ಇರಾನ್‌ ನಿಂದ ಸುರಕ್ಷಿತವಾಗಿ ಹೊರಬಂದ ಯುಎಸ್ ಏರ್‌ಮ್ಯಾನ್

 ವಾಷಿಂಗ್ಟನ್ : ಇರಾನ್‌ನಲ್ಲಿ ನಡೆದ ಉದ್ವಿಗ್ನ ಬೆಳವಣಿಗೆಗಳ ನಡುವೆಯೇ ರಕ್ಷಿಸಲ್ಪಟ್ಟ ಅಮೆರಿಕದ ವಾಯುಪಡೆಯ ಎರಡನೇ ಏರ್‌ಮ್ಯಾನ್ ಇದೀಗ ಸುರಕ್ಷಿತವಾಗಿ ದೇಶದಿಂದ ಹೊರಬಂದಿದ್ದಾರೆ ಎಂದು ಅಮೆರಿಕದ ಸರ್ಕಾರಿ ಅಧಿಕಾರಿ ದೃಢಪಡಿಸಿದ್ದಾರೆ.

ಈ ಘಟನೆ ಇನ್ನೂ ಮುಂದುವರಿಯುತ್ತಿರುವ ಸಂಕೀರ್ಣ ಬೆಳವಣಿಗೆಯ ಭಾಗವಾಗಿದೆ. 

ಎರಡು ದಿನಗಳ ಕಾಲ ಇರಾನಿನ ಅಧಿಕಾರಿಗಳನ್ನು ತಪ್ಪಿಸಿಕೊಂಡು ಅಡಗಿಕೊಂಡಿದ್ದ ಏರ್‌ಮ್ಯಾನ್‌ ರನ್ನು ಕೊನೆಗೂ ಪತ್ತೆಹಚ್ಚಲಾಗಿತ್ತು. ನಂತರ ಯುಎಸ್ ಪಡೆಗಳು ಸಾಹಸಮಯ ಕಾರ್ಯಾಚರಣೆ ನಡೆಸಿ ಅವರನ್ನು ರಕ್ಷಿಸಿವೆ ಎಂದು ಂಟರಿಚಿzeeಡಿಚಿ ವರದಿ ಮಾಡಿದೆ.

ರಕ್ಷಣಾ ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ್ದ ಪಡೆಗಳ ವಿವರಗಳನ್ನು ಅಧಿಕೃತವಾಗಿ ಬಹಿರಂಗಪಡಿಸಲಾಗಿಲ್ಲ. ಆದರೆ ಅವು ವಿಶೇಷ ಕಾರ್ಯಾಚರಣೆ ಪಡೆಗಳಾಗಿರಬಹುದೆಂದು ಅಂದಾಜಿಸಲಾಗಿದೆ.

ರಾತ್ರಿ ಹೊತ್ತು ಆರಂಭವಾದ ಈ ಕಾರ್ಯಾಚರಣೆ ಬೆಳಗಿನ ಜಾವ ಅಂತ್ಯಗೊಂಡಿತು. ಕಾರ್ಯಾಚರಣೆಯ ವೇಳೆ ಭಾರೀ ಗುಂಡಿನ ಚಕಮಕಿ ನಡೆದಿದ್ದು, ಏರ್‌ಮ್ಯಾನ್ ಇರುವ ಸ್ಥಳದ ಕುರಿತು ಇರಾನಿನ ಅಧಿಕಾರಿಗಳಿಗೆ ಮಾಹಿತಿ ಇತ್ತು ಎಂದು ತಿಳಿದು ಬಂದಿದೆ. ಆ ಸಿಬ್ಬಂದಿಯ ವಿವರಗಳ ಕುರಿತು ಯಾವುದೇ ಮಾಹಿತಿ ಲಭ್ಯವಾಗಿಲ್ಲ.

ರಕ್ಷಣಾ ಕಾರ್ಯಾಚರಣೆ ವೇಳೆ ಭಾಗವಹಿಸಿದ್ದ ಸೈನಿಕರಿಗೆ ಸಾಕಷ್ಟು ಅಪಾಯ ಎದುರಾಗಿದ್ದರೂ, ಕಾರ್ಯಾಚರಣೆ ಯಶಸ್ವಿಯಾಯಿತು. ಈ ಸಂದರ್ಭದಲ್ಲಿ ಏರ್‌ಮ್ಯಾನ್ ಸೇರಿದಂತೆ ಇತರರು ಗಂಭೀರ ಅಪಾಯದಲ್ಲಿದ್ದರು ಎಂದು ತಿಳಿದುಬಂದಿದೆ.

ಇದೀಗ ಅಮೆರಿಕದ ಅಧಿಕಾರಿಗಳು ದೃಢಪಡಿಸಿರುವಂತೆ, ರಕ್ಷಿಸಲ್ಪಟ್ಟ ಆ ವಾಯುಪಡೆಯ ಸಿಬ್ಬಂದಿ ಇರಾನ್‌ನಿಂದ ಸುರಕ್ಷಿತವಾಗಿ ಹೊರಬಂದಿದ್ದು, ಅಪಾಯದಿಂದ ಪಾರಾಗಿದ್ದಾರೆ.