ಸಾಂಪ್ರದಾಯಿಕ ನೂಲಿನಿಂದ ವಿಶ್ವದ ಗಮನ ಸೆಳೆಯುತ್ತಿರುವ ಕಾಸರಗೋಡು ಸೀರೆಗಳು

ಕಾಸರಗೋಡು: ಕಾಸರಗೋಡು ವೀವರ್ಸ್ ಕೋಆಪರೇಟಿವ್ ಪ್ರೊಡಕ್ಷನ್ ಅಂಡ್ ಸೇಲ್ಸ್ ಲಿಮಿಟೆಡ್ ಜಿಲ್ಲೆಯಲ್ಲಿ ಕೈಮಗ್ಗ ಕ್ಷೇತ್ರದ ಸಂಪ್ರದಾಯವನ್ನು ಕಾಪಾಡುವ ಮತ್ತು ನೇಕಾರರ ಸಾಮಾಜಿಕ-ಆರ್ಥಿಕ ಪ್ರಗತಿಗೆ ಕೆಲಸ ಮಾಡುವ ಸಂಸ್ಥೆಯಾಗಿದೆ. 1938 ರಲ್ಲಿ ಸ್ಥಾಪನೆಯಾದ ಸಹಕಾರಿ ಸಂಸ್ಥೆಯು ಸಾಂಪ್ರದಾಯಿಕ ಕಾಸರಗೋಡು ಸೀರೆಗಳ ಉತ್ಪಾದನೆ ಮತ್ತು ಮಾರುಕಟ್ಟೆಯನ್ನು ಸಂಘಟಿಸುವ ಮೂಲಕ ಕೈಮಗ್ಗ ವಲಯವನ್ನು ಬಲಪಡಿಸುತ್ತದೆ. ಶುದ್ಧ ಹತ್ತಿ ನೂಲನ್ನು ಬಳಸಿ ಕೈಯಿಂದ ನೇಯ್ದ ಸೀರೆಗಳು ಗುಂಪಿನ ಮುಖ್ಯ ಉತ್ಪನ್ನವಾಗಿದೆ. ಸರಳವಾದ ಪಟ್ಟೆ ಅಂಚುಗಳು ಮತ್ತು ಕರಾವಳಿ ಶೈಲಿಯ ಪ್ರಭಾವವು ಕಾಸರಗೋಡು ಸೀರೆಗಳ ವಿಶೇಷತೆಯಾಗಿದೆ. ಅತ್ಯುತ್ತಮ ಗುಣಮಟ್ಟ ಮತ್ತು ದೀರ್ಘಕಾಲೀನ ಬಳಕೆಯು ಮಾರುಕಟ್ಟೆಯಲ್ಲಿ ಸೀರೆಗಳ ಸ್ಥಿರ ಸ್ವೀಕಾರವನ್ನು ಖಚಿತಪಡಿಸುತ್ತದೆ. 

''ಕಾಸರಗೋಡು ಸೀರೆ''ಗೆ ದೊರೆತ ಭೌಗೋಳಿಕ ಸೂಚನೆ (ಉI) ಅನುಮೋದನೆಯು ಉತ್ಪನ್ನದ ಸ್ಥಳೀಯ ಅನನ್ಯತೆ ಮತ್ತು ದೃಢೀಕರಣವನ್ನು ಖಾತರಿಪಡಿಸುತ್ತದೆ. ಇದು ನಕಲಿ ಉತ್ಪನ್ನಗಳಿಂದ ರಕ್ಷಣೆ ನೀಡುವುದಲ್ಲದೆ, ನೇಕಾರರ ಶ್ರಮಕ್ಕೆ ನಿಜವಾದ ಮೌಲ್ಯವನ್ನು ಖಚಿತಪಡಿಸುತ್ತದೆ. ಜಿಲ್ಲೆಯ ಸಾಲಿಯಾ ಸಮುದಾಯದ ಸಾಂಪ್ರದಾಯಿಕ ಕುಟುಂಬ ಉದ್ಯೋಗವಾದ ನೇಯ್ಗೆ, ಹೊಸ ಪೀಳಿಗೆಯ ಸಕ್ರಿಯ ಭಾಗವಹಿಸುವಿಕೆಯೊಂದಿಗೆ ಇಂದಿಗೂ ಮುಂದುವರೆದಿದೆ. ಮಹಿಳಾ ನೇಕಾರರ ಉಪಸ್ಥಿತಿಯು ಈ ವಲಯದಲ್ಲಿ ಪ್ರಮುಖ ಶಕ್ತಿಯಾಗಿದೆ. ತರಬೇತಿ ಕಾರ್ಯಕ್ರಮಗಳು ಮತ್ತು ಮಾರುಕಟ್ಟೆ ಸೌಲಭ್ಯಗಳನ್ನು ಏರ್ಪಡಿಸುವ ಮೂಲಕ ಯುವ ಪೀಳಿಗೆಯನ್ನು ಕೈಮಗ್ಗ ಕ್ಷೇತ್ರಕ್ಕೆ ಆಕರ್ಷಿಸಲು ಪ್ರಯತ್ನಗಳು ನಡೆಯುತ್ತಿವೆ.

