ವಿವಾಹಿತರಾದ ಆರೋಪಿ ಮತ್ತು ಬಲಿಪಶು: ವೈವಾಹಿಕ ಕಲಹವನ್ನು ತಪ್ಪಿಸಲು ಪೋಕ್ಸೋ ಪ್ರಕರಣ ರದ್ದುಗೊಳಿಸಿದ ಹೈಕೋರ್ಟ್

ಕೊಚ್ಚಿ: ಆರೋಪಿ ಮತ್ತು ಬಲಿಪಶು ಇಬ್ಬರೂ ವಿವಾಹಿತರಾಗಿದ್ದು ಸಂತೋಷದ ಕುಟುಂಬ ಜೀವನವನ್ನು ನಡೆಸುತ್ತಿರುವ ಪರಿಸ್ಥಿತಿಯಲ್ಲಿ ಅವರ ವಿರುದ್ಧ ಕ್ರಿಮಿನಲ್ ಮೊಕದ್ದಮೆಗಳನ್ನು ಮುಂದುವರಿಸುವುದು ಅರ್ಥಹೀನ ಎಂದು ಹೈಕೋರ್ಟ್ ಹೇಳಿದೆ. 

ಸಾಮಾನ್ಯವಾಗಿ, ಸೌಹಾರ್ದಯುತ ಇತ್ಯರ್ಥದ ಆಧಾರದ ಮೇಲೆ ಪೋಕ್ಸೋ ಪ್ರಕರಣಗಳನ್ನು ವಜಾಗೊಳಿಸಲಾಗುವುದಿಲ್ಲ. ಆದಾಗ್ಯೂ, ಸಂಗಾತಿಗಳು ಮದುವೆಯಾಗಿ ಶಾಂತಿಯುತ ದಾಂಪತ್ಯವನ್ನು ನಡೆಸುವುದು 'ಅಸಾಮಾನ್ಯ ಸಂದರ್ಭ' ಎಂದು ನ್ಯಾಯಮೂರ್ತಿ ಸಿ. ಪ್ರದೀಪ್ ಕುಮಾರ್ ಬೊಟ್ಟುಮಾಡಿರುವರು. 

ವಿಚಾರಣೆಯ ಮುಂದುವರಿಕೆಯು ಬಲಿಪಶು ಮತ್ತು ಆಕೆಯ ಕುಟುಂಬದ ಶಾಂತಿಯುತ ಜೀವನದ ಮೇಲೆ ಪರಿಣಾಮ ಬೀರುತ್ತದೆ ಎಂದು ನ್ಯಾಯಾಲಯ ಗಮನಿಸಿದೆ. ಆದಾಗ್ಯೂ, ಸುಪ್ರೀಂ ಕೋರ್ಟ್‍ನ ಹಿಂದಿನ ತೀರ್ಪುಗಳನ್ನು ಉಲ್ಲೇಖಿಸಿ, ಬಲಿಪಶುವಿನ ಪತಿ ಮತ್ತು ಪೆÇೀಷಕರಂತೆ ಈಗ ಸಂದರ್ಭಗಳು ಬದಲಾಗಿವೆ ಎಂದು ಹೈಕೋರ್ಟ್ ಗಮನಸೆಳೆದಿದೆ.

ನೆಡುಂಬಸ್ಸೆರಿ ಪೆÇಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಆರೋಪಿಗಳು ಬಲಿಪಶುವನ್ನು ಚಿತ್ರಹಿಂಸೆ ನೀಡಿ ಗರ್ಭಿಣಿಯನ್ನಾಗಿ ಮಾಡಿದ್ದಾರೆ ಎಂಬ ಪ್ರಕರಣವಿತ್ತು. ಆದರೆ ನಂತರ ಅವರು ವಿವಾಹವಾದರು.

ಸಂತ್ರಸ್ತೆ ನ್ಯಾಯಾಲಯದಲ್ಲಿ ತಾವು ವಿವಾಹಿತರು ಎಂದು ಅಫಿಡವಿಟ್ ಸಲ್ಲಿಸಿ, ಶಾಂತಿಯುತ ಕುಟುಂಬ ಜೀವನ ನಡೆಸಲು ಸಾಧ್ಯವಾಗುವಂತೆ ಪ್ರಕರಣದ ವಿಚಾರಣೆಯನ್ನು ಕೊನೆಗೊಳಿಸಬೇಕೆಂದು ಕೋರಿದ್ದರು. ವಿವಾಹ ಪ್ರಮಾಣಪತ್ರವನ್ನು ಸಹ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಯಿತು.

ದಂಪತಿಗಳ ಐಕ್ಯತೆ ಮತ್ತು ಸಂತೋಷವನ್ನು ಕಾಪಾಡಿಕೊಳ್ಳಲು ಪ್ರಕರಣವನ್ನು ವಜಾಗೊಳಿಸುವುದು ಅತ್ಯಗತ್ಯ ಎಂದು ಕಂಡುಕೊಂಡ ನ್ಯಾಯಾಲಯವು, ಪ್ರತಿವಾದಿಯ ವಿರುದ್ಧದ ಎಲ್ಲಾ ವಿಚಾರಣೆಗಳನ್ನು ವಜಾಗೊಳಿಸಿತು. ಕ್ರಿಮಿನಲ್ ವಿಚಾರಣೆಯನ್ನು ಮುಂದುವರಿಸುವುದು ಬಲಿಪಶುಗಳು ಮತ್ತು ಅವರ ಮಕ್ಕಳ ಜೀವನದ ಮೇಲೆ ಪ್ರತಿಕೂಲ ಪರಿಣಾಮ ಬೀರುತ್ತದೆ ಎಂದು ನ್ಯಾಯಾಲಯ ತೀರ್ಪು ನೀಡಿತು.