ಕಡಲಕಳೆ ಉತ್ಪಾದನೆ ಮೂರು ಪಟ್ಟು ಹೆಚ್ಚಳ: ಕೇಂದ್ರ ಸಚಿವ ಜಾರ್ಜ್ ಕುರಿಯನ್

ಕೊಚ್ಚಿ: ಕಳೆದ ಹತ್ತು ವರ್ಷಗಳಲ್ಲಿ ದೇಶದ ಕಡಲಕಳೆ ಉತ್ಪಾದನೆ ಸುಮಾರು ಮೂರು ಪಟ್ಟು ಹೆಚ್ಚಾಗಿದೆ ಎಂದು ಕೇಂದ್ರ ಮೀನುಗಾರಿಕೆ ರಾಜ್ಯ ಸಚಿವ ಜಾರ್ಜ್ ಕುರಿಯನ್ ಹೇಳಿದ್ದಾರೆ. ಕೇಂದ್ರ ಸಮುದ್ರ ಮೀನುಗಾರಿಕೆ ಸಂಶೋಧನಾ ಸಂಸ್ಥೆಯಲ್ಲಿ (ಅಒಈಖI) 7 ನೇ ಭಾರತ ಅಂತರರಾಷ್ಟ್ರೀಯ ಕಡಲಕಳೆ ಶೃಂಗಸಭೆ ಮತ್ತು ಪ್ರದರ್ಶನವನ್ನು ನಿನ್ನೆ ಆನ್‍ಲೈನ್‍ನಲ್ಲಿ ಉದ್ಘಾಟಿಸಿ ಸಚಿವರು ಮಾತನಾಡುತ್ತಿದ್ದರು. 

ಇದು 2015 ರಲ್ಲಿ 18,890 ಟನ್‍ಗಳಿಂದ 2024 ರಲ್ಲಿ 74,083 ಟನ್‍ಗಳಿಗೆ ಹೆಚ್ಚಾಗಿದೆ. ಕಡಲಕಳೆ ಕೃಷಿ ಮತ್ತು ಸಂಬಂಧಿತ ಕೈಗಾರಿಕೆಗಳನ್ನು ದೊಡ್ಡ ಪ್ರಮಾಣದಲ್ಲಿ ವಿಸ್ತರಿಸಲು ಕ್ರಮಗಳಿರುತ್ತವೆ. ಕರಾವಳಿ ಅಭಿವೃದ್ಧಿ ಮತ್ತು ಸುಸ್ಥಿರ ಜೀವನೋಪಾಯದಲ್ಲಿ ಕಡಲಕಳೆ ಕೃಷಿ ನಿರ್ಣಾಯಕ ಪಾತ್ರ ವಹಿಸುತ್ತದೆ ಎಂದು ಕೇಂದ್ರ ಸಚಿವರು ಹೇಳಿದರು.

ರಾಷ್ಟ್ರೀಯ ಮೀನುಗಾರಿಕೆ ಅಭಿವೃದ್ಧಿ ಮಂಡಳಿ (ಓಈಆಃ) ಮುಖ್ಯ ಕಾರ್ಯನಿರ್ವಾಹಕ ಡಾ. ಬಿ.ಕೆ. ಬೆಹೆರಾ ಎರಡು ದಿನಗಳ ಎಕ್ಸ್‍ಪೆÇೀ ಮತ್ತು ಶೃಂಗಸಭೆಯ ಅಧ್ಯಕ್ಷತೆ ವಹಿಸಿದ್ದರು. ಎರಡು ದಿನಗಳ ಪ್ರದರ್ಶನ ಮತ್ತು ಶೃಂಗಸಭೆಯನ್ನು ಭಾರತೀಯ ವಾಣಿಜ್ಯ ಮಂಡಳಿ, ಅಒಈಖI ಮತ್ತು ಸೆಂಟ್ರಲ್ ಸಾಲ್ಟ್ ಮೆರೈನ್ ಕೆಮಿಕಲ್ಸ್ ಸಂಶೋಧನಾ ಸಂಸ್ಥೆ ಜಂಟಿಯಾಗಿ ಆಯೋಜಿಸಿವೆ.

