ಅಪರೂಪದ ಆನುವಂಶಿಕ ಕಾಯಿಲೆ: ಅಮೃತದಲ್ಲಿ ಅದ್ಭುತವಾಗಿ ಚೇತರಿಸಿಕೊಂಡ ಮಾಲ್ಡೀವ್ಸ್‍ನ ಐದು ವರ್ಷದ ಮಗು

ಕೊಚ್ಚಿ: ಅಪರೂಪದ ಆನುವಂಶಿಕ ಕಾಯಿಲೆಯಿಂದ ಗಂಭೀರ ಸ್ಥಿತಿಯಲ್ಲಿದ್ದ ಮಾಲ್ಡೀವ್ಸ್‍ನ ಐದು ವರ್ಷದ ಮಗು ಅಮೃತ ಆಸ್ಪತ್ರೆಯಲ್ಲಿ ಚಿಕಿತ್ಸೆಯ ನಂತರ ಚೇತರಿಸಿಕೊಂಡಿದೆ. ಅಕ್ಯೂಟ್ ಇಂಟರ್ಮಿಟೆಂಟ್ ಪೆÇೀರ್ಫೈರಿಯಾ ಎಂಬ ಅಪರೂಪದ ಚಯಾಪಚಯ ಕಾಯಿಲೆಯಿಂದ ಉಂಟಾದ ತೊಂದರೆಗಳಿಂದಾಗಿ ಮಗು ಗಂಭೀರ ಸ್ಥಿತಿಯಲ್ಲಿತ್ತು. ಮೂರು ತಿಂಗಳ ಚಿಕಿತ್ಸೆಯ ನಂತರ ಮಗುವಿನ ಆರೋಗ್ಯ ಸುಧಾರಿಸಿತು. 

ಮಾಲ್ಡೀವ್ಸ್‍ನಲ್ಲಿ ಶಸ್ತ್ರಚಿಕಿತ್ಸೆಯ ನಂತರ ಗಂಭೀರ ಆರೋಗ್ಯ ಸಮಸ್ಯೆ ವೃದ್ಧಿಗೊಂಡು ನಂತರ ಮಗುವನ್ನು ಡಿಸೆಂಬರ್ 13 ರಂದು ಕೊಚ್ಚಿಯ ಅಮೃತ ಆಸ್ಪತ್ರೆಗೆ ದಾಖಲಿಸಲಾಯಿತು. ಮೆದುಳಿನ ಮೇಲೆ ಪರಿಣಾಮ ಬೀರುವ ಎನ್ಸೆಫಲೋಪತಿ, ದೇಹದ ದೌರ್ಬಲ್ಯ ಮತ್ತು ದೇಹದ ಸ್ನಾಯುಗಳ ದೌರ್ಬಲ್ಯ (ಫ್ಲಾಸಿಡ್ ಪಾಶ್ರ್ವವಾಯು) ನಂತಹ ತೊಂದರೆಗಳನ್ನು ಅವನು ಹೊಂದಿದ್ದನು. ಅವನಿಗೆ ಉಸಿರಾಡಲು ಸಹಾಯ ಮಾಡಲು ಟ್ರಾಕಿಯೊಸ್ಟೊಮಿ ಮಾಡಬೇಕಾಗಿತ್ತು. ಚಿಕಿತ್ಸೆಯ ಭಾಗವಾಗಿ ಹೆಮಿನ್ (ಇಂಜ್. ಹೆಮಿನ್) ಎಂಬ ತುರ್ತಾಗಿ ಆಮದು ಮಾಡಿಕೊಂಡ ಔಷಧವನ್ನು ಸಹ ನೀಡಲಾಯಿತು.

ಮಕ್ಕಳ ನರವಿಜ್ಞಾನ ವಿಭಾಗದ ಡಾ. ವಿನಯನ್ ಕೆ.ಪಿ, ಡಾ. ವೈಶಾಖ್ ಆನಂದ್, ಮತ್ತು ಡಾ. ಅಜ್ಮಿ ಹಬೀಬ್ ನೇತೃತ್ವದ ತಜ್ಞರ ತಂಡ ಮತ್ತು ಮಕ್ಕಳ ತೀವ್ರ ನಿಗಾ ವಿಭಾಗದ ಡಾ. ಸಜಿತ್ ಕೇಶವನ್ ಸೇರಿದಂತೆ ವೈದ್ಯರು ಚಿಕಿತ್ಸೆಯನ್ನು ನಡೆಸಿದರು. ವಿವಿಧ ವಿಭಾಗಗಳ ಸಂಘಟಿತ ಕೆಲಸದ ಪರಿಣಾಮವಾಗಿ, ಮಗುವಿನ ಆರೋಗ್ಯದಲ್ಲಿ ಗಮನಾರ್ಹ ಸುಧಾರಣೆ ಕಂಡುಬಂದಿದೆ. ನಂತರ, ಟ್ರಾಕಿಯೊಸ್ಟೊಮಿಯನ್ನು ತೆಗೆದುಹಾಕಲಾಯಿತು. ಪ್ರಸ್ತುತ, ಮಗು ಮುಕ್ತವಾಗಿ ಉಸಿರಾಡುತ್ತಿದೆ ಮತ್ತು ಸಾಮಾನ್ಯವಾಗಿ ಸಹಜ ಆಹಾರ ಸೇವನೆ ನಡೆಸುತ್ತಿದೆ. 

ಮಗುವಿನ ಆರೋಗ್ಯ ಸ್ಥಿತಿ ಸ್ಥಿರವಾಗಿರುವುದರಿಂದ ನಿಯಮಿತ ವಿಮಾನದಲ್ಲಿ ಮಾಲ್ಡೀವ್ಸ್‍ಗೆ ಪ್ರಯಾಣಿಸಬಹುದು ಎಂದು ವೈದ್ಯರು ತಿಳಿಸಿದ್ದಾರೆ. ಅಲ್ಲಿಗೆ ತಲುಪಿದ ನಂತರ, ಸ್ಥಳೀಯ ಆಸ್ಪತ್ರೆಯಲ್ಲಿ ಹೆಚ್ಚಿನ ಪರೀಕ್ಷೆ ಮತ್ತು ಭೌತಚಿಕಿತ್ಸೆಯನ್ನು ಮುಂದುವರಿಸಲು ಸೂಚಿಸಲಾಗಿದೆ.

ಮಗುವನ್ನು ಮಾರ್ಚ್ 11 ರಂದು ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಯಿತು. ಮಾರಣಾಂತಿಕ ಸ್ಥಿತಿಯಿಂದ ಬದುಕುಳಿದು ಮನೆಗೆ ಮರಳಿದ ಬಾಲಕನ ಆರೋಗ್ಯ ಚೇತರಿಕೆ ಆಶಾದಾಯಕವಾಗಿದೆ ಎಂದು ಆಸ್ಪತ್ರೆ ಅಧಿಕಾರಿಗಳು ತಿಳಿಸಿದ್ದಾರೆ.