ಸೋಮವಾರ ರಾಜ್ಯ ಮಟ್ಟದ ಕೇರ ಯೋಜನೆ ಉದ್ಘಾಟನೆ; 2365 ಕೋಟಿ ರೂ. ಚಟುವಟಿಕೆಗಳ ಗುರಿ

ತಿರುವನಂತಪುರಂ: ಸೋಮವಾರ ಮಧ್ಯಾಹ್ನ 3 ಗಂಟೆಗೆ ಕೇರ ಯೋಜನೆಯ ರಾಜ್ಯ ಮಟ್ಟದ ಉದ್ಘಾಟನೆಯನ್ನು ಕೃಷಿ ಸಚಿವ ಪಿ. ಪ್ರಸಾದ್ ನೆರವೇರಿಸಲಿದ್ದಾರೆ. ಉದ್ಘಾಟನಾ ಸಮಾರಂಭವು ಚೇರ್ತಲಾ ಕೇರ ಸಭಾಂಗಣದಲ್ಲಿ ನಡೆಯಲಿದೆ. ಕೇರ (ಕೇರಳ ಹವಾಮಾನ ಸಂತ್ರಸ್ಥ  ಕೃಷಿ ಮೌಲ್ಯವರ್ಧಿತ ಮಾರ್ಕೆಟಿಂಗ್ ನೆಟ್‍ವರ್ಕ್ ಇನ್ನೋವೇಶನ್) ರಾಜ್ಯದ ಕೃಷಿ ವಲಯದಲ್ಲಿ ಹವಾಮಾನ ಸ್ನೇಹಿ ಕೃಷಿ ವಿಧಾನಗಳನ್ನು ಉತ್ತೇಜಿಸಲು ಮತ್ತು ಸಂಬಂಧಿತ ಕೃಷಿ ವಲಯವನ್ನು ಆಧುನೀಕರಿಸಲು ವಿಶ್ವ ಬ್ಯಾಂಕಿನ ಸಹಾಯದಿಂದ ರಾಜ್ಯ ಕೃಷಿ ಇಲಾಖೆಯು ಜಾರಿಗೆ ತಂದಿರುವ ಯೋಜನೆಯಾಗಿದೆ. 

ಕೃಷಿ ಮೌಲ್ಯ ಸರಪಳಿಯನ್ನು ಆಧುನೀಕರಿಸುವ ಮೂಲಕ ಮತ್ತು ರೈತರು ಹವಾಮಾನ ಬದಲಾವಣೆಯಿಂದ ಬದುಕುಳಿಯಲು ಅನುವು ಮಾಡಿಕೊಡುವ ಮೂಲಕ ಏಇಖಂ ಯೋಜನೆಯು ಕೃಷಿ ವಲಯವನ್ನು ಪುನರುಜ್ಜೀವನಗೊಳಿಸುವ ಗುರಿಯನ್ನು ಹೊಂದಿದೆ. ಕೇರಳ ಕೃಷಿ ಅಭಿವೃದ್ಧಿ ನಿರ್ದೇಶನಾಲಯ, ಕೇರಳ ಕೈಗಾರಿಕೆ ಮತ್ತು ವಾಣಿಜ್ಯ ಇಲಾಖೆ, ಪ್ಲಾಂಟೇಶನ್ ಡೈರೆಕ್ಟರೇಟ್, ಕೇರಳ ಕೃಷಿ ವಿಶ್ವವಿದ್ಯಾಲಯ, ಕೇರಳ ಜಲಸಂಪನ್ಮೂಲ ಇಲಾಖೆ, ಕಿನ್ಫ್ರಾ, ಕೇರಳ ಸ್ಟಾ?????ಪ್ ಮಿಷನ್ ಮತ್ತು ಅಂತರರಾಷ್ಟ್ರೀಯ ಅಕ್ಕಿ ಸಂಶೋಧನಾ ಸಂಸ್ಥೆ ಮತ್ತು ಸಿಡಬ್ಲ್ಯೂಆರ್‍ಡಿಎಂನಂತಹ ಸಂಸ್ಥೆಗಳ ತಾಂತ್ರಿಕ ಸಹಕಾರದೊಂದಿಗೆ ಈ ಯೋಜನೆಯನ್ನು ಜಾರಿಗೆ ತರಲಾಗುತ್ತಿದ್ದು, ಐದು ವರ್ಷಗಳ ಅವಧಿಯಲ್ಲಿ ಸುಮಾರು ನಾಲ್ಕು ಲಕ್ಷ ರೈತರಿಗೆ ನೇರವಾಗಿ ಮತ್ತು ಪರೋಕ್ಷವಾಗಿ ಸುಮಾರು ಒಂದು ಮಿಲಿಯನ್ ರೈತರಿಗೆ ಪ್ರಯೋಜನವಾಗಲಿದೆ.

ರಬ್ಬರ್ ಮತ್ತು ಏಲಕ್ಕಿಯ ವಾಣಿಜ್ಯ ಬೆಳೆ ರೈತರಿಗೆ ಮರು ನಾಟಿ ಸಹಾಯದ ವಿತರಣೆ, ಉತ್ಪಾದಕ ಮೈತ್ರಿಗಾಗಿ ಎಫ್‍ಪಿಸಿಗಳು ಮತ್ತು ಎಬಿಪಿಗಳ ನಡುವೆ ಉತ್ಪಾದಕ-ಮಾರುಕಟ್ಟೆ ಮೈತ್ರಿ ಒಪ್ಪಂದಗಳಿಗೆ ಸಹಿ ಹಾಕುವುದು ಮತ್ತು ಎಂಎಸ್‍ಎಂಇ ವೆಬ್ ಪೆÇೀರ್ಟಲ್ ಅನ್ನು ಉದ್ಘಾಟಿಸುವುದು ಉದ್ಘಾಟನೆಯ ಭಾಗವಾಗಿ ನಡೆಯಲಿದೆ. ಈ ಸಮಾರಂಭದ ಅಧ್ಯಕ್ಷತೆಯನ್ನು ಕೈಗಾರಿಕೆ ಮತ್ತು ವಾಣಿಜ್ಯ ಸಚಿವ ಪಿ. ರಾಜೀವ್ ವಹಿಸಲಿದ್ದು, ಮೀನುಗಾರಿಕೆ, ಸಂಸ್ಕøತಿ ಮತ್ತು ಯುವ ಕಲ್ಯಾಣ ಸಚಿವ ಸಾಜಿ ಚೆರಿಯನ್ ಮುಖ್ಯ ಅತಿಥಿಗಳಾಗಿರುತ್ತಾರೆ. ಕೃಷಿ ಮತ್ತು ಸಾಮಾಜಿಕ ವಲಯದ ಪ್ರಮುಖ ವ್ಯಕ್ತಿಗಳು ಈ ಕಾರ್ಯಕ್ರಮದಲ್ಲಿ ಭಾಗವಹಿಸಲಿದ್ದಾರೆ ಎಂದು ಕೆರಾ ಯೋಜನಾ ನಿರ್ದೇಶಕ ಡಾ. ಬಿ. ಅಶೋಕ್ ಘೋಷಿಸಿದ್ದಾರೆ.