ಶಾಲಾ ಛಾವಣಿಗಳು ಸೋರುತ್ತಿರುವಾಗ ಕೇರಳ ಸರ್ಕಾರ ಪಿಎಂ ಶ್ರೀ ಯೋಜನೆಯನ್ನು ತಿರಸ್ಕರಿಸಿದ್ದು ತಪ್ಪು': ಶಶಿ ತರೂರ್

ತಿರುವನಂತಪುರಂ: ಕಾಂಗ್ರೆಸ್ ನಾಯಕ ಮತ್ತು ಸಂಸದ ಶಶಿ ತರೂರ್ ಅವರು ಪಿಎಂ ಶ್ರೀ ಯೋಜನೆಗೆ ಕೇಂದ್ರ ಸಹಾಯವನ್ನು ತಿರಸ್ಕರಿಸಿದ ರಾಜ್ಯ ಸರ್ಕಾರದ ನಿಲುವನ್ನು ತೀವ್ರವಾಗಿ ಟೀಕಿಸಿದ್ದಾರೆ. ಸರ್ಕಾರ ತನ್ನ ಆದರ್ಶಗಳನ್ನು ಸಾಬೀತುಪಡಿಸಲು ಪ್ರಯತ್ನಿಸುತ್ತಿದೆ ಮತ್ತು ಕೇಂದ್ರ ನಿಧಿಗಳನ್ನು ನಿರಾಕರಿಸುವುದು ತಪ್ಪು ಎಂದು ಅವರು ಹೇಳಿದರು. ದುಬೈನಲ್ಲಿ ನಡೆದ 'ಕೇರಳ ಸಂವಾದ'ದಲ್ಲಿ ತರೂರ್ ಮಾತನಾಡುತ್ತಿದ್ದರು.

'ಇದು ನಮ್ಮ ಹಣ, ನಾವು ಅದನ್ನು ಸ್ವೀಕರಿಸಬೇಕು' ಎಂದು ಹೇಳುತ್ತಾ, ಪಿಎಂ ಶ್ರೀ ಯೋಜನೆಯ ಹೆಸರನ್ನು ಉಲ್ಲೇಖಿಸದೆ ತರೂರ್ ಟೀಕೆ ಎತ್ತಿದರು.

ಕೇರಳದ ಸಮಸ್ಯೆ ಎಂದರೆ ಪ್ರತಿಯೊಂದು ವಲಯದ ರಾಜಕೀಯೀಕರಣ. ಕೇರಳ ಹೂಡಿಕೆದಾರರು ತಮ್ಮ ಜೀವ ಕ್ಯೆಯಲ್ಲಿರಿಸಿ ಬದುಕುವ  ರಾಜ್ಯ. ಹೂಡಿಕೆದಾರರ ಹಕ್ಕುಗಳನ್ನು ರಕ್ಷಿಸಲು ಮತ್ತು ಹರತಾಳಗಳನ್ನು ತಡೆಯಲು ಕಾನೂನುಗಳು ಇರಬೇಕು ಎಂದು ಅವರು ಹೇಳಿದರು. ಕೇರಳದಲ್ಲಿ ವ್ಯವಹಾರವನ್ನು ಪ್ರಾರಂಭಿಸಲು ಸರಾಸರಿ 236 ದಿನಗಳು ಬೇಕಾಗುತ್ತದೆ. 75 ಪ್ರತಿಶತ ಸರ್ಕಾರಿ ಕಾರ್ಯವಿಧಾನಗಳನ್ನು ತೆಗೆದುಹಾಕಬೇಕು ಎಂದು ಶಶಿ ತರೂರ್ ಕೂಡ ಹೇಳಿದ್ದಾರೆ.