ಕೈಗಾರಿಕಾ ಅವಕಾಶಗಳಿಗೆ ತೆರೆದ ಪ್ರದರ್ಶನ 

ಪ್ರದರ್ಶನದ ಪ್ರಮುಖ ಆಕರ್ಷಣೆಯೆಂದರೆ ಕಡಲಕಳೆಯಿಂದ ತಯಾರಿಸಿದ ವ್ಯಾಪಕ ಶ್ರೇಣಿಯ ಉತ್ಪನ್ನಗಳ ಪ್ರದರ್ಶನ. ಪೌಷ್ಟಿಕಾಂಶದ ಪುಡಿ, ಜಾಮ್, ಪಕೋಡಾಗಳು ಮತ್ತು ಸಾಸ್‍ಗಳಂತಹ ಕಡಲಕಳೆಯಿಂದ ತಯಾರಿಸಿದ ವಿವಿಧ ಆಹಾರ ಉತ್ಪನ್ನಗಳು ಗಮನ ಸೆಳೆದವು. ಕಡಲಕಳೆ ಸೋಪ್‍ಗಳು, ಏರ್ ಫ್ರೆಶ್ನರ್ ಜೆಲ್‍ಗಳು, ಸಾವಯವ ಗೊಬ್ಬರಗಳು, ಕರಕುಶಲ ವಸ್ತುಗಳು, ಸೌಂದರ್ಯ ಉತ್ಪನ್ನಗಳು ಮತ್ತು ಪೌಷ್ಟಿಕಾಂಶಗಳಂತಹ ಅನೇಕ ಕಡಲಕಳೆ ಉತ್ಪನ್ನಗಳ ಪ್ರದರ್ಶನವು ಈ ಕ್ಷೇತ್ರದಲ್ಲಿ ಕೈಗಾರಿಕಾ ನವೋದ್ಯಮಗಳ ಸಾಧ್ಯತೆಗಳನ್ನು ಪ್ರಸ್ತುತಪಡಿಸಿತು.

ಯುಎಸ್, ರಷ್ಯಾ, ಆಸ್ಟ್ರೇಲಿಯಾ ಮತ್ತು ಫ್ರಾನ್ಸ್ ಸೇರಿದಂತೆ 10 ಕ್ಕೂ ಹೆಚ್ಚು ದೇಶಗಳ ಪ್ರತಿನಿಧಿಗಳು ಶೃಂಗಸಭೆಯಲ್ಲಿ ಭಾಗವಹಿಸುತ್ತಿದ್ದಾರೆ.

ಡಾ. ಜೆ.ಕೆ. ಜೆನಾ, ಸಾಗರ್ ಮೆಹ್ರಾ, ಡಾ. ಶೈನ್ ಕುಮಾರ್ ಸಿ.ಎಸ್., ಡಾ. ಕಣ್ಣನ್ ಶ್ರೀನಿವಾಸನ್, ಡಾ. ಗ್ರಿನ್ಸನ್ ಜಾರ್ಜ್, ಡಾ. ಜಾರ್ಜ್ ನೈನನ್, ಡಾ. ಪ್ರದೀಪ್ ಕುಮಾರ್ ಶರ್ಮಾ, ವಿನಯ್ ಜೇಮ್ಸ್ ಕೈನಾಡಿ ಮತ್ತು ಡಾ. ಬಿ. ಜಾನ್ಸನ್ ಮಾತನಾಡಿದರು. ಶೃಂಗಸಭೆ ಇಂದು (ಶುಕ್ರವಾರ) ಮುಕ್ತಾಯಗೊಳ್ಳಲಿದೆ.