ವಿಧಾನಸಭಾ ಚುನಾವಣಾ ಪ್ರಚಾರಕ್ಕಾಗಿ ಪ್ರಧಾನಿ ನರೇಂದ್ರ ಮೋದಿ ಮುಂದಿನ ವಾರ ಎರಡು ಬಾರಿ ಕೇರಳಕ್ಕೆ ಭೇಟಿ

ತಿರುವನಂತಪುರಂ: ನರೇಂದ್ರ ಮೋದಿ ಭಾಗವಹಿಸುವ ಚುನಾವಣಾ ರ್ಯಾಲಿ 29 ರಂದು ಪಾಲಕ್ಕಾಡ್‍ನಲ್ಲಿ ನಡೆಯಲಿದ್ದು, ಅದೇ ದಿನ ತ್ರಿಶೂರ್‍ನಲ್ಲಿ ರೋಡ್ ಶೋ ನಡೆಯಲಿದೆ. 

ಪ್ರಧಾನಿಯವರು ಕೊಯಮತ್ತೂರು ವಿಮಾನ ನಿಲ್ದಾಣದಿಂದ ಹೆಲಿಕಾಪ್ಟರ್ ಮೂಲಕ ಪಾಲಕ್ಕಾಡ್‍ಗೆ ಮಧ್ಯಾಹ್ನ 2:30 ಕ್ಕೆ ಆಗಮಿಸಲಿದ್ದಾರೆ. ಸಭೆ ಮಧ್ಯಾಹ್ನ 2.45 ಕ್ಕೆ ನಡೆಯಲಿದೆ. ಕಾರ್ಯಕ್ರಮವು ಮಧ್ಯಾಹ್ನ 3.50 ಕ್ಕೆ ಕೊನೆಗೊಳ್ಳುತ್ತದೆ ಮತ್ತು ಸಂಜೆ 4.10 ಕ್ಕೆ ತ್ರಿಶೂರ್‍ಗೆ ತೆರಳುವರು. 

ಪ್ರಧಾನಿಯವರ ಸಾರ್ವಜನಿಕ ಸಭೆ ನಡೆಯುವ ಕೊಟ್ಟ ಮೈದಾನವನ್ನು ಎಸ್‍ಪಿಜಿ ಪರಿಶೀಲಿಸಿತು ಮತ್ತು ಮೈದಾನವನ್ನು ನಿಯಂತ್ರಣಕ್ಕೆ ತೆಗೆದುಕೊಂಡಿದೆ.

ಬಳಿಕ ಏಪ್ರಿಲ್ 4 ರಂದು ಮತ್ತೆ ಆಗಮಿಸಲಿರುವ ಮೋದಿ, ಪಾಲಾ ಮತ್ತು ತಿರುವನಂತಪುರಂನಲ್ಲಿ ಚುನಾವಣಾ ಪ್ರಚಾರದಲ್ಲಿ ಭಾಗವಹಿಸಲಿದ್ದಾರೆ. ಪಾಲಾ, ಪೂಂಜಾರ್, ಕಾಂಜಿರಪ್ಪಳ್ಳಿ ಮತ್ತು ವೈಕಂ ಕ್ಷೇತ್ರಗಳ ಚುನಾವಣಾ ರ್ಯಾಲಿಗಳು ಪಾಲಾದಲ್ಲಿ ನಡೆಯಲಿವೆ. ಅದೇ ದಿನ ತಿರುವನಂತಪುರಂ ನಗರದಲ್ಲಿ ಪ್ರಧಾನಿಯವರ ರೋಡ್ ಶೋ ಕೂಡ ನಡೆಯಲಿದೆ.