ಗೂಗಲ್ ಫೈಂಡ್ ಮೈ ಡಿವೈಸ್ ನೆಟ್‍ವರ್ಕ್‍ನಲ್ಲಿ ಭಾರತದ ಮೊದಲ ಟ್ರ್ಯಾಕರ್; ಜಿಯೋಟ್ಯಾಗ್ ಗೋ ಬಿಡುಗಡೆ

ಜಿಯೋ ಗೂಗಲ್‍ನ ಫೈಂಡ್ ಮೈ ಡಿವೈಸ್ ನೆಟ್‍ವರ್ಕ್‍ನಲ್ಲಿ ಸರಾಗವಾಗಿ ಕಾರ್ಯನಿರ್ವಹಿಸುವ ಭಾರತದ ಮೊದಲ ಟ್ರ್ಯಾಕರ್ ಸಾಧನವನ್ನು ಬಿಡುಗಡೆ ಮಾಡಿದೆ. ಜಿಯೋಟ್ಯಾಗ್ ಎಂದು ಹೆಸರಿಸಲಾದ ಈ ಸಾಧನವು ಕೇವಲ ಒಂದು ನಾಣ್ಯದ ಗಾತ್ರದ್ದಾಗಿದೆ. ಇದನ್ನು ಗೂಗಲ್‍ನ ಫೈಂಡ್ ಮೈ ಡಿವೈಸ್ ಅಪ್ಲಿಕೇಶನ್‍ಗೆ ಸಂಪರ್ಕಿಸುವ ಮೂಲಕ ನಿರ್ವಹಿಸಬಹುದು. 

ಜಿಯೋಟ್ಯಾಗ್ ಸಹಾಯದಿಂದ, ಬಳಕೆದಾರರು ಕೀಗಳು, ವ್ಯಾಲೆಟ್‍ಗಳು, ಸಾಮಾನುಗಳು, ವಾಹನಗಳು ಮತ್ತು ಸಾಕುಪ್ರಾಣಿಗಳು ಸೇರಿದಂತೆ ಯಾವುದೇ ಮೌಲ್ಯಯುತವಾದದ್ದನ್ನು ಟ್ರ್ಯಾಕ್ ಮಾಡಬಹುದು. ಅವು ಕಾಣೆಯಾದರೆ, ಅವುಗಳನ್ನು ಗೂಗಲ್ ಫೈಂಡ್ ಮೈ ಡಿವೈಸ್ ಅಪ್ಲಿಕೇಶನ್‍ನ ಸಹಾಯದಿಂದ ಕಂಡುಹಿಡಿಯಬಹುದು.

ಜಿಯೋಟ್ಯಾಗ್ ಗೋ ಹತ್ತಿರದ ಆಂಡ್ರಾಯ್ಡ್ ಸಾಧನಗಳಿಗೆ ಸಂಪರ್ಕಿಸುವ ಮೂಲಕ ಕಾರ್ಯನಿರ್ವಹಿಸುತ್ತದೆ. ಇದನ್ನು ಜಗತ್ತಿನ ಎಲ್ಲಿಂದಲಾದರೂ ಟ್ರ್ಯಾಕ್ ಮಾಡಬಹುದು.

ಜಿಯೋಟ್ಯಾಗ್ ಗೋ ಆನ್‍ಲೈನ್ ಮತ್ತು ಆಫ್‍ಲೈನ್‍ನಲ್ಲಿ ವಿವಿಧ ಬಣ್ಣಗಳಲ್ಲಿ ಲಭ್ಯವಿರುತ್ತದೆ. ಜಿಯೋಟ್ಯಾಗ್ ಗೋ ಅನ್ನು ಅಮೆಜಾನ್ ಮತ್ತು ಜಿಯೋಮಾರ್ಟ್‍ನಿಂದ ರೂ. 1499 ಗೆ ಖರೀದಿಸಬಹುದು.

ಜಿಯೋ ಈ ಹಿಂದೆ ಆಪಲ್‍ನ ಫೈಂಡ್ ಮೈ ನೆಟ್‍ವರ್ಕ್‍ನಲ್ಲಿ ಕಾರ್ಯನಿರ್ವಹಿಸುವ ಜಿಯೋಟ್ಯಾಗ್ ಏರ್ ಎಂಬ ಟ್ರ್ಯಾಕಿಂಗ್ ಸಾಧನವನ್ನು ಬಿಡುಗಡೆ ಮಾಡಿದೆ. ಆಪಲ್‍ನ ಏರ್‍ಟ್ಯಾಗ್ ಸಹ ಅದೇ ನೆಟ್‍ವರ್ಕ್‍ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಜಿಯೋಟ್ಯಾಗ್ ಗೋ ಆಗಮನದೊಂದಿಗೆ, ಆಂಡ್ರಾಯ್ಡ್ ಬಳಕೆದಾರರು ತಮ್ಮ ಸ್ಮಾರ್ಟ್ ಪೋನ್‍ಗಳನ್ನು ಬಳಸಿಕೊಂಡು ಜಿಯೋಟ್ಯಾಗ್‍ಗೆ ಸಂಪರ್ಕಗೊಂಡಿರುವ ವಸ್ತುಗಳನ್ನು ಟ್ರ್ಯಾಕ್ ಮಾಡಲು ಸಾಧ್ಯವಾಗುತ್ತದೆ.