ಕೆಲಸ ಕಳಕೊಂಡು ತಿರುಗಾಡುತ್ತಿರುವ ಯಮ ಧರ್ಮ: ಯುಡಿಎಫ್ ಸರ್ಕಾರ ಬಂದರೆ ಜಾರಿಗೆ ತರುವುದಾಗಿ ಘೋಷಿಸಲಾದ ಯೋಜನೆಯಿಂದ ಕೆಲಸ ಕಳೆದುಕೊಂಡ ಯಮನ ಬಗೆಗಿನ ಜಾಹಿರಾತು

ಕೊಟ್ಟಾಯಂ: ತನ್ನ ಕೋಣನನ್ನು ಮಾರಿ ಉದ್ಯೋಗ ಹುಡುಕುತ್ತಿರುವ ಯಮನ ಚಿತ್ರ ಇದೀಗ ಭಾರೀ ಚರ್ಚೆಗೊಳಗಾಗಿದೆ. ಭವಿಷ್ಯದ ಕೇರಳದ ಸ್ಪಷ್ಟ ಚಿತ್ರಣವನ್ನು ಚಿತ್ರಿಸುವ ಕಾಂಗ್ರೆಸ್ ಜಾಹೀರಾತು ಹೆಚ್ಚಿನ ಗಮನ ಸೆಳೆಯುತ್ತಿದೆ. 

ಯುಡಿಎಫ್‍ನ ಇಂದಿರಾ ಗ್ಯಾರಂಟಿಯ ಪ್ರಮುಖ ಭರವಸೆಯಾದ ಎಲ್ಲಾ ಕುಟುಂಬಗಳಿಗೆ 25 ಲಕ್ಷ ರೂ.ಗಳ ಉಮ್ಮನ್ ಚಾಂಡಿ ಆರೋಗ್ಯ ವಿಮೆ ಬಂದಾಗ ಯಮ ಧರ್ಮರಾಯ  ಕೂಡ ಕೆಲಸದಿಂದ ಹೊರಗುಳಿಯುತ್ತಾರೆ ಎಂದು ಜಾಹೀರಾತು ಸ್ಪಷ್ಟಪಡಿಸುತ್ತದೆ. ಉದ್ಯೋಗವನ್ನು ಹುಡುಕುತ್ತಾ ಯಮಧರ್ಮ ಕೇರಳದ ಪ್ರತಿಯೊಂದು ಸ್ಥಳದಲ್ಲೂ ಓಡಾಡುತ್ತಿರುವ ಚಿತ್ರ ಗಮನ ಸೆಳೆದಿದೆ. 

ಯುಡಿಎಫ್ ಸರ್ಕಾರ ಬಂದಾಗ ಜಾರಿಗೆ ತರುವುದಾಗಿ ಘೋಷಿಸಲಾದ ಯೋಜನೆಯು ತನ್ನ ಕೆಲಸವನ್ನು ಕಳೆದುಕೊಳ್ಳುವಂತೆ ಮಾಡುತ್ತದೆ ಎಂದು ಹೆದರಿದ್ದ ಯಮ ಬೇರೆ ಉದ್ಯೋಗವನ್ನು ಹುಡುಕಲು ಪ್ರಾರಂಭಿಸಿದರು ಎಂದು ಜಾಹೀರಾತಿನಲ್ಲಿ ಉತ್ಪ್ರೇಕ್ಷೆಗೊಳಪಡಿಸಿ ಹೇಳಲಾಗಿದೆ.

ಈ ಹಿಂದೆ, ಉಮ್ಮೆನ್ ಚಾಂಡಿ ಸರ್ಕಾರದ ಅವಧಿಯಲ್ಲಿ ಪ್ರಾರಂಭವಾದ ಕಾರುಣ್ಯ ಚಿಕಿತ್ಸಾ ಯೋಜನೆಯು ಕೇರಳಕ್ಕೆ ದೊಡ್ಡ ಪರಿಹಾರವನ್ನು ನೀಡಿತ್ತು.

ಲಕ್ಷಾಂತರ ಜನರಿಗೆ ಕೋಟ್ಯಂತರ ರೂಪಾಯಿ ವೈದ್ಯಕೀಯ ನೆರವು ನೀಡುತ್ತಿದ್ದ ಈ ಯೋಜನೆಯನ್ನು ನಂತರ ಎಡಪಕ್ಷ ಸರ್ಕಾರ ಹಾಳುಗೆಡವಿತು. ಯುಡಿಎಫ್ ಮತ್ತೆ ಅಧಿಕಾರಕ್ಕೆ ಬಂದರೆ ಕೇರಳದಲ್ಲಿ ಉಮ್ಮನ್ ಚಾಂಡಿ ಆರೋಗ್ಯ ವಿಮಾ ಯೋಜನೆಯನ್ನು ಜಾರಿಗೆ ತರಲಾಗುವುದು ಎಂದು ರಾಹುಲ್ ಗಾಂಧಿ ಘೋಷಿಸಿದ್ದಾರೆ.

ಈ ಯೋಜನೆಯು ಪ್ರತಿ ಕುಟುಂಬಕ್ಕೆ 25 ಲಕ್ಷ ರೂ.ಗಳ ಆರೋಗ್ಯ ವಿಮಾ ರಕ್ಷಣೆಯನ್ನು ಖಾತರಿಪಡಿಸುತ್ತದೆ. ವೈದ್ಯಕೀಯ ವೆಚ್ಚಗಳಿಂದಾಗಿ ಚಿಕಿತ್ಸೆಯನ್ನು ಮುಂದೂಡುವವರಿಗೆ ಉತ್ತಮ ಚಿಕಿತ್ಸೆಯನ್ನು ಒದಗಿಸುವ ಗುರಿಯನ್ನು ಹೊಂದಿದೆ. ಹೆಚ್ಚುತ್ತಿರುವ ವೈದ್ಯಕೀಯ ವೆಚ್ಚಗಳ ಹಿನ್ನೆಲೆಯಲ್ಲಿ ರೋಗಿಗಳಿಗೆ ಆರ್ಥಿಕ ಭದ್ರತೆಯನ್ನು ಖಚಿತಪಡಿಸುವುದು ಈ ಯೋಜನೆಯ ಗುರಿಯಾಗಿದೆ.