ಪ್ರದರ್ಶನಗಳು, ಮೇಳಗಳು ಮತ್ತು ಆನ್‍ಲೈನ್ ಮಾರುಕಟ್ಟೆ ವ್ಯವಸ್ಥೆಗಳ ಮೂಲಕ ಕಾಸರಗೋಡು ಸೀರೆಗಳ ಮಾರುಕಟ್ಟೆಯನ್ನು ವಿಸ್ತರಿಸಲು ಕ್ರಮ ಕೈಗೊಳ್ಳಲಾಗುತ್ತಿದೆ. ಕೈಮಗ್ಗ ವಲಯದಲ್ಲಿನ ಸವಾಲುಗಳ ಹೊರತಾಗಿಯೂ, ಸಂಪ್ರದಾಯವನ್ನು ಸಂರಕ್ಷಿಸುವ ಮೂಲಕ ನೇಕಾರರ ಜೀವನದ ಗುಣಮಟ್ಟವನ್ನು ಸುಧಾರಿಸಲು ಪ್ರಯತ್ನಗಳು ಮುಂದುವರಿಯುತ್ತವೆ ಎಂದು ಸಂಬಂಧಪಟ್ಟವರು ಮಾಹಿತಿ ನೀಡಿದರು. ಸಂಪ್ರದಾಯ ಮತ್ತು ಗುಣಮಟ್ಟವನ್ನು ಸಂಯೋಜಿಸುವ ಕಾಸರ್‍ಗೋಡ್ ಸೀರೆಗಳು ಜಿಲ್ಲೆಯ ಸಾಂಸ್ಕøತಿಕ ಗುರುತಿನ ಹೆಮ್ಮೆಯ ಸಂಕೇತವಾಗಿ ಅಂತರರಾಷ್ಟ್ರೀಯ ಗಮನ ಸೆಳೆಯುತ್ತಿವೆ.

ಕೈಮಗ್ಗ ವಲಯವನ್ನು ಬಲಪಡಿಸಲು ಜಿಲ್ಲಾಡಳಿತ ವಿಶೇಷ ಅಧಿಕಾರಿಯನ್ನು ನೇಮಿಸಿದೆ. ಕಾಸರಗೋಡು ಅಭಿವೃದ್ಧಿ ಪ್ಯಾಕೇಜ್‍ನಲ್ಲಿ ಈ ಯೋಜನೆಗಳನ್ನು ಘೋಷಿಸಲಾಗಿದೆ. ನೇಕಾರರು ಮತ್ತು ಸಂಬಂಧಪಟ್ಟವರು ಭವಿಷ್ಯದಲ್ಲಿ ಅವು ನಿಜವಾಗುತ್ತವೆ ಎಂಬ ಭರವಸೆಯಲ್ಲಿದ್ದಾರೆ. ಜಿಲ್ಲೆಯ ಪ್ರವಾಸೋದ್ಯಮ ಸಾಮಥ್ರ್ಯವನ್ನು ಬಳಸಿಕೊಂಡು ಕೈಮಗ್ಗ ಉತ್ಪನ್ನಗಳ ಪ್ರಚಾರ ಮತ್ತು ಮಾರುಕಟ್ಟೆಯನ್ನು ವಿಸ್ತರಿಸಲು ಪ್ರಯತ್ನಗಳು ನಡೆಯುತ್ತಿವೆ. ಪ್ರವಾಸೋದ್ಯಮ ಮತ್ತು ಕೈಮಗ್ಗವನ್ನು ಸಂಪರ್ಕಿಸುವ ಯೋಜನೆಗಳ ಮೂಲಕ ಕಾಸರಗೋಡು ಸೀರೆಗಳ ಬ್ರಾಂಡ್ ಮೌಲ್ಯವನ್ನು ಹೆಚ್ಚಿಸುವುದು ಇದರ ಉದ್ದೇಶವಾಗಿದೆ. ಕೈಮಗ್ಗ ವಲಯದಲ್ಲಿನ ಸವಾಲುಗಳ ಹೊರತಾಗಿಯೂ, ಸಂಪ್ರದಾಯವನ್ನು ಸಂರಕ್ಷಿಸಲು ಮತ್ತು ನೇಕಾರರ ಜೀವನದ ಗುಣಮಟ್ಟವನ್ನು ಸುಧಾರಿಸಲು ಪ್ರಯತ್ನಗಳು ತೀವ್ರವಾಗಿ ಮುಂದುವರೆದಿವೆ ಎಂದು ಕಾಸರಗೋಡು ಸೀರೆ ಪ್ರತಿನಿಧಿ ಕೆ. ಲೋಕನಾಥ್ ಮಾಹಿತಿ ನೀಡಿದರು.

'' ಒಂದು ದಿನವೂ ರಜೆ ತೆಗೆದುಕೊಳ್ಳದೆ ಕೆಲಸಕ್ಕೆ ಬರಲು ಇಷ್ಟಪಡುತ್ತೇವೆ. ನಾನು 30 ವರ್ಷಗಳಿಂದ ಈದ ಕೆಲಸ ಮಾಡುತ್ತಿದ್ದೇನೆ. ನಾನು ಬೆಳಿಗ್ಗೆ 8:30 ಕ್ಕೆ ಬಂದು ಸಂಜೆ 5:30 ಕ್ಕೆ ಹಿಂತಿರುಗುತ್ತೇವೆ. ಮಗ್ಗದ ವೃತ್ತಿ ತುಂಬಾ ಸಂತೋಷ ತಮದಿದೆ''

ಕಾಸರಗೋಡಿನ ಗಡಿಗಳನ್ನು ಮೀರಿ ವಿಶ್ವದ ಗಮನ ಸೆಳೆಯುತ್ತಿರುವ 'ಕಾಸರಗೋಡು ಸೀರೆ' ನೇಕಾರೆ ರಾಧಾ ಅವರ ಮಾತುಗ