ಕುಂಬಳೆ ರೈಲು ನಿಲ್ದಾಣದ ಕ್ಯಾಂಟೀನ್ ಮುಚ್ಚುಗಡೆ: ಪರ್ಯಾಯ ಸೌಲಭ್ಯಗಳಿಲ್ಲದೆ ಪ್ರಯಾಣಿಕರ ಪರದಾಟ- ರೋಗಿಗಳು ಮತ್ತು ವಿದ್ಯಾರ್ಥಿಗಳು ಸಂಕಷ್ಟದಲ್ಲಿ

ಕುಂಬಳೆ: ಕುಂಬಳೆ ರೈಲು ನಿಲ್ದಾಣದಲ್ಲಿ ಕಟ್ಟಡದ ನವೀಕರಣದ ಭಾಗವಾಗಿ ಅಸ್ತಿತ್ವದಲ್ಲಿರುವ ಕ್ಯಾಂಟೀನ್ ಅನ್ನು ಮುಚ್ಚಿರುವುದು ಪ್ರಯಾಣಿಕರಿಗೆ ದೊಡ್ಡ ಸಂಕಷ್ಟವಾಗಿ ಪರಿಣಮಿಸಿದೆ. ಯಾವುದೇ ಪರ್ಯಾಯ ಸೌಲಭ್ಯಗಳಿಲ್ಲದೆ ಹೊಸ ಕಟ್ಟಡ ನಿರ್ಮಿಸಲು ಕ್ಯಾಂಟೀನ್ ಅನ್ನು ಸಂಪೂರ್ಣವಾಗಿ ಮುಚ್ಚಲಾಗಿದೆ. 

ಪ್ರಯಾಣಿಕರ ಸಂಕಷ್ಟ:

ಬೆಳಗ್ಗೆ ರೈಲ್ವೆ ನಿಲ್ದಾಣಕ್ಕೆ ಬರುವ ವಿದ್ಯಾರ್ಥಿಗಳು ಮತ್ತು ದೂರದ ಸ್ಥಳಗಳ ಆಸ್ಪತ್ರೆಗಳಿಗೆ ಹೋಗಲು ಬರುವ ರೋಗಿಗಳು ಇದರಿಂದ ಹೆಚ್ಚು ತೊಂದರೆ ಅನುಭವಿಸುತ್ತಿದ್ದಾರೆ. ನಿಲ್ದಾಣಕ್ಕೆ ಬರುವವರು ಚಹಾ-ತಿಂಡಿ ಸೇವಿಸಲು ಈ ಕ್ಯಾಂಟೀನ್ ಅನ್ನು ಅವಲಂಬಿಸಿದ್ದರು.

ನಿಲ್ದಾಣದಲ್ಲಿ ಕುಡಿಯುವ ನೀರನ್ನು ಪಡೆಯಲೂ ಈಗ ಬೇರೆ ದಾರಿಯಿಲ್ಲ. ನಿಲ್ದಾಣದ ಕ್ಯಾಂಟೀನ್ ಮುಚ್ಚಿರುವುದು ಪ್ರಯಾಣಿಕರಿಗೆ ಎರಡು ಪಟ್ಟು ತೊಂದರೆ ಉಂಟುಮಾಡಿದೆ. ಇದರಿಂದ ರೈಲುಗಳ ಸಾಮಾನ್ಯ ವಿಭಾಗಗಳಲ್ಲಿ ಪ್ರಯಾಣಿಸುವವರಿಗೆ ಸಾಮಾನ್ಯವಾಗಿ ನೀರು ಮತ್ತು ಚಹಾ ಲಭಿಸದಿರುವುದು ಪ್ರಯಾಣಿಕರನ್ನು ಸಂಕಷ್ಟಕ್ಕೊಳಪಡಿಸಿದೆ. 

ಹಂತ ಹಂತದ ನವೀಕರಣ:

ಕುಂಬಳೆ ರೈಲು ನಿಲ್ದಾಣದಲ್ಲಿ ಮೂಲಭೂತ ಸೌಲಭ್ಯಗಳ ಕೊರತೆಯ ಬಗ್ಗೆ ದೂರುಗಳು ಬಂದ ನಂತರ, ರೈಲ್ವೆ ಇಲಾಖೆ ಹಂತ ಹಂತವಾಗಿ ನವೀಕರಣ ಕಾರ್ಯವನ್ನು ಕೈಗೊಳ್ಳುತ್ತಿದೆ. ಪ್ಲಾಟ್‍ಫಾರ್ಮ್‍ಗಳನ್ನು ಈಗಾಗಲೇ ಟೈಲ್ಸ್ ಮಾಡಲಾಗಿದೆ. ವಿಶ್ರಾಂತಿ ಕೊಠಡಿಗಳು ಮತ್ತು ಶೌಚಾಲಯಗಳನ್ನು ನವೀಕರಿಸಲಾಗಿದೆ.

ಪ್ರಸ್ತುತ, ಪ್ರಯಾಣಿಕರು ಪ್ಲಾಟ್‍ಫಾರ್ಮ್‍ಗಳನ್ನು ತಲುಪಲು ಸುಲಭವಾಗುವಂತೆ ಲಿಫ್ಟ್ ನಿರ್ಮಿಸಲಾಗುತ್ತಿದೆ. ಇದರ ನಾಲ್ಕನೇ ಹಂತವಾಗಿ ಕ್ಯಾಂಟೀನ್‍ಗೆ ಹೊಸ ಕಟ್ಟಡವನ್ನು ನಿರ್ಮಿಸಲು ನಿರ್ಧರಿಸಲಾಗಿದೆ. ಆದಾಗ್ಯೂ, ಈ ಉದ್ದೇಶಕ್ಕಾಗಿ ಹಳೆಯ ಕಟ್ಟಡವನ್ನು ಮುಚ್ಚಿದಾಗ, ಪ್ರಯಾಣಿಕರಿಗೆ ಆಹಾರ ಪಡೆಯುವ ಸೌಲಭ್ಯವನ್ನು ರೈಲ್ವೆ ಪರಿಗಣಿಸಲಿಲ್ಲ.

ಪರ್ಯಾಯ ವ್ಯವಸ್ಥೆಗೆ ಬೇಡಿಕೆ:

ಕ್ಯಾಂಟೀನ್ ಅನ್ನು ಸಂಪೂರ್ಣವಾಗಿ ಮುಚ್ಚುವ ಬದಲು, ಕ್ಯಾಂಟೀನ್ 'ತಟ್ಟುಕಡ'(ಕೇರಳದ ಗೂಡಂಗಡಿ) ಮಾದರಿಯಲ್ಲಿ ತಾತ್ಕಾಲಿಕವಾಗಿ ಬೇರೆ ಸ್ಥಳಕ್ಕೆ ಸ್ಥಳಾಂತರಿಸಬೇಕೆಂದು ಪ್ರಯಾಣಿಕರು ಒತ್ತಾಯಿಸುತ್ತಿದ್ದಾರೆ.