ಖಾಮಿನೈ ಹತ್ಯೆ "ಒಂದು ಮಹಾ ಅಪರಾಧ" : ಇರಾನ್ ಅಧ್ಯಕ್ಷ ಮಸೂದ್ ಪೆಝೆಶ್ಕಿಯಾನ್

ಟೆಹ್ರಾನ್ : ಇರಾನ್‌ನ ಪರಮೋಚ್ಚ ನಾಯಕ ಆಯತುಲ್ಲಾ ಅಲಿ ಖಾಮಿನೈ ಹತ್ಯೆಯನ್ನು "ಒಂದು ಮಹಾ ಅಪರಾಧ" ಎಂದು ಖಂಡಿಸಿದ ಇರಾನ್ ಅಧ್ಯಕ್ಷ ಮಸೂದ್ ಪೆಝೆಶ್ಕಿಯಾನ್, ಇದಕ್ಕೆ ಪ್ರತಿಕ್ರಿಯೆ ನೀಡುವುದಾಗಿ ಪ್ರತಿಜ್ಞೆ ಮಾಡಿದ್ದಾರೆ. 

"ಈ ಮಹಾ ಅಪರಾಧಕ್ಕೆ ಉತ್ತರಿಸದೆ ಇರುವುದಿಲ್ಲ.ಇದು ಇಸ್ಲಾಮಿಕ್ ಲೋಕ ಹಾಗೂ ಶಿಯಾ ಇತಿಹಾಸದಲ್ಲಿ ಹೊಸ ಅಧ್ಯಾಯವನ್ನು ಆರಂಭಿಸುತ್ತದೆ. ಈ ಪರಮೋಚ್ಚ ನಾಯಕನ ಪವಿತ್ರ ರಕ್ತವು ಗರ್ಜಿಸುವ ಹೊಳೆಯಂತೆ ಹರಿದು ಝಿಯೋನಿಸ್ಟ್ ದಬ್ಬಾಳಿಕೆ ಮತ್ತು ಅಪರಾಧವನ್ನು ನಿರ್ಮೂಲನೆ ಮಾಡುತ್ತದೆʼ ಎಂದು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

"ಈ ಬಾರಿಯೂ, ನಮ್ಮ ಎಲ್ಲಾ ಶಕ್ತಿ ಮತ್ತು ದೃಢಸಂಕಲ್ಪದಿಂದ, ಇಸ್ಲಾಮಿಕ್ ರಾಷ್ಟ್ರ ಮತ್ತು ಪ್ರಪಂಚದ ಸ್ವತಂತ್ರ ಜನರ ಬೆಂಬಲದೊಂದಿಗೆ, ಈ ಮಹಾ ಅಪರಾಧದ ಅಪರಾಧಿಗಳು ಮತ್ತು ಕಮಾಂಡರ್‌ಗಳು ವಿಷಾದಿಸುವಂತೆ ಮಾಡುತ್ತೇವೆ" ಎಂದು ಹೇಳಿದ್ದಾರೆ.

ಖಾಮಿನೈ ಹತ್ಯೆ ಹಿನ್ನೆಲೆ 40 ದಿನಗಳ ಶೋಕಾಚರಣೆಯ ಜೊತೆಗೆ ಏಳು ದಿನಗಳ ಸಾರ್ವಜನಿಕ ರಜಾದಿನಗಳನ್ನು ಕೂಡ ಪೆಝೆಶ್ಕಿಯಾನ್ ಘೋಷಿಸಿದ್ದಾರೆ.