳ್ಳಲು ನಿಮಗೆ ಅವಕಾಶ ನೀಡುತ್ತವೆ.

• ಇದನ್ನು ಮಾಡಲು, ‘ಸೆಟ್ಟಿಂಗ್ಸ್’ ಗೆ ಹೋಗಿ. ನಂತರ ‘ನೆಟ್‌ವರ್ಕ್ ಮತ್ತು ಇಂಟರ್ನೆಟ್’ ಮೇಲೆ ಟ್ಯಾಪ್ ಮಾಡಿ.
• ನಂತರ ‘ಇಂಟರ್ನೆಟ್’ ಗೆ ಹೋಗಿ. ನಿಮ್ಮ ವೈ-ಫೈ ನೆಟ್‌ವರ್ಕ್ ಹೆಸರನ್ನು ಟ್ಯಾಪ್ ಮಾಡಿ ಮತ್ತು ನಂತರ ‘ಶೇರಿಂಗ್’ ಟ್ಯಾಪ್ ಮಾಡಿ.
• ಇಲ್ಲಿ ಒಂದು QR ಕೋಡ್ ಕಾಣಿಸುತ್ತದೆ, ಅದರ ಕೆಳಗೆ ನಿಮ್ಮ ಪಾಸ್‌ವರ್ಡ್ ಕಾಣಿಸುತ್ತದೆ.