ಮೊದಲ 15 ದಿನಗಳಲ್ಲಿ ಶಬರಿಮಲೆ ಆದಾಯ 92 ಕೋಟಿ ರೂ.: ಕಳೆದ ವರ್ಷಕ್ಕಿಂತ 33.33 ಶೇ.ಹೆಚ್ಚಳ

ಶಬರಿಮಲೆ: ಮಂಡಲ-ಮಕರ ಬೆಳಕು ಯಾತ್ರೆ ಆರಂಭವಾದ ನಂತರದ ಮೊದಲ 15 ದಿನಗಳಲ್ಲಿ ಶಬರಿಮಲೆಯಲ್ಲಿ ದೇವಸ್ವಂ ಮಂಡಳಿಗೆ ಬಂದ ಒಟ್ಟು ಆದಾಯ 92 ಕೋಟಿ ರೂ.ಗಳು. ಇದು ಕಳೆದ ವರ್ಷದ ಇದೇ ಅವಧಿಗಿಂತ (69 ಕೋಟಿ) ಶೇ.33.33 ರಷ್ಟು ಹೆಚ್ಚು. ನವೆಂಬರ್ 30 ರವರೆಗಿನ ಅಂಕಿ ಅಂಶ ಇದು.

ಅರವಣ ಮಾರಾಟದಿಂದ (47 ಕೋಟಿ) ಹೆಚ್ಚಿನ ಆದಾಯ ಬಂದಿದೆ. ಕಳೆದ ವರ್ಷ, ಮೊದಲ 15 ದಿನಗಳಲ್ಲಿ ಇದು 32 ಕೋಟಿ ರೂ.ಗಳಷ್ಟಿತ್ತು. ಶೇ.46.86 ರಷ್ಟು ಹೆಚ್ಚಳವಾಗಿದೆ.

ಅಪ್ಪ ಮಾರಾಟದಿಂದ ಇದುವರೆಗೆ 3.5 ಕೋಟಿ ರೂ.ಗಳು ಬಂದಿವೆ. ಕಳೆದ ವರ್ಷವೂ ಅದೇ ಮೊತ್ತ ಬಂದಿತ್ತು. ಈ ಋತುವಿನಲ್ಲಿ ಇತರ ಕಾಣಿಕೆಗಳಿಂದ ಬಂದ ಆದಾಯ 26 ಕೋಟಿ ರೂ.ಗಳು. ಕಳೆದ ವರ್ಷ, ಇದೇ ಸಮಯದಲ್ಲಿ 22 ಕೋಟಿ ರೂ.ಗಳು (ಶೇ. 18.18 ರಷ್ಟು ಹೆಚ್ಚಳ) ಸಲ್ಲಿಕೆಯಾಗಿದೆ. ಈ ಋತುವಿನಲ್ಲಿ ನವೆಂಬರ್ 30 ರವರೆಗೆ ಸುಮಾರು 13 ಲಕ್ಷ ಯಾತ್ರಿಕರು ಶಬರಿಮಲೆ ಭೇಟಿ ನೀಡಿದ್ದಾರೆ.