ವಿಷು ಸ್ವಾಗತಿಸಲು ಸಜ್ಜಾದ ಕೇರಳದ ಮಾರುಕಟ್ಟೆ: ಚಿನ್ನದ ಬಣ್ಣದ ಸೌತೆಕಾಯಿಗಳು ಕೂಡ ಮಾರುಕಟ್ಟೆಯಲ್ಲಿ- ಬಿಸಿಲಿನ ಝಳ ಹೆಚ್ಚಳ, ಹಣ್ಣುಗಳಿಗೆ ಬೇಡಿಕೆ

ಕೊಚ್ಚಿ: ವಿಷು ಸ್ವಾಗತಿಸಲು ಕೇರಳದ ಮಾರುಕಟ್ಟೆ ಸಜ್ಜಾಗಿದೆ. ಸೌತೆಕಾಯಿಗಳು ಮತ್ತು ಕಣಿ ತಯಾರಿಸಲು ಬಳಸುವ ಮೈಸೂರು ಕುಂಬಳಕಾಯಿ ಎರಡೂ ಮಾರುಕಟ್ಟೆಗೆ ಬಂದಿವೆ. ಸೌತೆಕಾಯಿಗಳ ಸಗಟು ಬೆಲೆ ಕೆಜಿಗೆ 40 ರೂ. ಇದೇ ವೇಳೆ, ತಮಿಳುನಾಡಿನಿಂದ 20-30 ರೂ.ಗೆ ಲಭ್ಯವಿರುವ ಹಸಿರು ಮತ್ತು ಬಿಳಿ ಸೌತೆಕಾಯಿಗಳು ಸಹ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಹಸಿರು ಸೌತೆಕಾಯಿಗಳು ಕೆಜಿಗೆ 25 ರೂ. ಮತ್ತು ಮಾಗಿದವು 40 ರೂ. ಬೆಲೆಯಲ್ಲಿ ಲಭ್ಯವಿದೆ. 

ಈ ಮಧ್ಯೆ, ಬೇಸಿಗೆಯ ಕಾರಣ ತರಕಾರಿಗಳ ಬೆಲೆ ಸ್ವಲ್ಪ ಹೆಚ್ಚಾಗಿದೆ. ಮಾರುಕಟ್ಟೆ ಬೆಲೆಗಳು ಹೀಗಿವೆ: ನಿಂಬೆ 150, ಈರುಳ್ಳಿ 30, ಆಲೂಗಡ್ಡೆ 35, ಸಣ್ಣ ಈರುಳ್ಳಿ 60, ಟೊಮೆಟೊ 35, ಕ್ಯಾರೆಟ್ 45, ಬೀಟ್ರೂಟ್ 40, ಗೆಣಸು 25, ಪಡವಲಕಾಯಿ 30, ಶುಂಠಿ 90, ಬಾಳೆಹಣ್ಣು 44, ಬೀನ್ಸ್ -65, ಹಸಿರು ಮೆಣಸಿನಕಾಯಿ 80, ಬೆಳ್ಳುಳ್ಳಿ -180 ಎಂಬಂತೆ ಬೆಲೆಗಳಿವೆ.

ಪಶ್ಚಿಮ ಏಷ್ಯಾದ ಸಂಘರ್ಷದ ನಂತರ ಗಲ್ಫ್‍ಗೆ ತರಕಾರಿ ಮತ್ತು ಸೌತೆಕಾಯಿ ರಫ್ತು ತೀವ್ರವಾಗಿ ಕುಸಿದಿರುವುದು ಸ್ಥಳೀಯ ಬೆಲೆಗಳು ಗಮನಾರ್ಹವಾಗಿ ಹೆಚ್ಚಾಗದಿರಲು ಕಾರಣ ಎಂದು ವ್ಯಾಪಾರಿಗಳು ಹೇಳುತ್ತಾರೆ. ತರಕಾರಿಗಳು ಸೇರಿದಂತೆ ಅಗತ್ಯ ವಸ್ತುಗಳನ್ನು ಸಮಂಜಸ ಬೆಲೆಯಲ್ಲಿ ಲಭ್ಯವಾಗುವಂತೆ ಮಾಡಲು ಕುಟುಂಬಶ್ರೀ ಮಾರುಕಟ್ಟೆಗಳು ಕೂಡಾ ಕಾರ್ಯನಿರ್ವಹಿಸುತ್ತಿವೆ. ಹೆಚ್ಚುತ್ತಿರುವ ಬಿಸಿಲಿನಿಂದಾಗಿ, ಹಣ್ಣುಗಳಿಗೆ ಹೆಚ್ಚಿನ ಬೇಡಿಕೆಯೂ ಇದೆ. ಇದರೊಂದಿಗೆ, ಹಣ್ಣುಗಳ ಬೆಲೆಗಳು ಹೆಚ್ಚಾಗಿದೆ.