ಕುಡಿದು ತಲೆಗೇರಿದ ಗೈಡ್: ದಾರಿ ತಿಳಿಯದೆ ರಾತ್ರಿಯಿಡೀ ಅಲೆದಾಡಿದ ವಿದೇಶಿ ಪ್ರವಾಸಿಗ

ಕೊಟ್ಟಿಯಮ್ : ಪ್ರವಾಸಿ ಮಾರ್ಗದರ್ಶಿ ಕುಡಿದು ಪ್ರಜ್ಞೆ ತಪ್ಪಿದ ಕಾರಣ, ಬ್ರಿಟಿಷ್ ಪ್ರವಾಸಿ ಮಧ್ಯರಾತ್ರಿಯಲ್ಲಿ ಅಲೆದಾಡಿದ ಘಟನೆ ವರದಿಯಾಗಿದೆ. ಅವರು ಎಲ್ಲಿ ಉಳಕೊಳ್ಳಬೇಕೆಂದು ವಸತಿಯ ದಾರಿ ತಿಳಿಯದೆ ರಾತ್ರಿಯಿಡೀ ನಡೆದು ಹೈರಾಣರಾದರು. ಕೊನೆಗೆ, ಕಿಟ್ ಪ್ಯಾಟ್ರಿಕ್ ಜಾನ್ (19) ಎಂಬ ವಿದೇಶಿ ಶನಿವಾರ ಬೆಳಿಗ್ಗೆ 4 ಗಂಟೆಗೆ ಕೊಟ್ಟಿಯಂ ಬಳಿಯ ಮಯ್ಯನಾಡ್‍ನ ಧವಳಕ್ಕುಳಿನ ಕೊಡವಿಲಾ ಪಡಿಂಜರತಲ್‍ನಲ್ಲಿರುವ ವಿಷ್ಣು ಅವರ ಮನೆಗೆ ತಲುಪಿ ಗೇಟ್ ತಟ್ಟಿದರು. ಎಚ್ಚರಗೊಂಡ ಕುಟುಂಬ ಸದಸ್ಯರು ವಿದೇಶಿಯರನ್ನು ನೋಡಿ ಆಶ್ಚರ್ಯಚಕಿತರಾದರು. 

ಸ್ಥಳೀಯರು ಮತ್ತು ಪಂಚಾಯತ್ ಸದಸ್ಯ ಡಿ. ಸ್ಟಾಲಿನ್ ಕುಮಾರ್ ಅವರಿಗೆ ಮಾಹಿತಿ ನೀಡಲಾಯಿತು. ಯುವಕ ದಾರಿ ತಪ್ಪಿ ರಾತ್ರಿಯಲ್ಲಿ ತಾನು ವಾಸಿಸುತ್ತಿರುವ ಲಾಡ್ಜ್ ತಿಳಿಯದೆ ನಡೆದುಕೊಂಡು ಹೋಗುತ್ತಿದ್ದೇನೆ ಎಂದು ಹೇಳಿದರು. ರಾಷ್ಟ್ರೀಯ ಹೆದ್ದಾರಿಗೆ ಕರೆದೊಯ್ದರೆ ಲಾಡ್ಜ್ ಸಿಗಬಹುದು ಎಂದು ಅವರು ಹೇಳಿದರು. ಅವರ ಪಾಸ್ ಪೋರ್ಟ್‍ನಿಂದ ಅವರನ್ನು ಬ್ರಿಟಿಷ್ ಪ್ರಜೆ ಎಂದು ಗುರುತಿಸಿದ ನಂತರ, ಎರವಿಪುರಂ ಪೋಲೀಸರಿಗೆ ಮಾಹಿತಿ ನೀಡಲಾಯಿತು. ಪೋಲೀಸರು ಸ್ಥಳಕ್ಕೆ ಆಗಮಿಸಿ ಆತನನ್ನು ಠಾಣೆಗೆ ಕರೆದೊಯ್ದರು.

ತಪಾಸಣೆ ನಡೆಸಿದಾಗ, ಆತನ ಬಳಿಯಿದ್ದ ಎಲ್ಲಾ ದಾಖಲೆಗಳು ಸರಿಯಾಗಿವೆ ಎಂದು ಕಂಡುಬಂದಿದೆ. ಆತ ಕೊಲ್ಲಂ ಪಟ್ಟಣದ ಹೋಟೆಲ್‍ನಲ್ಲಿ ಕೊಠಡಿ ಕಾಯ್ದಿರಿಸಿದ್ದ. ಆತನ ಮಾರ್ಗದರ್ಶಿಯಾಗಿದ್ದ ವ್ಯಕ್ತಿ ಕೊಟ್ಟಿಯಂ ಮೂಲದವನು. ಇಬ್ಬರೂ ಮೊದಲು ಕೊಲ್ಲಂನ ಬಾರ್‍ಗೆ ಹೋಗಿ ನಂತರ ಮೂಗಿನ ವರೆಗೂ ಕುಡಿದಿದ್ದರು. ಗೈಡ್ ಕುಡಿದು ಪ್ರಜ್ಞೆ ತಪ್ಪಿದ ನಂತರ ಪ್ರವಾಸಿ ಅನಾಥನಾಗಿ ಅಲೆದಾಡಬೇಕಾಯಿತು.