ಶಬರಿ ಮಾರ್ಗ: ವೆಚ್ಚದ ಶೇ.50 ಭರಿಸಲು ನಿರ್ಧರಿಸಿದ ರಾಜ್ಯ ಸರ್ಕಾರ: 1900 ಕೋಟಿ ರೂ.ಗಳನ್ನು ಕಿಫ್ಬಿ ಮೂಲಕ ಹಂಚಿಕೆ-ಸಂಪುಟ ಅನುಮೋದನೆ

ತಿರುವನಂತಪುರಂ: ಅಂಗಮಾಲಿ-ಎರುಮೇಲಿ ಶಬರಿ ರೈಲ್ವೆ ಯೋಜನೆಯ ವೆಚ್ಚದ ಐವತ್ತು ಪ್ರತಿಶತವನ್ನು ಭರಿಸಲು ಮತ್ತು ಇದಕ್ಕಾಗಿ 1900 ಕೋಟಿ ರೂ.ಗಳನ್ನು ಕಿಪ್ಭಿ ಮೂಲಕ ಒದಗಿಸಲು ಸಂಪುಟ ಸಭೆ ನಿರ್ಧರಿಸಿದೆ. 

1997-98 ರ ರೈಲ್ವೆ ಬಜೆಟ್‍ನಲ್ಲಿ ಮೊದಲು ಕಲ್ಪಿ ಸಲಾದ ಅಂಗಮಾಲಿ-ಶಬರಿ ರೈಲ್ವೆ ಯೋಜನೆಯು ಕೇರಳದ ಒಟ್ಟಾರೆ ಅಭಿವೃದ್ಧಿ ಮತ್ತು ಗುಡ್ಡಗಾಡು ಪ್ರದೇಶಗಳ ಆರ್ಥಿಕ ಪ್ರಗತಿಗೆ ಅಗತ್ಯವಾದ ಪ್ರಮುಖ ಯೋಜನೆಯಾಗಿದೆ. 110 ಕಿಮೀ ಉದ್ದದ ಈ ರೈಲು ಮಾರ್ಗವು ಶಬರಿಮಲೆ ಯಾತ್ರಿಕರಿಗೆ ಸುರಕ್ಷಿತ ಮತ್ತು ಅನುಕೂಲಕರ ಪ್ರಯಾಣ ಮಾರ್ಗವನ್ನು ಒದಗಿಸುತ್ತದೆ ಮತ್ತು ಎರ್ನಾಕುಲಂ, ಇಡುಕ್ಕಿ ಮತ್ತು ಪತ್ತನಂತಿಟ್ಟ ಜಿಲ್ಲೆಗಳ ಪೂರ್ವ ಗುಡ್ಡಗಾಡು ಪ್ರದೇಶಗಳ ಆರ್ಥಿಕ ಬೆಳವಣಿಗೆಗೆ ಹೆಚ್ಚಿನ ಉತ್ತೇಜನ ನೀಡುತ್ತದೆ. ಈ ಯೋಜನೆ ಪೂರ್ಣಗೊಂಡ ನಂತರ, ರಾಷ್ಟ್ರೀಯ ಹೆದ್ದಾರಿ 66 ರಲ್ಲಿರುವ ಅಂಗಮಲಿ, ಪೆರುಂಬವೂರು, ಮುವಾಟ್ಟುಪುಳ, ತೋಡುಪುಳ ಮತ್ತು ಪಾಲಾದಂತಹ ಪಟ್ಟಣಗಳಿಗೆ ಸುಲಭವಾಗಿ ಸಂಪರ್ಕ ಸಾಧಿಸುತ್ತದೆ.

ಯೋಜನೆಯ ಮೊದಲ ಹಂತದಲ್ಲಿ, 8 ಕಿ.ಮೀ ದೂರದ ಭೂಸ್ವಾಧೀನ ಪೂರ್ಣಗೊಂಡಿದೆ. ಅಂಗಮಲಿಯಿಂದ ಕಾಲಡಿಯವರೆಗಿನ 7 ಕಿ.ಮೀ. ಪ್ರದೇಶದ ನಿರ್ಮಾಣ ಕಾರ್ಯದ ಸುಮಾರು 90 ಪ್ರತಿಶತವು ವರ್ಷಗಳ ಹಿಂದೆಯೇ ಪೂರ್ಣಗೊಂಡಿತ್ತು. ಉಳಿದ ದೂರಕ್ಕೆ ಭೂಸ್ವಾಧೀನ ಅಧಿಸೂಚನೆಗಳನ್ನು ಹೊರಡಿಸಲಾಗಿದ್ದರೂ, ಅವುಗಳ ಸಿಂಧುತ್ವವು ಮುಗಿದಿದೆ ಮತ್ತು ಮೊದಲ ಹಂತದಿಂದ ಪ್ರಕ್ರಿಯೆಯನ್ನು ಮತ್ತೆ ಪ್ರಾರಂಭಿಸಬೇಕಾಗಿದೆ. ಭೂಸ್ವಾಧೀನದಲ್ಲಿನ ಅಡೆತಡೆಗಳು ಮತ್ತು ರೈಲ್ವೆ ಬಜೆಟ್‍ನಲ್ಲಿ ಅಗತ್ಯ ಹಣವನ್ನು ಹಂಚಿಕೆ ಮಾಡದ ಕಾರಣ ಯೋಜನೆಯು 25 ವರ್ಷಗಳಿಗೂ ಹೆಚ್ಚು ಕಾಲ ಸ್ಥಗಿತಗೊಂಡಿದೆ ಎಂದು ಸರ್ಕಾರ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.

