ಪತ್ತನಂತಿಟ್ಟ: ಈಗ ಮಂಡಲಕಾಲ. ಭಾರತದಾದ್ಯಂತದ ಭಕ್ತರು ಶಬರಿಮಲೆಗೆ ಅಯ್ಯಪ್ಪ ದರ್ಶನಕ್ಕೆ ದೇವಾಲಯವನ್ನು ತಲುಪಲು ಬೆಟ್ಟವನ್ನೇರಿ ದೌಡಾಯಿಸುತ್ತಾರೆ. ಈ ವರ್ಷದ ಮಂಡಲ ಪೂಜೆಯ ಆರಂಭದಲ್ಲಿ ಶಬರಿಮಲೆ ತುಂಬಾ ಜನದಟ್ಟಣೆಯಿಂದ ಕೂಡಿ ಗೊಂದಲ ಸೃಷ್ಟಿಯಾಗಿತ್ತು. ದರ್ಶನ ಮತ್ತು ಕಾಣಿಕೆಗಳ ನಂತರ, ಶಬರಿಮಲೆ ತಲುಪುವವರಲ್ಲಿ ಹೆಚ್ಚಿನವರು ಬೇರೆ ಏನನ್ನಾದರೂ ಮಾಡುತ್ತಾರೆ. ಅದು ಆಚರಣೆ ಅಥವಾ ಕಾಣಿಕೆ ಅಲ್ಲ. ಶಬರಿಮಲೆ ಅಂಚೆ ಕಚೇರಿಯಿಂದ ತಮ್ಮ ಹೆಸರಿನಲ್ಲಿ, ಕುಟುಂಬದಲ್ಲಿ ಯಾರೊಬ್ಬರ ಹೆಸರಿನಲ್ಲಿ ಅಥವಾ ಅವರ ಸ್ನೇಹಿತರ ಹೆಸರಿನಲ್ಲಿ ಪತ್ರವನ್ನು ಕಳುಹಿಸುವುದು. ಏಕೆಂದರೆ, ಭಾರತದಲ್ಲಿ ತಮ್ಮದೇ ಸ್ವಂತ ಪಿನ್ ಕೋಡ್ ಇರುವ ವಿರಳಾತಿ ವಿರಳ ಹೆಸರುಗಳಲ್ಲಿ ಶಬರಿಮಲೆ ಶ್ರೀಧರ್ಮಶಾಸ್ತ ಒಬ್ಬ. ಅದು ಸ್ವಂತ ಪಿನ್ ಕೋಡ್ ಮತ್ತು ಮುದ್ರೆಯನ್ನು ಹೊಂದಿರುವಂತದ್ದು.! ಇಂತಹ ಗೌರವ ಹೊಂದಿರುವುದು ಶ್ರೀಅಯ್ಯಪ್ಪನ ಬಳಿಕ ಭಾರತದ ರಾಷ್ಟ್ರಪತಿಗಳಿಗೆ.
ಅಯ್ಯಪ್ಪ ಸ್ವಾಮಿಯ ಪಿನ್ ಕೋಡ್ 689 713. ಇದು ಸನ್ನಿಧಾನದಲ್ಲಿ ಕಾರ್ಯನಿರ್ವಹಿಸುವ ಅಂಚೆ ಕಚೇರಿಯ ಪಿನ್ ಕೋಡ್ ಆಗಿದೆ.
ಅಯ್ಯಪ್ಪ ಸ್ವಾಮಿಯ ಅಂಚೆ ಚೀಟಿಯೂ ವಿಶಿಷ್ಟವಾಗಿದೆ. ಅಂಚೆ ಚೀಟಿಯಲ್ಲಿ ಹದಿನೆಂಟನೇ ಮೆಟ್ಟಿಲು ಮತ್ತು ಅದರ ಮೇಲೆ ಅಯ್ಯಪ್ಪನ ವಿಗ್ರಹ ಕೆತ್ತಲಾಗಿದೆ.
