ತಮಿಳುನಾಡು ಸಿಎಂ ವಿಜಯ್‌ಗೆ Z+ ಭದ್ರತೆ: ಕೇಂದ್ರ ಸರ್ಕಾರ ಮಹತ್ವದ ನಿರ್ಧಾರ

 ಚೆನ್ನೈ: ತಮಿಳುನಾಡು ಮುಖ್ಯಮಂತ್ರಿ ಜೋಸೆಫ್ ವಿಜಯ್ ಗೆ ಕೇಂದ್ರ ಸರ್ಕಾರ ಝಡ್-ಪ್ಲಸ್ ಭದ್ರತೆ ನೀಡಿದೆ. ವಿಜಯ್ ಅವರ ಝಡ್-ಪ್ಲಸ್ ಭದ್ರತೆ ಸೋಮವಾರ ಬೆಳಿಗ್ಗೆಯಿಂದಲೇ ಒದಗಿಸಲಾಗುತ್ತಿದೆ. 

ಈ ವ್ಯವಸ್ಥೆಯು 24 ಗಂಟೆಗಳ ಭದ್ರತೆಯನ್ನು ಒದಗಿಸುತ್ತದೆ. ಇದರಲ್ಲಿ ಅತ್ಯಾಧುನಿಕ MP5 ಶಸ್ತ್ರಾಸ್ತ್ರಗಳನ್ನು ಹೊಂದಿರುವ 55 ಕೇಂದ್ರ ಭದ್ರತಾ ಸಿಬ್ಬಂದಿ ಸೇರಿದ್ದಾರೆ. ಮುಖ್ಯಮಂತ್ರಿಯ ಭದ್ರತಾ ತಂಡವು ಈಗ 10ಕ್ಕೂ ಹೆಚ್ಚು  NSG ಕಮಾಂಡೋಗಳನ್ನು ಒಳಗೊಂಡಿದೆ. ತಮಿಳುನಾಡು ಮುಖ್ಯಮಂತ್ರಿಯ ಭದ್ರತಾ ವ್ಯವಸ್ಥೆಗಳನ್ನು ಕೇಂದ್ರ ಸರ್ಕಾರ ಗಮನಾರ್ಹವಾಗಿ ಬಿಗಿಗೊಳಿಸಿದೆ. ಈ ಭದ್ರತಾ ಪಡೆಯ ಎಲ್ಲಾ ಸದಸ್ಯರು ಸುಧಾರಿತ ಒP5 ಸಬ್-ಮೆಷಿನ್ ಗನ್‌ಗಳನ್ನು ಹೊಂದಿದ್ದಾರೆ. ವಿಜಯ್ ಅವರ ಭದ್ರತೆಗಾಗಿ ಗುಂಡು ನಿರೋಧಕ ವಾಹನ ಮತ್ತು ಪೈಲಟ್ ಕಾರನ್ನು ಸಹ ಒದಗಿಸಲಾಗಿದೆ. ಇದು ಅವರ ಹಿಂದಿನ 'ಙ' ವರ್ಗದ ಭದ್ರತೆಗಿಂತ ಮೇಲ್ದರ್ಜೆಗೇರಿಸಲಾಗಿದೆ.

'Z+' ಭದ್ರತೆಯು ವಿಐಪಿಗಳಿಗೆ ಒದಗಿಸಲಾದ ಅತ್ಯುನ್ನತ ಮಟ್ಟದ ಭದ್ರತೆಯಾಗಿದೆ. ಹೆಚ್ಚಿನ ಜೀವ ಅಪಾಯದಲ್ಲಿರುವ ನಾಯಕರು ಮತ್ತು ಪ್ರಮುಖ ರಾಜಕೀಯ ವ್ಯಕ್ತಿಗಳಿಗೆ ಈ ಭದ್ರತೆಯನ್ನು ಒದಗಿಸಲಾಗುತ್ತದೆ. ಈ ಪ್ರೋಟೋಕಾಲ್ ಅಡಿಯಲ್ಲಿ, 36 ಕಮಾಂಡೋಗಳು, ಸುಧಾರಿತ ಶಸ್ತ್ರಾಸ್ತ್ರಗಳು ಮತ್ತು ಗುಂಡು ನಿರೋಧಕ ವಾಹನವನ್ನು ನಿಯೋಜಿಸಲಾಗಿದೆ. ಸೋಮವಾರ ನಡೆದ 17ನೇ ವಿಧಾನಸಭೆಯ ಉದ್ಘಾಟನಾ ಅಧಿವೇಶನದಲ್ಲಿ ವಿಜಯ್ ಭಾಗವಹಿಸಿದ್ದರು. ಹಂಗಾಮಿ ಸ್ಪೀಕರ್ ಕರುಪಯ್ಯ ಅವರು ಹೊಸದಾಗಿ ಆಯ್ಕೆಯಾದ ಶಾಸಕರಿಗೆ ಪ್ರಮಾಣ ವಚನ ಬೋಧಿಸಿದರು. ಪೆರಂಬೂರ್ ಕ್ಷೇತ್ರವನ್ನು ಪ್ರತಿನಿಧಿಸುವ ಶಾಸಕರಾಗಿ ವಿಜಯ್ ಪ್ರಮಾಣ ವಚನ ಸ್ವೀಕರಿಸಿದರು. ಇದರ ನಂತರ ಅವರ ಸಂಪುಟ ಸಚಿವರು, ವಿರೋಧ ಪಕ್ಷದ ನಾಯಕ ಉದಯನಿಧಿ ಸ್ಟಾಲಿನ್ ಮತ್ತು ಮಾಜಿ ಸಚಿವರು ಭಾಗವಹಿಸಿದ್ದರು.