07.01.2021 ರಂದು ಸರ್ಕಾರ (ಉ.ಔ(ಒs) ಓo. 1/2021/ಖಿಡಿಚಿಟಿs) ಹೊರಡಿಸಿದ ಪ್ರಕಾರ, ಯೋಜನಾ ವೆಚ್ಚದ 50 ಪ್ರತಿಶತವನ್ನು ಏIIಈಃ ನಿಧಿಯ ಮೂಲಕ ಭರಿಸಲಾಗುವುದು ಎಂದು ರಾಜ್ಯ ಸರ್ಕಾರ ಘೋಷಿಸಿತ್ತು. ಆಗ 2,815 ಕೋಟಿ ರೂ.ಗಳಿದ್ದ ಯೋಜನಾ ವೆಚ್ಚ ಈಗ 3,800.9 ಕೋಟಿ ರೂ.ಗಳಿಗೆ ಏರಿದೆ. ಇದರಲ್ಲಿ ಅರ್ಧದಷ್ಟು ಹಣವನ್ನು ರಾಜ್ಯ ಸರ್ಕಾರ ಭರಿಸಲಿದೆ.

ಶಬರಿ ಯೋಜನೆಗಾಗಿ 303.58 ಹೆಕ್ಟೇರ್ ಭೂಮಿಯನ್ನು ಸ್ವಾಧೀನಪಡಿಸಿಕೊಳ್ಳಬೇಕಾಗುತ್ತದೆ. ಭೂಸ್ವಾಧೀನಕ್ಕೆ 1,361 ಕೋಟಿ ರೂ. ವೆಚ್ಚವಾಗಲಿದ್ದು, ನಿರ್ಮಾಣ ಕಾರ್ಯಕ್ಕೆ 2,439.93 ಕೋಟಿ ರೂ. ವೆಚ್ಚವಾಗಲಿದೆ. ಯೋಜನೆಗೆ ಅಗತ್ಯವಿರುವ ಭೂಮಿಯನ್ನು ಎರ್ನಾಕುಳಂಂ, ಇಡುಕ್ಕಿ ಮತ್ತು ಕೊಟ್ಟಾಯಂ ಜಿಲ್ಲೆಗಳಲ್ಲಿ ಸ್ವಾಧೀನಪಡಿಸಿಕೊಳ್ಳಲಾಗುವುದು.

ಯೋಜನೆಗಾಗಿ ಭೂಸ್ವಾಧೀನ ಪ್ರಕ್ರಿಯೆಯನ್ನು ಪ್ರಾರಂಭಿಸಲು ಕಂದಾಯ ಅಧಿಕಾರಿಗಳಿಗೆ ಸೂಚಿಸಲಾಗಿದೆ. ಈ ಬಗ್ಗೆ ಕೇಂದ್ರ ರೈಲ್ವೆ ಸಚಿವಾಲಯಕ್ಕೆ ತಿಳಿಸಲು ಸಂಪುಟ ನಿರ್ಧರಿಸಿದೆ.

ಭಾರತದ ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ರಾಜ್ಯ ಸರ್ಕಾರಕ್ಕೆ ರೈಲ್ವೆ ಯೋಜನೆಗೆ ಹಣ ಪಾವತಿಸುವ ಜವಾಬ್ದಾರಿಯನ್ನು ವಹಿಸಲಾಗಿದೆ ಮತ್ತು ಸರ್ಕಾರವು ಏIIಈಃ ಮೂಲಕ ರಾಜ್ಯದ ರಾಷ್ಟ್ರೀಯ ಹೆದ್ದಾರಿ ಯೋಜನೆಗೆ 5,580 ಕೋಟಿ ರೂ.ಗಳನ್ನು ಮಂಜೂರು ಮಾಡಿದೆ ಎಂದು ಸರ್ಕಾರ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.