ಮುಖ್ಯಮಂತ್ರಿಗಳ ಮೆಗಾ ರಸಪ್ರಶ್ನೆ-ನಾಳೆ ಜಿಲ್ಲಾ ಮಟ್ಟದ ಸ್ಪರ್ಧೆ

ಕಾಸರಗೋಡು: ಮುಖ್ಯಮಂತ್ರಿಗಳ ಮೆಗಾ ರಸಪ್ರಶ್ನೆ ಯೋಜನೆಯ ಅಂಗವಾಗಿ ಕಾಞಂಗಾಡ್ ಶೈಕ್ಷಣಿಕ ಜಿಲ್ಲಾ ಮಟ್ಟದ ರಸಪ್ರಶ್ನೆ ಸ್ಪರ್ಧೆಯು ಕಾಞಂಗಾಡ್ ದುರ್ಗಾ ಹೈಯರ್ ಸೆಕೆಂಡರಿ ಶಾಲೆಯಲ್ಲಿ ನಡೆಯಿತು. ಕಾಞಂಗಾಡು ಶೈಕ್ಷಣಿಕ ಜಿಲ್ಲೆಯ ವಿವಿಧ ಶಾಲೆಗಳ ತಂಡಗಳು ಸ್ಪರ್ಧಿಸಿದ ಸ್ಪರ್ಧೆಯಲ್ಲಿ ಉತ್ತಮ ಪ್ರದರ್ಶನ ನೀಡಿದ 10 ತಂಡಗಳು ಮುಂದಿನ ಹಂತವಾದ ಜಿಲ್ಲಾ ಮಟ್ಟದ ಸ್ಪರ್ಧೆಗೆ ಅರ್ಹತೆ ಪಡೆದಿವೆ.

ಶಾಲಾ ಮಟ್ಟದಲ್ಲಿ ನಡೆದ ಪ್ರಾಥಮಿಕ ಸುತ್ತಿನಲ್ಲಿ, ಪ್ರತಿ ಶಾಲೆಯಿಂದ ಮೊದಲ ಎರಡು ತಂಡಗಳನ್ನು ಸ್ಪರ್ಧೆಗೆ ಆಯ್ಕೆ ಮಾಡಲಾಯಿತು.  ನೀಲೇಶ್ವರಂ ರಾಜಸ್ ಎಚ್.ಎಸ್.ಎಸ್., ಪಾಕ ಜಿ.ಎಚ್.ಎಸ್.ಎಸ್., ಅಟ್ಟೆಂಗಾನಂ ಜಿ.ಎಚ್.ಎಸ್.ಎಸ್., ಚೀಮೇನಿ ಜಿ.ಎಚ್.ಎಸ್.ಎಸ್. (ಎರಡು ತಂಡಗಳು), ಉದಿನೂರ್ ಜಿ.ಎಚ್.ಎಸ್.ಎಸ್., ಉದುಮ ಜಿ.ಎಚ್.ಎಸ್.ಎಸ್., ಜಿ.ಸಿ.ಎಸ್. ಎಲಂಬಾಚಿ ಜಿ.ಎಚ್.ಎಸ್.ಎಸ್., ಕಕ್ಕತ್ ಜಿ.ಎಚ್.ಎಸ್.ಎಸ್., ಮತ್ತು ಮಡಿಕೈ ಜಿ.ಎಚ್.ಎಸ್.ಎಸ್.ಗಳನ್ನು ಜಿಲ್ಲಾ ಮಟ್ಟಕ್ಕೆ ಆಯ್ಕೆ ಮಾಡಲಾಯಿತು.

ಸ್ಪರ್ಧೆಯಲ್ಲಿ ನಾಲ್ಕು ಶಾಲೆಗಳ ಅಂಕ ಸಮಬಲ ಸಾಧಿಸಿದ ಹಿನ್ನೆಲೆಯಲ್ಲಿ ವಿಜೇತರನ್ನು ನಿರ್ಧರಿಸಲು ಟೈ ಬ್ರೇಕರ್ ಸುತ್ತನ್ನು ನಡೆಸಲಾಯಿತು. ಇದರಿಂದ, ಅತ್ಯುತ್ತಮ ಪ್ರದರ್ಶನ ನೀಡಿದ ಮೂರು ಶಾಲೆಗಳನ್ನು ಮುಂದಿನ ಸುತ್ತಿಗೆ ಆಯ್ಕೆ ಮಾಡಲಾಯಿತು. ಪ್ರಮುಖ ರಸಪ್ರಶ್ನೆ ಮಾಸ್ಟರ್ ಕೆ.ವಿ. ಜಯನ್ ಸ್ಪರ್ಧೆ ನಡೆಸಿಕೊಟ್ಟರು. ಅರ್ಹ ತಂಡಗಳು ಭಾಗವಹಿಸುವ ಜಿಲ್ಲಾ ಮಟ್ಟದ ಸ್ಪರ್ಧೆ ಜನವರಿ 28 ರಂದು ನಡೆಯಲಿದೆ.