ಅಂಚೆ ಇಲಾಖೆಯು ದೇಶದಲ್ಲಿ ಬೇರೆಲ್ಲಿಯೂ ಇಂತಹ ಪ್ರತ್ಯೇಕ ಅಂಚೆಚೀಟಿಗಳನ್ನು ಬಳಸುವುದಿಲ್ಲ. ಹಬ್ಬದ ಋತುವಿನ ನಂತರ, ಅಂಚೆ ಚೀಟಿಯನ್ನು ಪತ್ತನಂತಿಟ್ಟ ಅಂಚೆ ಅಧೀಕ್ಷಕರ ಕಚೇರಿಯ ಲಾಕರ್ನಲ್ಲಿ ಇರಿಸಲಾಗುತ್ತದೆ. ದೇಶದಲ್ಲಿ 1,54,500 ಪಿನ್ ಕೋಡ್ಗಳಿವೆ. ರಾಷ್ಟ್ರಪತಿಗಳ ಪಿನ್ ಕೋಡ್ 110004. ಇದು ರಾಷ್ಟ್ರಪತಿ ಭವನದ ಅಂಚೆ ಉಪ ಕಚೇರಿ.
ಸನ್ನಿಧಾನಂ ಅಂಚೆ ಕಚೇರಿ ವರ್ಷಕ್ಕೆ 76 ದಿನಗಳು ಕಾರ್ಯನಿರ್ವಹಿಸುತ್ತದೆ. ಅನೇಕ ಯಾತ್ರಿಕರು ಪ್ರತಿದಿನ ಸನ್ನಿಧಾನಂ ಅಂಚೆ ಕಚೇರಿಗೆ ಭೇಟಿ ನೀಡಿ ಈ ಮುದ್ರೆಯನ್ನು ಹೊಂದಿರುವ ಪತ್ರಗಳನ್ನು ತಮ್ಮ ಮನೆಗಳಿಗೆ ಮತ್ತು ಪ್ರೀತಿಪಾತ್ರರಿಗೆ ಕಳುಹಿಸುತ್ತಾರೆ. ಶಬರಿಮಲೆಗೆ ಭೇಟಿ ನೀಡುವ ಹೆಚ್ಚಿನ ಭಕ್ತರು ಈ ಅಂಚೆ ಕಚೇರಿಗೆ ಭೇಟಿ ನೀಡುತ್ತಾರೆ.
ಭಗವಾನ್ ಅಯ್ಯಪ್ಪ ಸನ್ನಿಧಾನಂ ಅಂಚೆ ಕಚೇರಿ ಮೂಲಕ ಅನೇಕ ಪತ್ರಗಳನ್ನು ಕಳಿಸಲಾಗುತ್ತದೆ. ಪ್ರಪಂಚದ ವಿವಿಧ ಭಾಗಗಳಿಂದ ಅಯ್ಯಪ್ಪ ಸ್ವಾಮಿಯ ಹೆಸರಿನಲ್ಲೂ ಪತ್ರಗಳು ಬರುತ್ತವೆ. ಹೆಚ್ಚಿನ ಪತ್ರಗಳು ವೈಯಕ್ತಿಕ ವಿಷಯಗಳಿಗೆ ಮತ್ತು ಜೀವನದ ದುಃಖಗಳನ್ನು ಹಂಚಿಕೊಳ್ಳಲು ಬರುತ್ತವೆ. ಮನೆಯಿಂದ ವೈಯಕ್ತಿಕ ವಿವರಗಳನ್ನು ಹಂಚಿಕೊಳ್ಳುವ ಪತ್ರಗಳು ಸಹ ಇಲ್ಲಿಗೆ ಬರುತ್ತವೆ. ಹೆಚ್ಚಿನ ಪತ್ರಗಳು ತಮಿಳುನಾಡು ಮತ್ತು ಆಂಧ್ರಪ್ರದೇಶ ರಾಜ್ಯಗಳಿಂದ ಬರುತ್ತವೆ. ಅಯ್ಯಪ್ಪ ಸ್ವಾಮಿಗೆ ಪತ್ರಗಳು ಮತ್ತು ಕಾಣಿಕೆ ಸೂಚನೆ ಸಲ್ಲಿಸಿದ ನಂತರ, ಅವುಗಳನ್ನು ದೇವಸ್ವಂ ಕಾರ್ಯನಿರ್ವಾಹಕ ಅಧಿಕಾರಿಗೆ ಹಸ್ತಾಂತರಿಸಲಾಗುತ್ತದೆ.
DOCTYPE html>
.png)
