ಎಡಿಎಂ ನವೀನ್ ಬಾಬು ಸಾವು; ಹೆಚ್ಚಿನ ತನಿಖೆಗೆ ನ್ಯಾಯಾಲಯ ಆದೇಶ, ಪಿಪಿ ದಿವ್ಯಾ ಅವರ ಸಂಪೂರ್ಣ ಪೋನ್ ವಿವರಗಳ ಸಂಗ್ರಹಕ್ಕೆ ನಿರ್ದೇಶನ

ಕಣ್ಣೂರು: ಎಡಿಎಂ ನವೀನ್ ಬಾಬು ಸಾವಿನ ಕುರಿತು ಹೆಚ್ಚಿನ ತನಿಖೆಗೆ ತಲಶ್ಶೇರಿ ಜಿಲ್ಲಾ ಸೆಷನ್ಸ್ ನ್ಯಾಯಾಲಯ ಆದೇಶಿಸಿದೆ. ನ್ಯಾಯಾಲಯವು ನಾಲ್ಕು ವಿಷಯಗಳ ಕುರಿತು ತನಿಖಾ ವರದಿಯನ್ನು ಸಲ್ಲಿಸಲು ನಿರ್ದೇಶಿಸಿದೆ. 

ಮುಂದಿನ ತನಿಖೆಗೆ ಭಾಗಶಃ ಮಾತ್ರ ಅವಕಾಶ ನೀಡಲಾಗಿದೆ. ನವೀನ್ ಬಾಬು ಅವರ ಪತ್ನಿ ಸಲ್ಲಿಸಿದ ಅರ್ಜಿಯ ಮೇರೆಗೆ ನ್ಯಾಯಾಲಯ ಕ್ರಮ ಕೈಗೊಂಡಿದೆ.

ಪಿಪಿ ದಿವ್ಯಾ ಅವರ ಸಂಪೂರ್ಣ ಪೋನ್ ವಿವರಗಳನ್ನು ಸಂಗ್ರಹಿಸಲು ನ್ಯಾಯಾಲಯ ನಿರ್ದೇಶಿಸಿದೆ. ನವೀನ್ ಬಾಬು ಅವರ ಪತ್ನಿ ಮಂಜುಷಾ ಅವರು ಚಾರ್ಜ್‍ಶೀಟ್‍ನಲ್ಲಿ 13 ದೋಷಗಳನ್ನು ಎತ್ತಿ ತೋರಿಸುತ್ತಾ ನ್ಯಾಯಾಲಯದ ಮೊರೆ ಹೋದರು.

ಆಡಳಿತ ಪಕ್ಷದ ಭಾಗವಾಗಿದ್ದರೂ, ಆರೋಪಿಗಳು ಸರಿಯಾದ ಪುರಾವೆಗಳನ್ನು ಸಂಗ್ರಹಿಸಲಿಲ್ಲ ಮತ್ತು ಪ್ರಶಾಂತನ್ ಅವರಿಂದ ಲಂಚ ಪಡೆದಿದ್ದಾರೆ ಎಂದು ಸುಳ್ಳು ಪ್ರಕರಣವನ್ನು ಸೃಷ್ಟಿಸಲು ಪ್ರಯತ್ನಿಸಿದ್ದಾರೆ ಎಂದು ಅರ್ಜಿಯಲ್ಲಿ ವಾದಿಸಲಾಗಿದೆ.

ಪಿಪಿ ದಿವ್ಯಾ ಮತ್ತು ಪ್ರಶಾಂತನ್ ನಡುವಿನ ಫೆÇೀನ್ ಕರೆ ದಾಖಲೆಗಳು ಮತ್ತು ಚಾಟ್‍ಗಳನ್ನು ಎಸ್‍ಐಟಿ ಪರಿಶೀಲಿಸಲಿಲ್ಲ, ಪಿಪಿ ದಿವ್ಯಾ ಅವರ ಅಳಿಸಲಾದ ಚಾಟ್‍ಗಳನ್ನು ಮರುಪಡೆಯಬೇಕು ಮತ್ತು ಆರೋಪಿಯ ಪೋನ್ ಅನ್ನು ವಿಧಿವಿಜ್ಞಾನ ಪರೀಕ್ಷೆಗೆ ಒಳಪಡಿಸಬೇಕು ಎಂದು ಅರ್ಜಿಯಲ್ಲಿ ಒತ್ತಾಯಿಸಲಾಗಿದೆ.