ಅಗತ್ಯ ಸೇವೆ ಎಂದು ಘೋಷಿಸಿದರೆ ದಾದಿಯರು ಮುಷ್ಕರ ಮಾಡುವ ಹಕ್ಕು ಕಳಕೊಳ್ಳುವರು: ಯಾಕೆ ಮಾಡಿಲ್ಲ?: ಹೈಕೋರ್ಟ್

ಕೊಚ್ಚಿ: ನರ್ಸಿಂಗ್ ಸೇವೆಯನ್ನು ಏಕೆ ಅಗತ್ಯ ಸೇವೆ ಎಂದು ಘೋಷಿಸಲಿಲ್ಲ ಎಂದು ಹೈಕೋರ್ಟ್ ಕೇಳಿದೆ. ಅಗತ್ಯ ಸೇವೆ ಎಂದು ಘೋಷಿಸಿದರೆ ದಾದಿಯರು ಮುಷ್ಕರ ಮಾಡುವ ಹಕ್ಕನ್ನು ಹೊಂದುವುದಿಲ್ಲ ಎಂದು ನ್ಯಾಯಮೂರ್ತಿ ಬೆಚು ಕುರಿಯನ್ ಥಾಮಸ್ ತಮ್ಮ ಮೌಖಿಕ ವಾದದಲ್ಲಿ ಹೇಳಿದ್ದಾರೆ. 

ಆಸ್ಪತ್ರೆ ಆಡಳಿತ ಮಂಡಳಿಯು ಸಾಕಷ್ಟು ವೇತನ ನೀಡುವುದಿಲ್ಲ ಎಂಬ ಆರೋಪ ಸಮರ್ಥನೀಯವಲ್ಲ ಎಂದು ನ್ಯಾಯಾಲಯ ಗಮನಸೆಳೆದಿದೆ. ಆದರೆ ಅದು ಮುಷ್ಕರ ಮಾಡಲು ಕಾರಣವಲ್ಲ.

ಸಂಯುಕ್ತ ದಾದಿಯರ ಸಂಘವು ತ್ರಿಶೂರ್‍ನ ಎರಡು ಖಾಸಗಿ ಆಸ್ಪತ್ರೆಗಳಲ್ಲಿ ವೇತನ ಹೆಚ್ಚಳಕ್ಕಾಗಿ ಮುಷ್ಕರ ನಡೆಸುತ್ತಿರುವಾಗ ದಾದಿಯರನ್ನು ನಸಿರ್ಂಗ್ ಕೆಲಸಗಳಿಗೆ ನಿಯೋಜಿಸಲಾಗುತ್ತಿದೆ ಎಂದು ಆರೋಪಿಸಿ ಅರ್ಜಿ ಸಲ್ಲಿಸಿದೆ.

ನ್ಯಾಯಯುತ ವೇತನ ನೀಡದಿದ್ದರೆ ಕಾನೂನು ಕ್ರಮಗಳನ್ನು ತೆಗೆದುಕೊಳ್ಳಬೇಕು ಎಂದು ನ್ಯಾಯಾಲಯ ಹೇಳಿದೆ ಮತ್ತು ಕೆಲಸದ ಸಮಯದ ನಂತರ ಮುಷ್ಕರ ಮಾಡುವುದು ಸೇರಿದಂತೆ ಕ್ರಮಗಳನ್ನು ತೆಗೆದುಕೊಳ್ಳಬಹುದು ಎಂದು ಹೇಳಿದೆ. ಎದುರಾಳಿ ಪಕ್ಷಗಳಿಗೆ ನೋಟಿಸ್ ಕಳುಹಿಸಲು ನಿರ್ದೇಶಿಸಿದ ನ್ಯಾಯಾಲಯವು ಅರ್ಜಿಯನ್ನು ನಂತರ ಪರಿಗಣಿಸಲು ಮುಂದೂಡಿದೆ.