ಹಣ ಅಕ್ರಮ ವರ್ಗಾವಣೆ: ಎಎಪಿ ನಾಯಕ ದೀಪಕ್‌ ಸಿಂಗ್ಲಾ ಬಂಧನ

ನವದೆಹಲಿ: ದೆಹಲಿ, ಗೋವಾದಲ್ಲಿರುವ ಆಸ್ತಿಗಳ ಮೇಲೆ ದಾಳಿ ನಡೆಸಿದ ನಂತರ, ಹಣ ಅಕ್ರಮ ವರ್ಗಾವಣೆ ಪ್ರಕರಣ ಪ್ರಕರಣದಲ್ಲಿ ಆಪ್‌ ನಾಯಕ ದೀಪಕ್‌ ಸಿಂಗ್ಲಾ ಅವರನ್ನು ಜಾರಿ ನಿರ್ದೇಶನಾಲಯದ (ಇ.ಡಿ) ಅಧಿಕಾರಿಗಳು ಸೋಮವಾರ ಬಂಧಿಸಿದ್ದಾರೆ.

ಸಿಂಗ್ಲಾ ಅವರು ಆಮ್‌ ಆದ್ಮಿ ಪಕ್ಷದಿಂದ (ಎಎಪಿ) ದೆಹಲಿಯ ವಿಶ್ವಾಸ್‌ನಗರ ಕ್ಷೇತ್ರದಿಂದ ಕಣಕ್ಕಿಳಿದು ಸೋತಿದ್ದರು.

2024ರಲ್ಲಿಯೇ ತನಿಖೆಯ ಭಾಗವಾಗಿ ಅವರ ಮನೆಯ ಮೇಲೆ ದಾಳಿ ನಡೆಸಲಾಗಿತ್ತು.

ಬ್ಯಾಂಕ್‌ ಸಾಲ ಪಡೆದು ವಂಚಿಸಿ ಹಣ ಅಕ್ರಮ ವರ್ಗಾವಣೆ ನಡೆಸಿದ ಆರೋಪ ಸಿಂಗ್ಲಾ ಮೇಲಿದೆ. ಅವರನ್ನು ಬಂಧಿಸಿದ್ದು, ಆರೋಪಕ್ಕೆ ಸಂಬಂಧಿಸಿದ ದಾಖಲೆಗಳನ್ನು ವಶಕ್ಕೆ ಪಡೆಯಲಾಗಿದೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.