ನೇಂದ್ರ ಬಾಳೆಹಣ್ಣಿನ ಬೆಲೆಯಲ್ಲಿ ಭಾರೀ ಇಳಿಕೆ; ಸೇಬು ಮತ್ತು ಮಾವಿನ ಹಣ್ಣುಗಳ ಬೆಲೆ ಏರಿಕೆ

ಕುಂಬಳೆ: ಏರಿಕೆ ಕಂಡ ಬಿಸಿಲಿನ ಝಳ ಮತ್ತು ರಂಜಾನ್ ಮಾಸದ ಹಿನ್ನೆಲೆಗಳಲ್ಲಿ ಹಣ್ಣಿನ ಮಾರುಕಟ್ಟೆಯಲ್ಲಿ ಸಾಮಾನ್ಯವಾಗಿ ಬೆಲೆ ಏರಿಕೆ ಕಂಡುಬಂದರೂ, ಈ ಬಾರಿ ಬಾಳೆಹಣ್ಣಿನ ಬೆಲೆಯಲ್ಲಿ ಭಾರಿ ಕುಸಿತ ಕೃಷಿಕರನ್ನು ಹೈರಾಣಗೊಳಿಸಿದೆ. ಚಿಲ್ಲರೆ ಮಾರುಕಟ್ಟೆಯಲ್ಲಿ ಬಾಳೆಹಣ್ಣಿನ ಪ್ರಸ್ತುತ ದರ ನಾಲ್ಕು ಕೆಜಿಗೆ 100 ರೂ. ವಿದೇಶಿ ಹಣ್ಣುಗಳು ದಾಖಲೆಯ ಬೆಲೆಯಲ್ಲಿ ಮಾರಾಟವಾಗುತ್ತಿರುವ ವೇಳೆ ಸ್ಥಳೀಯ ಬಾಳೆಹಣ್ಣಿನ ಬೆಲೆಯಲ್ಲಿ ಈ ಕುಸಿತ ಕಂಡುಬಂದಿದೆ. 

ಈ ತಿಂಗಳ ಆರಂಭದಲ್ಲಿ, ಮಾವಿನಹಣ್ಣಿನ ಬೆಲೆ ಕೆಜಿಗೆ 180 ರಿಂದ 300 ರೂ.ಗಳ ನಡುವೆ ಇತ್ತು. ಸೇಬಿಗೂ ಬೆಲೆ ಹೆಚ್ಚಳವಿದೆ. ವಿವಿಧ ಬಗೆಯ ಸೇಬುಗಳ ಬೆಲೆ ರೂ. 200 ರಿಂದ 350 ರೂ.ಗಳವರೆಗೆ ವಿಕ್ರಯಗೊಳ್ಳುತ್ತಿದೆ. 

ಟರ್ಕಿ, ಇರಾನ್ ಮತ್ತು ಫ್ರಾನ್ಸ್‍ನಂತಹ ವಿದೇಶಗಳಿಂದ ಬರುವ ಸೇಬುಗಳು ಮಾರುಕಟ್ಟೆಯಲ್ಲಿ ಹೆಚ್ಚಿನ ಬೆಲೆಯನ್ನು ಪಡೆಯುತ್ತಿವೆ. ಪ್ಲಮ್, ಲಿಚಿ, ಡ್ರ್ಯಾಗನ್ ಹಣ್ಣು, ಸ್ಟ್ರಾಬೆರಿ, ಕಿವಿ, ಆವಕಾಡೊ, ಗ್ಲೋಬ್ ದ್ರಾಕ್ಷಿ, ಶಮಾಮ್ ಇತ್ಯಾದಿಗಳು ಕೆಜಿಗೆ ರೂ. 300 ರಿಂದ 400 ರವರೆಗೆ ಪಾವತಿಸಬೇಕಾಗುತ್ತದೆ.

ಬೇಗೆ ಮತ್ತು ಬೇಡಿಕೆ:

