ಅರ್ಜಿ ವಿಚಾರಣೆಯಲ್ಲಿರುವಾಗ ಸರ್ಕಾರದಿಂದ ಹೊಸ ಬ್ರಾಂಡಿಗೆ ನಾಮಕರಣ: ವರದಿ ಕೋರಿದ ನ್ಯಾಯಾಲಯ

ಕೊಚ್ಚಿ: ಹೈಕೋರ್ಟ್‍ನಲ್ಲಿ ಅರ್ಜಿ ವಿಚಾರಣೆಯಲ್ಲಿರುವಾಗ ತಿರುವನಂತಪುರಂ ಪ್ರಥಮ ದರ್ಜೆ ನ್ಯಾಯಾಂಗ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯವು ಹೊಸ ಬ್ರಾಂಡಿಗೆ ಹೆಸರಿಡುವ ಸರ್ಕಾರದ ನಿರ್ಧಾರದ ಕುರಿತು ವರದಿಯನ್ನು ಕೋರಿದೆ. 

'ಮಿನ್ನಲ್ ಮ್ಯಾಜಿಕ್' ಅಥವಾ 'ಎಂ.ಎಂ. ಬ್ರಾಂಡಿ' ಹೆಸರಿನಲ್ಲಿ ಮದ್ಯವನ್ನು ಬಿಡುಗಡೆ ಮಾಡುವ ಕ್ರಮದ ವಿರುದ್ಧ ಕೊಲ್ಲಂ ಮೂಲದ ಎಂ.ಎಂ. ಸಂಜೀವ್ ಕುಮಾರ್ ಸಲ್ಲಿಸಿದ ದೂರಿನಲ್ಲಿ ಬುಧವಾರದೊಳಗೆ ವರದಿ ಸಲ್ಲಿಸುವಂತೆ ನ್ಯಾಯಾಲಯವು ಮ್ಯೂಸಿಯಂ ಪೋಲೀಸರಿಗೆ ಸೂಚಿಸಿದೆ. ಹೈಕೋರ್ಟ್ ತಡೆಯಾಜ್ಞೆ ಇರುವಾಗ ಹೊಸ ಹೆಸರು ನೀಡುವುದು ಕಾನೂನುಬಾಹಿರ ಎಂದು ಅರ್ಜಿಯಲ್ಲಿ ತಿಳಿಸಲಾಗಿದೆ.

ಪರವಾನಗಿ ಇಲ್ಲದೆ ಮದ್ಯ ಉತ್ಪಾದನೆಯು ನಕಲಿ ಮದ್ಯವನ್ನು ಉತ್ಪಾದಿಸುವುದಕ್ಕೆ ಸಮಾನವಾಗಿದೆ ಮತ್ತು ಆದ್ದರಿಂದ ಬೆವ್ಕೋ ಮತ್ತು ಮಲಬಾರ್ ಡಿಸ್ಟಿಲರೀಸ್‍ನ ವ್ಯವಸ್ಥಾಪಕ ನಿರ್ದೇಶಕರ ವಿರುದ್ಧ ಕ್ರಿಮಿನಲ್ ಮೊಕದ್ದಮೆ ಹೂಡಬೇಕು ಎಂಬುದು ಅರ್ಜಿದಾರರ ಪ್ರಮುಖ ಬೇಡಿಕೆಯಾಗಿದೆ.

ಹೈಕೋರ್ಟ್‍ನ ಕಠಿಣ ಆದೇಶವನ್ನು ಧಿಕ್ಕರಿಸಿ ಮೆನನ್‍ಪಾರದಲ್ಲಿ ಶನಿವಾರ ಮದ್ಯ ಉತ್ಪಾದನೆ ಪ್ರಾರಂಭವಾಗಿತ್ತು. ಈ ಮಧ್ಯೆ, ಸಂಜೀವ್ ಕುಮಾರ್ ಸರ್ಕಾರದ ಈ ಕ್ರಮದ ವಿರುದ್ಧ ಸಚಿವಾಲಯದ ಮುಂದೆ ಉಪವಾಸ ಸತ್ಯಾಗ್ರಹ ಆರಂಭಿಸಿದ್ದಾರೆ.