ಮಾತುಕತೆಗೆ ಉಕ್ರೇನ್‌ ಕಾಯುತ್ತಿದೆ: ಝೆಲೆನ್‌ಸ್ಕಿ

 ಕೀವ್‌: ಅಮೆರಿಕದ ಮಧ್ಯಸ್ಥಿಕೆಯಲ್ಲಿ ಮುಂದಿನ ಹಂತದ ಮಾತುಕತೆಗೆ ಉಕ್ರೇನ್‌ ಸಿದ್ಧವಿದೆ' ಎಂದು ಅಧ್ಯಕ್ಷ ವೊಲೊಡಿಮಿರ್‌ ಝೆಲೆನ್‌ಸ್ಕಿ ತಿಳಿಸಿದ್ದಾರೆ.

ಅಮೆರಿಕ, ಉಕ್ರೇನ್‌ ಹಾಗೂ ರಷ್ಯಾದ ಸಂಧಾನ ತಂಡಗಳ ನಡುವೆ ಮುಂದಿನ ಹಂತದ ಸಭೆ ನಡೆಸಲು ಅಮೆರಿಕವು ಪ್ರಸ್ತಾವ ಮುಂದಿಟ್ಟಿದೆ. 

ಸಭೆಯಲ್ಲಿ ಅಮೆರಿಕದ ರಾಯಭಾರಿಗಳಾದ ಸ್ಟೀವ್ ವಿಟ್‌ಕಾಫ್‌ ಮತ್ತು ಜೇರೆಡ್‌ ಕುಶ್ನರ್‌ ಭಾಗವಹಿಸಲು ಒಪ್ಪಿಗೆ ಸೂಚಿಸಿದ್ದು, ರಷ್ಯಾವು ತನ್ನ ನಿಯೋಗವನ್ನು ಕಳುಹಿಸಲು ನಿರಕಾರಿಸಿದೆ.

'ನಾವು ಅಮೆರಿಕದ ಪ್ರತಿಕ್ರಿಯೆಗಾಗಿ ಎದುರು ನೋಡುತ್ತಿದ್ದೇವೆ. ರಷ್ಯಾದ ನಿಯೋಗವು ಅಮೆರಿಕಕ್ಕೆ ಬರುವುದನ್ನು ಖಚಿತಪಡಿಸಬೇಕು' ಎಂದು ಝೆಲೆನ್‌ಸ್ಕಿ ಅವರು ಮಾಧ್ಯಮ ಪ್ರತಿನಿಧಿಗಳಿಗೆ ತಿಳಿಸಿದ್ದಾರೆ.

'ನಾವು ಯಾವುದೇ ರೀತಿಯ ಮಾತುಕತೆಯ ಪ್ರಸ್ತಾವವನ್ನು ತಡೆಯುತ್ತಿಲ್ಲ, ಆದರೆ ಮೂರು ರಾಷ್ಟ್ರಗಳ ಸಭೆಯೇ ನಡೆಯಬೇಕು' ಎಂದು ಈ ವೇಳೆ ಆಗ್ರಹಿಸಿದ್ದಾರೆ.

ಪಶ್ಚಿಮ ಏಷ್ಯಾದಲ್ಲಿ ಯುದ್ಧ ಆರಂಭಗಗೊಂಡ ಬಳಿಕ ಅಮೆರಿಕ ಮಧ್ಯಸ್ಥಿಕೆಯಲ್ಲಿ ಉಕ್ರೇನ್ ಹಾಗೂ ರಷ್ಯಾ ನಡುವೆ ನಡೆಯಬೇಕಿದ್ದ ಸಭೆಯೂ ಮುಂದೂಡಿಕೆಯಾಗಿದೆ.