ಈ ವರ್ಷ, ರಂಜಾನ್ ಬೇಸಿಗೆಯ ಋತುವಿನಲ್ಲಿ ಬಂದಿರುವುದರಿಂದ, ಹಣ್ಣುಗಳಿಗೆ ಭಾರಿ ಬೇಡಿಕೆಯಿದೆ. ಬಿಸಿಲಿನ ಏರಿಕೆಯೊಂದಿಗೆ, ಕಲ್ಲಂಗಡಿಗೆ ಬೇಡಿಕೆ ಹೆಚ್ಚಾಗಿದೆ, ಇದು ಬೆಲೆಯಲ್ಲಿ ಸ್ವಲ್ಪ ಹೆಚ್ಚಳಕ್ಕೆ ಕಾರಣವಾಗಿದೆ. ಹಸಿರು ದ್ರಾಕ್ಷಿ, ಕಿತ್ತಳೆ, ಅನಾನಸ್ ಮತ್ತು ಪಪ್ಪಾಯಿಯಂತಹ ಹಣ್ಣುಗಳ ಬೇಡಿಕೆ ತುಲನಾತ್ಮಕವಾಗಿ ಕಡಿಮೆಯಾಗಿದ್ದರೂ, ಅವುಗಳ ಬೆಲೆಯಲ್ಲಿ ಯಾವುದೇ ಪ್ರಮುಖ ಬದಲಾವಣೆಯಾಗಿಲ್ಲ. ಹೆಚ್ಚುತ್ತಿರುವ ಬೇಡಿಕೆಯಿಂದಾಗಿ ಮುಂಬರುವ ದಿನಗಳಲ್ಲಿ ಬೆಲೆಗಳು ಕಡಿಮೆಯಾಗುವ ಸಾಧ್ಯತೆಯಿಲ್ಲ ಎಂದು ವ್ಯಾಪಾರಿಗಳು ಸೂಚಿಸುತ್ತಾರೆ.

ರಂಜಾನ್ ಮಾಸಾರಂಭದಲ್ಲೇ ಮಾವಿನ ಹಣ್ಣಿಗೆ 180 ರಿಂದ 300 ರೂ.ವರೆಗೆ ಬೆಲೆ ಏರಿಕೆಯಾಗಿತ್ತು. ಆಪಲ್‍ಗೂ ದರ ಹೆಚ್ಚಳವಿದೆ. ತುರ್ಕಿ, ಇರಾನ್, ಫ್ರಾನ್ಸ್ ಎಂಬೆಡೆಗಳಿಂದ ತಲುಪುವ ಆಪಲ್‍ಗಳಿಗೆ ಕಿಲೋಗೆ ಬೆಲೆ 200ರಿಂದ 300 ರೂ.ವರೆಗಿದೆ. ಆದರೆ ನೇಂದ್ರ ಬಾಳೆ ಹಣ್ಣಿನ ತೀರಾ ಅಗ್ಗದ ಬೆಲೆ ಗ್ರಾಹಕರಿಗೆ ಖುಷಿ ನೀಡಿದರೂ ಕೃಷಿಕರಿಗೆ ತೀವ್ರ ನಿರಾಸೆಗೆ ಕಾರಣವಾಗಿದೆ.

ಅಭಿಮತ:

ಹಣ್ಣುಗಳಲ್ಲಿ ಈಗ ನೇಂದ್ರ ಬಾಳೆ ಹಣ್ಣಿಗೆ ತೀವ್ರ ಬೆಲೆ ಕುಸಿತವಿದೆ. 100 ರೂ.ಗೆ 4 ಕೆಜಿ ಬಾಳೆಹಣ್ಣು ವಿತರಿಸುತ್ತಿರುವೆ. ಇದರಿಂದ ಭಾರೀ ಬೇಡಿಕೆ ಇದೆ. ಆದರೆ, ಕೃಷಿಕರ ಮಟ್ಟಿಗೆ ಹೇಳುವುದಾದರೆ ಇದು ನಷ್ಟದ ವ್ಯವಹಾರವಾಗಿದೆ.

ಇತ್ತೀಚೆಗೆ ಕೇರಳದಾದ್ಯಂತ ಹಿತ್ತಲು-ಹಿತ್ತಲುಗಳಲ್ಲೂ ದೊಡ್ಡ ಪ್ರಮಾಣದ ನೇಂದ್ರ ಕೃಷಿ ಹೆಚ್ಚಿರುವುದು ಬೆಲೆ ಇಳಿಕೆಗೆ ಕಾರಣವೆನ್ನಲಾಗಿದೆ. ಜೊತೆಗೆ ಅನ್ಯ ಪ್ರದೇಶಗಳಲ್ಲೂ ನೇಂದ್ರ ಬೆಳೆಯುತ್ತಿದ್ದು, ಇಲ್ಲಿಂದ ರಫ್ತಾಗುವ ಸಾಧ್ಯತೆ ಕಡಿಮೆ. ಇದರಿಂದ ಸಾಕಷ್ಟು ಲಭ್ಯತೆಯ ಕಾರಣ ಬೆಲೆ ಕಡಿತದಲ್ಲಿ ಮಾರಾಟಮಾಡಲಾಗುತ್ತಿದೆ.

-ರೌಫ್.

ನೇಂದ್ರ ಬಾಳೆ ಹಣ್ಣಿನ ವ್ಯಾಪಾರಿ ಕುಂಬಳೆ.