ಸ್ಥಳೀಯಾಡಳಿತ ಚುನಾವಣೆ-2025: ಚುನಾವಣಾ ಮಾರ್ಗದರ್ಶಿ ಬಿಡುಗಡೆ

ಕಾಸರಗೋಡು: ಸ್ಥಳೀಯಾಡಳಿತ ಚುನಾವಣೆಗಳಿಗೆ ಮುಂಚಿತವಾಗಿ, ಮಾಹಿತಿ ಸಾರ್ವಜನಿಕ ಸಂಪರ್ಕ ಇಲಾಖೆ, ಕಾಸರಗೋಡು ಜಿಲ್ಲಾ ಮಾಹಿತಿ ಕಚೇರಿ, ಜಿಲ್ಲಾ ಚುನಾವಣಾ ವಿಭಾಗ ಮತ್ತು ಎಲ್.ಇ.ಎ.ಪಿ. ಕೇರಳ ಬಿಡುಗಡೆ ಮಾಡಿದ ಚುನಾವಣಾ ಮಾರ್ಗದರ್ಶಿಯನ್ನು ಜಿಲ್ಲಾ ಚುನಾವಣಾ ಅಧಿಕಾರಿ ಜಿಲ್ಲಾಧಿಕಾರಿ ಕೆ ಇನ್ಭಾಶೇಖರ್ ಬಿಡುಗಡೆ ಮಾಡಿದರು. ಜಿಲ್ಲಾಧಿಕಾರಿಗಳ ಕೊಠಡಿಯಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಎಡಿಎಂ ಪಿ ಅಖಿಲ್, ಸ್ಥಳೀಯಾಡಳಿತ ಲಾಖೆಯ ಜಂಟಿ ನಿರ್ದೇಶಕ ಆರ್ ಶೈನಿ, ಚುನಾವಣಾ ಉಪ ಕಲೆಕ್ಟರ್ ಎ ಎನ್ ಗೋಪಕುಮಾರ್, ಜಿಲ್ಲಾ ಕಾನೂನು ಅಧಿಕಾರಿ ಎಸ್ ಎನ್ ಶಶಿಕುಮಾರ್, ಜಿಲ್ಲಾ ಮಾಹಿತಿ ಅಧಿಕಾರಿ ಎಂ ಮಧುಸೂದನನ್, ಸ್ಥಳೀಯ ಸರ್ಕಾರಿ ಇಲಾಖೆಯ ಉಪ ನಿರ್ದೇಶಕ ಕೆ ವಿ ಹರಿದಾಸ್ ಮತ್ತು ಪಿಆರ್‍ಡಿ ಸಹಾಯಕ ಸಂಪಾದಕಿ ಎ ಪಿ ದಿಲ್ನಾ ಭಾಗವಹಿಸಿದ್ದರು.

ಸ್ಥಳೀಯಾಡಳಿತ ಸಂಸ್ಥೆಗಳ ಚುನಾವಣೆಗಳ ಮಾದರಿ ನೀತಿ ಸಂಹಿತೆ, ಚುನಾವಣಾ ಅಧಿಕಾರಿಗಳ ವಿವರಗಳು, ಪೋನ್ ಸಂಖ್ಯೆಗಳು, ಮತದಾರರ ಪಟ್ಟಿಗೆ ಸಂಬಂಧಿಸಿದ ವಿವರಗಳು, ಹಸಿರು ನೀತಿ ಸಂಹಿತೆ, ಎಐ ಸೇರಿದಂತೆ ಚುನಾವಣಾ ಪ್ರಚಾರಗಳ ಮೇಲ್ವಿಚಾರಣೆ, ಜಿಲ್ಲಾ ಮಟ್ಟದ ಮೇಲ್ವಿಚಾರಣಾ ಸಮಿತಿ, ಜಿಲ್ಲಾ ಮಟ್ಟದ ಮಾಧ್ಯಮ ಸಂಬಂಧ ಸಮಿತಿ, ಮಾನನಷ್ಟ ವಿರೋಧಿ ತಂಡ, ಮತ ಎಣಿಕೆ, ವಿತರಣಾ ಮತ್ತು ಸ್ವಾಗತ ಕೇಂದ್ರಗಳು ಸೇರಿದಂತೆ ಮಾಹಿತಿ ಮತ್ತು ವಿವರಗಳನ್ನು ಚುನಾವಣಾ ಮಾರ್ಗದರ್ಶಿ ಒದಗಿಸುತ್ತದೆ.