ದುರಸ್ತಿ ಕೆಲಸ ಹಿನ್ನೆಲೆ-ಕಾಸರಗೋಡು ಸೇರಿದಂತೆ ನಾಲ್ಕು ಜಿಲ್ಲೆಗಳಲ್ಲಿ ವಾರ ಕಾಲ ವಿದ್ಯುತ್ ವ್ಯತ್ಯಯ

ಕಾಸರಗೋಡು: ಕೇರಳದ ನಾಲ್ಕು ಜಿಲ್ಲೆಗಳಲ್ಲಿ ಮುಂದಿನ ಒಂದು ವಾರ ಕಾಲ ವಿದ್ಯುತ್ ಪೂರೈಕೆಯಲ್ಲಿ ಆಂಶಿಕ ವ್ಯತ್ಯಯವುಂಟಾಗಲಿದೆ. ಕಾಸರಗೋಡು, ಕಣ್ಣೂರು, ಕೋಯಿಕ್ಕೋಡ್, ವಯನಾಡ್,   ಜಿಲ್ಲೆಗಳಲ್ಲಿ ಈ ನಿಯಂತ್ರಣವಿರಲಿದೆ. 

ಪವರ್ ಗ್ರೀಡ್ ನಿಗಮದ ಕೋಯಿಕ್ಕೋಡ್‍ನಲ್ಲಿರುವ 400ಕೆವಿ ಸಬ್ ಸ್ಟೇಷನ್ ನಲ್ಲಿ ಟ್ರಾನ್ಸ್‍ಫಾರ್ಮರ್ ದುರಸ್ತಿ ಕೆಲಸ ನಡೆಯಲಿರುವುದರಿಂದ ಮೇ 18ರ ವರೆಗೆ ಆಂಶಿಕವಾಗಿ  ವಿದ್ಯುತ್ ಮೊಟಕುಗೊಳ್ಳಲಿರುವುದಾಗಿ ಕೆಎಸ್‍ಇಬಿ ಪ್ರಕಟಣೆ ತಿಳಿಸಿದೆ. 

ಕೋಝಿಕ್ಕೋಡ್ ಪವರ್ ಗ್ರಿಡ್ ಕಾರ್ಪೋರೇಷನ್ ಸಬ್‍ಸ್ಟೇಷನ್‍ನಲ್ಲಿ ತಾಂತ್ರಿಕ ದೋಷ ಕಂಡುಬಂದ ಕಾರಣ, ಮುಂದಿನ ಏಳು ದಿನಗಳವರೆಗೆ ವಯನಾಡ್, ಕೋಝಿಕ್ಕೋಡ್, ಕಣ್ಣೂರು ಮತ್ತು ಕಾಸರಗೋಡು ಜಿಲ್ಲೆಗಳಲ್ಲಿ ಭಾಗಶಃ ವಿದ್ಯುತ್ ನಿರ್ಬಂಧ ವಿಧಿಸಲಾಗುವುದು.

ಕೋಝಿಕ್ಕೋಡ್ 400 ಕೆವಿ ಸಬ್‍ಸ್ಟೇಷನ್‍ನಲ್ಲಿ 500 ಎಂವಿಎ ಟ್ರಾನ್ಸ್ ಫಾರ್ಮರ್‍ನ ಬುಶಿಂಗ್‍ನಲ್ಲಿನ ದೋಷದಿಂದಾಗಿ ಈ ಬಿಕ್ಕಟ್ಟು ಉಂಟಾಗಿದೆ.

ನಿರ್ವಹಣೆಗಾಗಿ ಟ್ರಾನ್ಸ್‍ಫಾರ್ಮರ್ ಅನ್ನು ತಕ್ಷಣವೇ ಸ್ಥಗಿತಗೊಳಿಸುವ ಅಗತ್ಯವಿದೆ ಎಂದು ಪವರ್ ಗ್ರಿಡ್ ಕಾರ್ಪೋರೇಷನ್ ಕೆಎಸ್‍ಇಬಿಗೆ ತಿಳಿಸಿದೆ. ಲೋಪ ಸರಿಪಡಿಸಲು ಮತ್ತು ಸಾಮಾನ್ಯ ಪೂರೈಕೆಯನ್ನು ಪುನಃಸ್ಥಾಪಿಸಲು ಏಳು ದಿನಗಳು ಬೇಕಾಗುತ್ತದೆ ಎಂದು ಅಂದಾಜಿಸಲಾಗಿದೆ.

ಮಲಬಾರ್‍ನಲ್ಲಿ ಹೆಚ್ಚಿನ ಸಾಮಥ್ರ್ಯದ ಟ್ರಾನ್ಸ್ ಫಾರ್ಮರ್ ಸೇವೆಯಿಂದ ಹೊರಗುಳಿದಿರುವುದರಿಂದ ಲೋಡ್ ನಿರ್ವಹಣೆಯ ಭಾಗವಾಗಿ ನಿರ್ಬಂಧಗಳನ್ನು ವಿಧಿಸಲಾಗುತ್ತಿದೆ.

ವಿದ್ಯುತ್ ಬಳಕೆಯನ್ನು ಸಾಧ್ಯವಾದಷ್ಟು ಕಡಿಮೆ ಮಾಡುವ ಮೂಲಕ ಸಹಕರಿಸುವಂತೆ ಕೆಎಸ್‍ಇಬಿ ಗ್ರಾಹಕರನ್ನು ವಿನಂತಿಸಿದೆ. ವ್ಯತ್ಯಯದ ಸ್ಥಳೀಯ ಸಮಯಗಳು ಕೆಎಸ್‍ಇಬಿ ಕಚೇರಿಗಳ ಮೂಲಕ ಲಭ್ಯವಿರುತ್ತವೆ.